[size=24]چى یه‌ خوایه‌ گیان من بۆ له‌م حاڵه‌دام و غه‌یرى من نا؟؟[/size]

كێ له‌ ئێمه‌ به‌ قۆناغى نائومێدى و بێهیوایدا تێ نه‌په‌رِیوه‌؟؟!! كێ له‌ ئێمه‌ به‌ قۆناغى ناخۆش و نارِه‌حه‌تیدا تێ نه‌په‌رِیوه‌؟؟!! هه‌میشه‌ ئێمه‌ و وته‌ جوانه‌كه‌ى خواى گه‌وره‌مان له‌بیر كردووه‌ كه‌ ده‌فه‌رموێت: (إن مع العسر یسرا , إن مع العسر یسرا)مرۆڤى وا هه‌یه‌ كه‌ جۆره‌ها كێشه‌ى رِوو به‌رِوو ده‌بێته‌وه‌ .... یان جۆره‌ها ناخۆشى و ئازارى دێته‌ رِێ....

له‌وكاته‌دا له‌ باتى ئه‌وه‌ى كه‌ به‌ره‌و خواى گه‌وره‌ برِوات و داواى یارمه‌تى و رِزگاربوون له‌ كێشه‌كانى لێ بكات په‌نا ده‌باته‌ به‌ر گله‌یى و نارِه‌زایى ده‌ربرِین به‌رامبه‌ر خواى گه‌وره‌.....
زۆر جار ده‌ڵێت:
خوایه‌ گیان چه‌ند دوعام لێكردى و وه‌ڵامت نه‌دامه‌وه‌...
چه‌ند جار نوێژم كرد بۆت و لێت پارِامه‌وه‌ هیچ له‌ حاڵى من نه‌گۆرِا...!!!
چى یه‌ خوایه‌ گیان من بۆ له‌م حاڵه‌دام و غه‌یرى من نا؟؟!!
بــۆچى و بـــۆچى و ؟؟؟.......چه‌ندین بۆچى تر.....
چه‌ندین ته‌فسیر و پرسیار به‌ خه‌یاڵیدا دێت كه‌ شه‌یتان نه‌فره‌تى خواى لێبێت واى لێ ده‌كات ئه‌و شتانه‌ بڵێ هه‌تا بیگه‌یه‌نێته‌ حاڵه‌تى گومان بردنى خراپ به‌ خواى گه‌وره‌....
خواى گه‌وره‌ به‌نده‌یه‌كى خۆش ده‌وێت كه‌ زۆر لێى داوا بكات و لێی بپارِێته‌وه‌ و ئیلحاح بكات له‌ داواكانى دا....
به‌نده‌یه‌ك كه‌ سێ جار یان زیاتر له‌وه‌ داواكانى بڵێته‌وه‌...
خواى گه‌وره‌ له‌گه‌ڵ گومانى به‌نده‌كه‌یدایه‌.... چ گومانێكى پێ ببات ئه‌وه‌ى پێ ده‌به‌خشىَ ....
ئه‌گه‌ر نیه‌ت و گومانى باش بێت باشه‌ دێته‌ رێى وه‌ ئه‌گه‌ر خراپ بێت خراپه‌ ده‌بینێت.....
خواى گه‌وره‌ سته‌م له‌ به‌نده‌كانى ناكات به‌ڵام به‌نده‌كان خۆیان سته‌م له‌ خۆیان ده‌كه‌ن....
خواى گه‌وره‌ پێى خۆشه‌ به‌نده‌ لێی بپارِێته‌وه‌ و داواى لێ بكات....
هه‌روه‌ خواى گه‌وره‌ قه‌ده‌رى خۆى بۆ ئه‌وانه‌ى زۆر لێی ده‌پارِێنه‌وه‌ ده‌گۆرِێت....به‌ پێى ئه‌و داواكارییه‌ى كه‌ هه‌یه‌تى ....
گه‌ورترین ده‌لیل بۆ فراوانى رِه‌حمه‌تى خواى گه‌وره‌ بۆ به‌نده‌كانى چیرۆكى پێغه‌مبه‌رمان (موسى) یه‌ (على نبینا و علیه‌ ێلاه‌ و سلام) له‌گه‌ڵ ئافره‌تێك دا كه‌ منداڵى نابێت ...با پێكه‌وه‌ بیخوێنینه‌وه‌ و گه‌وره‌یى ده‌سته‌ڵات و رِه‌حمه‌تى خواى گه‌وره‌ ببینین.....
پێغه‌مبه‌ر (موسى) (على نبینا و علیه‌ ێلاه‌ و سلام) كه‌ (كه‌لیم و الله‌)یه‌ ئافره‌تێك دێته‌ لاى و پێى ده‌ڵێت : داوا له‌ خواى گه‌وره‌ بكه‌ منداڵێكم پێ ببه‌خشێت ، ئه‌ویش له‌ خواى گه‌وره‌ بۆى ده‌پارِێته‌وه‌ ،خواى گه‌وره‌ پێى ده‌فه‌رموێت: ئه‌ى موسى من ئه‌و ئافره‌ته‌م به‌ نه‌زۆك نوسیوه‌ و منداڵى نابێت .
دواى ئه‌وه‌ى ئافره‌ته‌كه‌ هاته‌وه‌ بۆ لاى پێغه‌مبه‌ر موسى پێى فه‌رموو كه‌ خواى گه‌وره‌ به‌ نه‌زۆك تۆى نوسیوه‌ و منداڵت نابێت...
پاش تێپه‌رِ بوونى ساڵێك ئافره‌ته‌كه‌ دێته‌وه‌ و هه‌مان داوا له‌ موسى ده‌كات ئه‌ویش پاش ئه‌وه‌ى دووباره‌ له‌ خواى گه‌وره‌ بۆ پارِایه‌وه‌ و هه‌مان شتى پێ ووترا پێى ده‌فه‌رموێت كه‌ خواى گه‌وره‌ تۆى به‌ نه‌زۆك نوسیوه‌ و منداڵت نابێت....
پاش ماوه‌یه‌ك ئافره‌ته‌كه‌ هات بۆ لاى موسى منداڵێكى پێ بوو ....ئه‌ویش لێى پرسى ئه‌و منداڵه‌ هى كێیه‌؟
ئه‌ویش ووتى : ئه‌وه‌ منداڵێكه‌ خواى گه‌وره‌ پێى به‌خشیوم و رِزقى خواى گه‌وره‌یه‌....
پاش ئه‌وه‌ موسى گفتوگۆى له‌گه‌ڵ خواى گه‌وره‌ كرد و پێى فه‌رموو خوایه‌ تۆ ئه‌وت به‌ نه‌زۆك نوسیوه‌ ؟؟!!
خواى گه‌وره‌ش فه‌رمووى ئه‌ى موسى هه‌ركاتێك نوسیم ئه‌و ووتى یا ره‌حیم ....منیش رِه‌حمه‌تم له‌ پێش قه‌ده‌رم دایه‌ بۆیه‌ منداڵم پێ به‌خشى و وه‌ڵامم دایه‌وه‌....
به‌رِێزانم .... ئه‌ى ئه‌وانه‌ى بێ ئومێدن و بێ هیوان له‌ رِه‌حمه‌تى خواى گه‌وره‌ دوعا بكه‌ن و لێی بپارِێنه‌وه‌...
خواى گه‌وره‌ سه‌رت ده‌خات و غه‌م و خه‌فه‌تت له‌ كۆڵ ده‌كاته‌وه‌ ....
ئه‌و ناخۆشیانه‌ى دێته‌ رِێت له‌سه‌رت ئاسان ده‌كات .... تۆ بێ هیوا مه‌به‌ تكایه‌...
گومانى باش به‌ خواى گه‌وره‌ ببه‌ تا خواى گه‌وره‌ به‌ باشه‌ وه‌ڵامت بداته‌وه‌....
دڵنیابه‌ هه‌رشتێك خێر بێت بۆ دونیا و قیامه‌تى تۆ خواى گه‌وره‌ پێت ده‌به‌خشێت ئه‌گه‌ر ئارامگر بیت و گله‌یى له‌ حاڵى خۆت نه‌كه‌یت.... مه‌ڵێ خوایه‌ گیان بۆ وه‌ڵامم ناده‌یته‌وه‌؟؟؟
تۆ چوزانى له‌وانه‌یه‌ ئه‌وه‌ى تۆ ده‌ته‌وێ ببێته‌ هۆى له‌ ده‌ست دانى قیامه‌تت ..... هه‌ر شتێك ته‌نها سوودى دونیاى تێدا بێت كاتى یه‌و ته‌واو ده‌بێت خواى گه‌وره‌ زانایه‌ به‌ هه‌موو شتێكى به‌نده‌كانى و ئاگاداره‌ ئیتر نائومێدى و بێ هیوایى له‌ پاى چى؟؟؟؟
له‌ رِۆژى دواییدا ئه‌و كه‌سانه‌ى كه‌ له‌ دونیادا دوعایان گیرا نه‌بووه‌ هه‌موو بووه‌ به‌ پاداشتێكى گه‌وره‌ تا ئه‌و رِاده‌یه‌ موسڵمان ده‌ڵێت خۆزگه‌ له‌ دونیادا هیچ دوعایه‌كم نه‌هاتایه‌ته‌دى.....
خواى گه‌وره‌ له‌ گوناهه‌كانمان خۆش بێت و بمانپارێزێت له‌ هه‌ر به‌ڵایه‌ك كه‌ نه‌توانین ته‌حه‌مولى بكه‌ین و ئارامى له‌سه‌ر نه‌گرین....
خوایه‌ گیان ئیمه‌ هیوامان زۆر زۆره‌ به‌ سۆز و میهره‌بانیت تكایه‌ لێمان ببوره‌ و لێمان خۆش ببه‌ هه‌رشتێك خێرى دونیا و قیامه‌تمانى تێدایه‌ بۆمان ئاسان بكه‌ و له‌ كه‌م و كورتیمان ببوره‌....اللهم اٌمین.
و اٌخر دعوانا ان الحمد لله‌ رب العالمین....
baxtawary

[size=24]چه‌ند جوانه‌ ببینه‌ هۆی به‌خته‌وه‌ری که‌سانی تر...[/size]

له‌یه‌کێک له‌ نه‌خۆشخانه‌کاندا دوو نه‌خۆشی به‌ته‌مه‌ن له‌ ژوورێکدا بوون
یه‌کێکیان ڕێگه‌یان پێ دابوو که‌ ڕۆژانه‌ بۆ ماوه‌ی کاژێرێک دوای عه‌سر له‌سه‌ر جێگه‌که‌ی دانیشێت ، بۆ به‌ختی ئه‌و جێگه‌که‌ی له‌پاڵ ئه‌و ته‌نها په‌نجه‌ره‌یه‌ی که‌ له‌و ژووره‌دا هه‌بوو دانرابوو، به‌ڵام ئه‌وی تریان ئه‌بوایه‌ به‌ درێژایی کات له‌سه‌ر جێگه‌که‌ی له‌سه‌ر پشت ڕابکشیایه‌ ....
ئه‌م دوو نه‌خۆشه‌ کاته‌کانیان به‌ گفتووگۆکردن له‌گه‌ڵ یه‌کتر به‌سه‌ر ده‌برد بێ ئه‌وه‌ی یه‌کتری ببینن ،له‌به‌ر ئه‌وه‌ی له‌سه‌ر پشت ڕاکشا بوون ، له‌باره‌ی خێزان و ماڵ و ژیان و هه‌موو شتێک ده‌دوان...
هه‌موو ڕۆژێ پاش عه‌سر ، ئه‌و نه‌خۆشه‌ی که‌ به‌ پێی فه‌رمانی پزیشک ده‌بوایه‌ دابنیشتایه‌ ، سه‌یری ده‌ره‌وه‌ی ده‌کرد و وه‌سفی جیهانی ده‌ره‌وه‌ی بۆ هاوه‌ڵه‌که‌ی ده‌کرد ،ئه‌وی تریش چاوه‌رێی ئه‌و سه‌عاته‌‌ی ده‌کرد وه‌ک چۆن نه‌خۆشی لای په‌نجه‌ره‌ چاوه‌ڕێی ده‌کرد، چونکه‌ ژیانی پڕ ده‌کرد له‌ زینده‌یی له‌ کاتێکدا که‌ گوێی بۆ هاوه‌ڵه‌که‌ی ده‌گرت وه‌سفی ده‌ره‌وه‌ی ده‌کرد. چونکه‌ نه‌خۆشی به‌ر په‌نجه‌ره‌ کاتێ سه‌یری ده‌ره‌وه‌ی ده‌کرد ده‌یوت : له‌ باخچه‌یه‌کدا ده‌ریاچه‌یه‌کی گه‌وره‌ هه‌یه‌ مراوی مه‌له‌ی تێدا ده‌که‌ن ، منداڵانیش له‌ ماده‌ی جۆراو جۆر به‌له‌میان دروست کردوه‌ له‌ ناو ئاوه‌که‌دا یاری پێ ده‌که‌ن ، پیاوێکیش پاپۆڕه‌ بچووکه‌که‌ی به‌ کرێ ده‌داته‌ خه‌ڵکی هه‌تا‌ گه‌شتی خۆیان بکه‌ن له‌ناو ده‌ریاچه‌که‌دا، کۆمه‌ڵێک له‌ قه‌راغی ده‌ریاچه‌که‌ به‌ پیاده‌ ده‌ڕۆن ، هه‌ندێکی تر له‌ سێبه‌ری دار و دره‌خته‌کان و له‌ لای گوڵ و گوڵزاری ڕه‌نگاو ڕه‌نگی سه‌رنج راکێش دانیشتوون .... دیمه‌نی ئاسمانیش سه‌رنجی گه‌شتیاران بۆ لای خۆی ڕاده‌کێشێت...
له‌م کاتانه‌دا که‌ئه‌و وه‌سفانه‌ ده‌کات ئه‌ویش به‌شێوه‌یه‌ک گوێی گرتوه‌ که‌ هه‌ست به‌ بوونیان ده‌کات ، چاوه‌کانی داده‌خات و ته‌سه‌وری ئه‌و جیهانه‌ی ده‌ره‌وه‌ی نه‌خۆشخانه‌ ده‌کات...
ڕۆژێک باسی نمایشی سه‌ربازی بۆ ده‌کات له‌کاتێکدا ئه‌و عه‌زفی ئه‌و تیپه‌ مۆزیکانه‌ی نه‌بیستوه‌ ئه‌وه‌ نه‌ بێت که‌ به‌ چاوی عه‌قڵ ده‌یبینێ له‌ڕێی وه‌سفی هاوه‌ڵه‌که‌ی بۆی...
ڕۆژان تێپه‌ڕی و هه‌ردووکیان زۆر خۆشحاڵ و به‌خته‌وه‌ر بوون به‌هاوه‌ڵێتیان ، له‌ ڕۆژێکدا په‌رستاره‌که‌ وه‌ک واجب و کاری خۆی سه‌ردانی نه‌خۆشه‌کانی کرد بینی نه‌خۆشی لای په‌نجه‌ره‌که‌ گیانی ده‌رچووه‌ هاوه‌ڵه‌که‌شی به‌مه‌ی نه‌زانیوه‌، تا ئه‌و کاته‌ی په‌رستاره‌که‌ به‌ ته‌له‌فۆن داوای یارمه‌تی کرد تا بیبه‌نه‌ ده‌ره‌وه‌ له‌و کاته‌دا زانی هاوه‌ڵه‌که‌ی وه‌فاتی کردوه‌ زۆر دڵته‌نگ و خه‌مبار بوو به‌ مردنی...
کاتێک هه‌لێکی گونجاوی دۆزیه‌وه‌ داوای له‌ په‌رستاره‌که‌ کرد که‌ بیباته‌ لای په‌نجه‌ره‌که‌وه‌ ئه‌ویش ئه‌وه‌ی ویستی بۆی به‌ جێ هێنا... نزیک ئه‌و کاتانه‌ی که‌ هاوه‌ڵه‌که‌ی داده‌نیشت و سه‌یری ده‌ره‌وه‌ی ده‌کرد بیری له‌ هاوه‌ڵه‌که‌ی کرده‌وه‌... بڕیاری دا که‌ هه‌وڵ بدات دابنیشێت و قه‌ره‌بوی ئه‌وسه‌‌عاته‌‌ بکاته‌وه‌ که‌ له‌ده‌ستی چووه‌ ، ورده‌ ورده‌ سه‌ری به‌رز کرده‌وه‌ به‌ یارمه‌تی ده‌سته‌کانی ،پاشان به‌ هێواشی سه‌یری ده‌ره‌وه‌ی کرد .... به‌ڵام له‌م کاته‌دا شتێکی سه‌یری بینی .!!
ئه‌وه‌ی چاوی پێکه‌وت ته‌نها دیوارێک بوو له‌ دیواره‌کانی نه‌خۆشخانه‌ ، په‌نجه‌ره‌که‌ش له‌سه‌ر ساحه‌ی نه‌خۆشخانه‌که‌ بوو ...
بۆیه‌ په‌رستاره‌که‌ی بانگ کرد و لێی پرسی ئایه‌ ئه‌م په‌نجه‌ره‌یه‌ هه‌ر ئه‌وه‌یه‌ که‌ هاوه‌ڵه‌که‌ی لێیه‌وه‌ سه‌یری ده‌ره‌وه‌ی ده‌کرد؟
ئه‌ویش له‌ وه‌ڵامدا وتی به‌ڵێ !! ئه‌م ژووره‌ ته‌نها یه‌ک په‌نجه‌ره‌ی تیایه‌ ، هۆی سه‌رسوڕمانی نه‌خۆشه‌که‌ی پرسی : ئه‌ویش چیرۆکی هاوڕێکه‌ی و وه‌سفه‌کانی بۆ گێڕایه‌وه‌، په‌رستاره‌که‌ش زیاتر سه‌ری سوڕما و ووتی : هاوڕێکه‌ی تۆ چاوه‌کانی کوێر بوون ته‌نانه‌ت نیتوانیوه‌ دیواره‌که‌ش ببینێ ...!!!
به‌ڵام دیاره‌ ویستوویه‌تی ژیانت به‌خته‌وه‌ر بکات هه‌تا بێ هیوا نه‌بیت و ته‌مه‌نای مردن نه‌که‌ی.
ئایا دڵخۆش نابیت ئه‌گه‌ر هۆیه‌ک بیت بۆ به‌خته‌وه‌ری ده‌وروبه‌رت ؟
ئه‌گه‌ر خه‌ڵکیت به‌خته‌وه‌ر کرد به‌خته‌وه‌ری تۆ دووهێند زیاد ده‌کات ، وه‌ ئه‌گه‌ر خه‌م و په‌ژاره‌ت بڵاو کرده‌وه‌ دڵته‌نگی و ناڕه‌حه‌تی خۆت زیاد ده‌کات...
خه‌ڵکی زۆربه‌ی کات ئه‌وه‌ی ده‌یڵێت له‌ بیری ده‌چێته‌وه‌ ، یان ئه‌وه‌ی ده‌یکات له‌ بیری ده‌چێته‌وه‌...
به‌ڵام هه‌رگیز ئه‌و شعوور و هه‌سته‌ی به‌ هۆی تۆوه‌ تووشیان ده‌بێت له‌ بیریان ناچێته‌وه‌...
ئایا وایان لێ ده‌که‌یت هه‌ست به‌ به‌خته‌وه‌ری بکه‌ن ؟
با هه‌موو دروشممان ئه‌و ئامۆژگاریه‌ی خوای گه‌وره‌ بێت که‌ له‌ قورئانی پیرۆزدا ده‌فه‌رموێت : (وقولوا للناس حسناً ).
و آخر دعوانا ان الحمد لله رب العالمین ....

bextewary

كچێكی ئه‌مه‌ریكايی رۆژانه‌ شه‌ست ژه‌م نان ده‌خوات 
(لیزی) كچێكی ئه‌مه‌ریكايیه‌ و ته‌مه‌نی بیست و یه‌ك ساڵه‌، ڕۆژانه‌ شه‌ست ژه‌م نان ده‌خوات، ئه‌وه‌ی جێگای سه‌رسوڕمانه‌ ئه‌م كچه‌ كێشی زۆركه‌م ‌و جه‌سته‌یه‌كی لاوازی هه‌یه‌.

لیزی تووشی نه‌خۆشیه‌كی سه‌یر هاتووه‌ كه‌ هه‌رچه‌نده‌ ئه‌م هه‌موو خۆراكه‌ ده‌خوات به‌لاَم كێشی له‌ 25 كیلۆ زیاتر نابێت.

باس له‌وه‌ ده‌كرێت كه ‌له‌ كاتی له‌ دایك بوونیدا ئه‌وه‌نده‌ بچووك بووه‌ و ‌ دایكی جلوبه‌رگی بووكه‌ڵه‌ی له‌ به‌ركردووه‌.

  تائێستا هیچ پزیشكێك نه‌یتوانیوه ئه‌م نه‌خۆشیه‌ى لیزی‌ دیاری بكات و چاره‌سه‌ريشی بۆ نه‌دۆزراوه‌ته‌وه‌.

peyamner

[size=24]ڕێبـــــــــواری رێگــــــای دوورم
دیـــــــاری ده‌ستـــیشم گولێكــه‌!!
كــه‌بــــه‌راتــــه‌
وامه‌زانـــه‌مه‌به‌ستی من نوقڵێكــه‌
بانه‌ڕۆم بـــــه‌دڵ شــــكاوی
بــــــه‌وپــــــرچــــه‌ڕه‌شـــــه‌ت ئــــــه‌مبـــــه‌خشـــــی؟؟
ده‌مێـــــــكه‌له‌دوات وێـڵــــــــم
هاتـــــــوم دڵـــــــتم پێ‌ ببــــــــه‌خشی!![/size]

نوسیـــــــنی:به‌ڵـــــــێن سه‌نگـــــاوی
ئاماده‌كـــــردنــــی:هه‌ناســـــــه‌