هونه‌رمه‌ند زه‌كه‌ریا پرِۆژه‌ی دروستكردنی كۆلێژێكی موزیكی، پێشكه‌ش به‌ وه‌زاره‌تی خوێندنی باڵای حكومه‌تی هه‌رێمی كوردستان ده‌كات.

د.ئیدریس هادی ساڵح وه‌زیری خوێندنی باڵاو توێژینه‌وه‌ی زانستی پێشوازی له‌ هونه‌رمه‌ند زه‌كه‌ریا كرد, له‌و دیداره‌دا زه‌كه‌ریا ئاماده‌یی خۆی نیشاندا بۆ دروستكردنی كۆلێژێك یان ئه‌كادیمیایه‌كی موزیكی ئه‌هلی له‌ هه‌ولێر به‌ پێی مه‌رج و رێنماییه‌كانی وه‌زاره‌ت و سه‌رجه‌م مامۆستایان و پسپۆرانی ئه‌و ئه‌كادیمیایه‌ش له‌ ده‌ره‌وه‌ی وڵات بۆ بێنێ و برِوانامه‌ی ئه‌كادیمیش به‌ قوتابیان ده‌به‌خشرێت.

له‌ به‌رامبه‌ردا وه‌زیری خوێندنی باڵا ئه‌مه‌ی به‌هه‌نگاوێكی باش نیشان دا, بۆیه‌ كۆپیه‌كی له‌ مه‌رج و رێنماییه‌كانی وه‌زاره‌تی پێشكه‌ش به‌ هونه‌رمه‌ند كرد, هه‌ر له‌و دیداره‌دا وه‌زیری خوێندنی باڵا هیوای خواست ئه‌و هه‌نگاوه‌ ببێته‌ هۆی پێشخستنی هونه‌ری كوردی و جه‌ختی له‌سه‌ر به‌ره‌و پێشه‌وه‌ بردنی هونه‌ر له‌ كوردستان كرده‌وه‌ بۆ ئه‌وه‌ی به‌ شێوه‌یه‌كی باش خزمه‌ت به‌ هونه‌ری كوردی بكرێت

هاتا كوردێك له‌ جیهان مابێت ده‌بێت شانازی به‌ زه‌كه‌ریاوه‌ بكه‌ن.

_______________________________________________________________________

كارزان حه‌یده‌ر :

•         بۆ مەوعیدەکەمان بۆ ئەمڕۆ دواخرا؟

پێشتر لەگەڵ چەند برادەرێک مەوعیدمان دانابوو بچین سەردانى گوندێکى دەوروبەرى هەولێر بکەین ، بۆیە ئەو ڕۆژە چووینە ئەو گوندە خۆشەو و دیمانەکەى نێوان من و تۆش بۆ ئەمڕۆ دواخرا.

•         بەرهەمى نوێت چى بەسەرهات؟

بەرهەمى نوێم کارە زەحمەتەکانى هەمووى تەواو بووە، لە ئایندەیکى نزیکدا خەڵکى کوردستان گوێیان لێى دەبێ ، بەرهەمەکە تا ئێستا ناوییم بۆ دیارە نەکردووەو لە 12 تا 14 تڕاک پێکهاتووە و ئەو شاعیرانەى پێشتر کاریانم لەگەڵ کردوون ، وەک کاک  سامى ئەرگوشى و کاک  شاڵا و و کاک عەبدولڕەحمان بێلاف ، شیعریان بۆ داناوم و بڕیارە یەک دوو برادەرى دیکەى شاعیر ئەوانیش بەشداریم بکەن.

•         پڕۆژەى دروستکردنى کۆلیژى میوزیک چى بەسەرهات کە بۆ دامەزراندنى داواتان پێشکەشى وەزارەتى خوێندنى باڵا کرد؟

ئێستا خەریکى داڕشتنى  ماستەر پلانین و لە کارکردنین بۆ دامەزراندن و دروستکردنى ، چونکە ڕەزامەندى لەسەر دراوە.

•         بۆ کەم دەردەکەوى؟

سەرقاڵیم واى لێکردووم کەم دەرکەوم.

•         دایکت لێت ڕازیە؟

ئەگەر لە دەرەوەى کوردستان بم ، ڕۆژانە بە تەلەفۆن قسەى لەگەڵ دەکەم ، ئەگەر لە ناوەوەى کوردستانیش بم ، ڕۆژ نا ڕۆژێ سەردانى دەکەم ئەگەر دەرفەتیشم زۆر کەم بێ، زۆر شەوانیش هەیە لاى دەمێنمەوە ، دایکم زۆر پیر بووە.

•         سوێند بەچى دەخۆى؟

بە وڵات ، بە دایکم.

•         ئەو دەنگۆیە ڕاستە گوایە بە نهێنى ژنت هێناوە؟

ئەوە ڕاست نییە و کەسێکى دیاریکراو لە ژیانى مندا نییە ، ئەوەى بیرى لێ دەکەمەوە تەنها خۆشەویستى دایکمە.

•         وەرزش دەکەى؟

ئێواران  لەسەر ئامێرى ڕۆیشتن.

•         ئەو کاتانەى دەرفەتێکت دەبێ ، بەچى بەسەرى دەبەى؟

بە دانیشتن و بینینى دۆست و برادەران و خوێندنەوەش.

•         پەیوەندیت لەگەڵ کەسایەتییە هونەریەە جیهانیەەکان هەیە؟

لەگەڵ زۆرێ لەوان

•         حەزدەکەى ڕۆژێ لە ڕۆژان لە فیلمێکى سینەماییدا ، یان لە درامایەکدا ڕۆڵى سەرەکى ببینى؟

زۆر حەزدەکەم ، بەمەرجێ سیناریۆ و دەرهێنانێکى چاکى بۆ بکرێت و بابەتێکى جوان و گرنگیش بێت.

•         بیر لە دروستکردنى میدیا ناکەیتەوە؟

بیر لە دروستکردنى کەناڵێکى ئاسمانى دەکەمەوە زیاتر فەرهەنگى بێت.

•         بەهۆى سەرقاڵیتەوە زۆر سەفەر دەکەى ، بیرت لەوە نەکردۆتەوە فڕۆکەیەکى تایبەت بەخۆت هەبێ؟

حەزم لێە.

•         وابزان خولیاى ڕاوت هەیە؟

نا ، ئاژەڵ و باڵندەکانم زۆر خۆش دەوێن، من خولیاى نیشان شکێنیم هەیە.

•         چەند پاشەوانت هەن؟

بڵێ چەند هاوڕێت هەن.

•         بۆ هەمیش بە قاتەوە دەتبینم نەک بە جلى ئاساییەوە؟ چەند قاتت هەن؟

چونکە قاتم زیاتر لێ دێن و چەند دانە قاتێکم هەن ( بە پێکەنینەوە )

•         تەسبیح هەمیشە بە دەستتەوەیە؟

زۆر حەزم لێیەتى ، سەبووریەکەو زۆر جار  یارمەتیم دەدات بۆ بیر کردنەوە

•         ئەو نامانەى هەوادارانت لەڕێى ماڵپەڕەکەوە بۆت دەنێرن ، وەڵامى هیچ یەک لەوان دەدەیتەوە؟

زۆر لەوان وەڵام دەدەمەوە.

•         دواى ناوبانگ دەرکردنت، بە تەنها بە هەولێردا سووڕایتەوەو خەڵک پێى نەزانیبێ؟

زۆر جار بەپێى و هەندێ جاریش بە ئۆتۆمبیل.

•         چ عەشیرەتێکى؟

خۆشناوم ( بە پێکەنینەوە )

•         خۆت گەنجى و زۆربەى هەوادارانیشت گەنجن ، بیر لەوە ناکەیەوە پڕۆژەیەکى نیشتەجێکردنى ئاسایى بۆ گەنجان جێبەجێ بکەیت؟

بیرم لێکردۆتەوە ، لە ئایییندە جێبەجێى دەکەم.

•         بازرگانى ڕێگرى لە هەونەر دەکات؟

بازرگانى هاوکارى هونەر دەکات

دیمانەکە لەوە کۆتایى هات ، بەڵام دانیشتنى دواى دیمانەکەو قسە خۆشەکانى تا سەعات 5.30 ئێوارە بەردەوام بوو لە کاتێکدا ئێمە لە سەعات لە سەعات 1.30 ى نیوەڕۆ یەکترمانبینى، یەکترمان ماچ کردو لە دەرگاى ڤێلاکە چاوەڕێى کردم تا ڕۆیشتم ، لەوێوە زانیم ئەو کەسێکى سادەو ساکارو ناوەڕۆک گەورەو پڕ نرخە.

دەوای دەردەكەم فاتە نیوەی رۆحم لەلاتە
ئەمەوێ خۆم تەعین كەم ئەچم هەركوێ قەپاتە
عەشقی تۆوای لێ كردوم دڵی پێكاوم بەتیر
بەس لەعانی انتیخاب منیان ئەكەوێتە بیر
ئەرێ بەسە براكەم بەسە سورە گوڵە كەی
ئەمساڵیش نەوتی بایع شەربەتێكی زۆر خەسە
عاشق دەبێ مەستانەبێ لەدویوو دەرگای مەیخانەبێ
لەناو هەرێمێكی بچوك ئەبێ سێ سیم كارتی پێبێ
دەڕوات بەرەوتی سوێسكە چەند جوانە لەنجەو لاری
وڵات پڕ بووە لەئەشیای هەزاری ودووهەزاری
قەزات لەسەروماڵم باڵاوەك لاولاوی تۆ
تۆدەنگێك بدە بەمن منیش عەرزێك ئەدەم بە تۆ
دەتۆش بڕۆلای كەسێك كەبرلەغەم نەكاتەوە
بووبە بەرپرس لەهەر جێیەك تەنها پاڕە كۆكاتەوە
لەكوێت هێناوە گوێ من ئەو هەمووە جوانیە
مەكتەب بۆتە مەیدانی چەك لە قەزای ڕانیە
لەتاو دووری یاری خۆم دەژمێرم رۆژو هەفتە
لەرۆژی ڤالانتاین چاوییان كردم بەكفتە

به‌پێی توێژیینه‌وه‌یه‌كی زانستی ده‌ركه‌وتووه‌ چاوه‌كانی مریشك له‌ رووی بیناییه‌وه‌ زۆر له‌ چاوه‌كانی مرۆڤ و ئاژه‌ڵان به‌هێزتره‌، به‌ تایبه‌ت بۆ ناسینه‌وه‌ی ره‌نگه‌كان كه‌ توانای بینینی تیشكه‌كانی سه‌روی وه‌نه‌وشه‌یی هه‌یه‌.
له‌مباره‌یه‌وه‌ دكتۆر (جۆزف كۆربۆ) كه‌ له‌گه‌ڵ هاوكاره‌كانی له‌ كۆلیژی پزیشكی زانكۆی واشنتن له‌ (سانت لویس) له‌ ویلایه‌تی میسۆری توێژیینه‌وه‌یه‌كیان له‌سه‌ر 5 مریشك ئه‌نجامداوه‌ و ئه‌و لایه‌نه‌ شاره‌وه‌ییه‌ی له‌ تۆڕی چاوی مریشكدا بوونی هه‌یه‌، بۆیان ئاشكرا بووه‌.

له‌ وتوێژینه‌وه‌یه‌ی كۆربۆ و هاوكاره‌كانی ده‌ركه‌وتووه‌ كه‌ توانای ئه‌و باڵنده‌یه‌ (مریشك) له‌رووی بیناییه‌وه‌ زۆر له‌ مرۆڤ به‌ هێزتره‌ و ره‌نگه‌كانیش باشتر له‌یه‌ك جودا ده‌كاته‌وه‌.

دكتۆر كۆربۆ ئه‌و تایبه‌تمه‌ندییه‌ی له‌ چاوی مریشكدا هه‌یه‌، گه‌ڕاندۆته‌وه‌ بۆ ئه‌وه‌ی كه‌ چاوه‌كانی به‌ قۆناغه‌كانی گه‌شه‌سه‌ندن دا تێ ناپه‌ڕێت، بۆیه‌ ئه‌و تۆڕه‌ی له‌ چاوی مریشكدا هه‌یه‌ زۆر له‌وه‌ی له‌ چاوی به‌شێكی زۆر له‌ ئاژه‌ڵه‌ شیرده‌ره‌كاندا هه‌یه‌، به‌هێزتره‌.

هه‌روه‌ها ده‌ڵێت تۆڕی چاوی مرۆڤ زۆر هه‌ستیاره‌ به‌رامبه‌ر به‌ ره‌نگی سور، شین، سه‌وز. به‌ڵام چاوه‌كانی مریشك له‌ توانایدایه‌ تیشكه‌كانی سه‌رووی وه‌نه‌وشه‌یی ببینێت، ئه‌ویش به‌هۆكاری ئه‌و به‌هێزییه‌ی له‌ تۆڕی چاوه‌كانی دا هه‌یه‌.

سەرچاوەیێكی باوەڕپێنەكراو كە زۆر حەزی لێبوو ناوو پۆستەكەی ئاشكرابكات و وێنەی خۆی و هەموو عەشرەت و ئالوئەسحابیشی بڵاوبكاتەوە، منیش وەك ڕۆژنامەوانێكی ناشی و قیرسیچمە، هەر بۆئەوەی بەو دەردەوە بتلێتەوەو لەداخا شەقبەرێ ناوەكەی ئاشكراناكەم! ڕایگەیاند:
لە سیمینارێكدا كە بۆ نەشتەرگەری روخسار جوانكردن و تەسریحەكردنی پرچ و ئەگریجەو زوڵف و گیسووی پەخش و پەرێشانی (تەرجەمە خاتوونی كوردستانی) لەسلێمانی گیرابوو، وەرگێڕێكی گەورەو ناسراوی كورد حەزی نەكرد ناوی خۆی ئاشكرابكات، لەبەردەم ئامادەبووان و بەبەرچاوی ئەو كامێرا تەلەڤزیۆنییە لۆكاڵ و ئاسمانییانەوە كە ژمارەیان هێندەو نیوی ئامادەبووانی نێو هۆڵەكە بوون (ئەو كامێرانەی -وەك شاعیرێكی كوردی پۆستمۆدێرن! لە ژمارەیێكی ئەم دواییانەی گۆڤارێكدا دەڵی: لە ئاودەستەكانیشدا بەلێشاو ئامادەن و شاعیرەكەیان ناچاركردووە لە هۆڵی میواندا لەبری شیعر، بیلاتەژبی (گوو)بكات!!).
با بێینەوە لای برای تۆێژەر، بە داخ و كەسەرێكی زۆرەوە، بەراوردێكی وردو زانستیانەی لەنیوان هەڵەت و پەڵەتی وەرگێران و پرۆسەكانی ئەنفالدا كرد و ڕوونیشیكردەوە هەر تاكە وشەیێكی بەسەقەت وەرگێڕدراو، وەك كیمیابارانی هەڵەبجەو دۆڵی بالیسان و جافایەتی وایەو هەر ڕستەیێكی هەڵەش، هەڵمەتێكە لە هەڵمەتەكانی ئەنفالی گەرمیان و قوشتەپە، بەمپێیە هەر لاپەڕەیێكی تەرجەمەكراوی كوردی، لەگەڵ كوشتنی 182000 + 8000 + 5000 +000؟؟ كورددا بە موو فەرقییان نییە!
ئەمجا منیش وەك كوردێكی بەشەرەف و خاوەن هەڵوێست! بەپشتئەسوور بەو سەرچاوە بێمتمانەیەو بەم تۆژینەوە زانستی و ئەكادیمییەو بەو حەمكە كامێرا TVیانە داوا لە داواكاری گشتی دادگەی باڵای تاوانەكان دەكەم، بەزووترین كات لەو بڕیاری خنكاندنەی (عەلی كیمیاوی) پاشگەزبێتەوە، چونكە بە حسابی ئەم برادەرە بێ، هەر وەرگێرو نووسەرێكی كوردمان هەزار هێندەی ئەو ئەحمەقە تاوانبارن، دیارە ئەمەیش لەبەرژەوەندی كێشەكەماندایەو با هەموو خەمخۆرانی كورد دڵنیابن بەم ئیكتیشافە مەزنەی لەو سیمینارەدا كرا، دادگەی تەمییز وەلەو (عەلی) عەفو دەكات، بەڵام بەمرادو مەنزووری دڵی خۆمان دەگەین و تاوانی وەرگێڕەكانمان بە جینۆساید بۆ (ئەتاسێنێ!) واتا بۆ حسابدەكات!
باشبوو بیرمكەوتەوە! دەنا ریسەكەم بەكەوڵی بەرانەكەوە دەلكایەوە! دەی خێراكەن و هەر ئێستەكانێ نیێتی خوای لێبێنن و هەرچی دۆتنێت و دۆتكۆم و (كۆم پیۆتەر)و –بیلامانێ- كۆمەكانی ترو، تڕو تەڕەماشتان هەیە تێكانشكێنن و تووڕیاندەنە سەرەنوێلكەكان. ئەمانە زۆر لە وەرگێڕان و مەیگێڕانەكە خەتەرترن! چونكە شاعیرێكی گەورەمان كە سەرنووسەری ژمارە (52و53)ی گۆڤارێكی لۆكاڵییە، ناوو وێنەی خۆیشی تێدا ئاشكراكردووە. هەر (بەشێنەیی) گلەیی لە هەڵەی چاپ دەكات و تاوانەكەیش دەخاتە ئەستۆی كۆمپیوتەری كۆمتەپیوەوە! ئەمجا خراپ تووڕەدەبێت و هەر هەڵەیێكی چاپی ئەم كۆمپیتەرە بێفەڕەیە بە كارەساتی زیلان و هەرەسی حوكمەتەكەی مەلیك مەحموودو پیلانی سایكس پیكۆو جەزائیرو نازانمچی دەشوبهێنێ! لەبیریشی نەچووە كۆمپیوتەر بە نەهامەتییە مێژوویێكانی دییش بكۆمپێوتەرێنێ و ئیدی لە (چاڵدێران)، (لۆزان)و (ڕووخانی كۆمار)و (ئیعدامی پێشەوا)ەوە پیادێ تا دەگاتە مەنعەتەجەوول و نسكۆو، كەلعادە بە ئەنفال و كیمیاوی كۆتایی دێت و دەبێژێت: كۆمپیتەر لە هەموو ئەوانەش خراپ و تاوانبارترە! كوڕینە ئیدی بەسە، خواتانبێ لەبەر خاتری ئەو دوو برادەرە لەمە زێتر مەكۆمپێتەرێنن و مە تەرجومێنن!