[size=20]گه‌ر ده‌ته‌وێ

من پێت ناڵێم : عاشقم به‌ ، چونكه‌ عیشق ئاسان نی یه‌
ده‌ستورێكه‌ له‌ باران و ، ئه‌ویش هه‌روا ئاسان نی یه‌

من پێت ناڵێم : هۆگرم به‌ ، گه‌ر هۆگری گوڵ نه‌بوو بی
له‌خه‌یاڵتا ، ئه‌ستێره‌ بم ، ئه‌گه‌ر جارێ گوڵ نه‌بوو بی

نا گوڵه‌باخ ، من پێت ناڵێم : بانگی عه‌شق له‌سنگتا بێ
دوو شه‌مامه‌ی ، توخمی ئاگر ، بۆ ده‌ستی من له‌ده‌ستا بێ

نا گوڵه‌باخ ، وه‌ختێ ده‌ڵێم : بارانم به‌ ، له‌ئاوم نێ
وه‌ك فرمێسكی نیوه‌ شه‌وی خۆشه‌ویستی له‌چاوم نێ

گه‌ر ده‌ته‌وێ هۆگرم بی .. هۆگرت بم هه‌تاكو سه‌ر
له‌گه‌ڵ منا به‌دڵ بۆنی .. چرۆ بكه‌ هه‌تاكو سه‌ر

هیچ زمانێ ، وه‌ك زمانم .. گوڵ ناهێنێ رِاستت ده‌وێ
هیچ رِاوچیه‌ك ، وه‌ك زمانم .. رِاو ناهێنێ رِاستت ده‌وێ

ئیسماعیل خورماڵی [/size]