ڕۆژى جیهانیى ئاشتى کەى و چۆن دروستبووە

ئەمڕۆ ٢١ى ئەیلولى ٢٠١٥ بە بۆنەى ڕۆژى جیهانى ئاشتییەوە لە بارەگاى ڕێکخراوى نەتەوە یەکگرتووەکان لە نیویۆرک زەنگى ئاشتى لێدرا.

بەپێى سەرچاوەکانى هەواڵ زەنگى ئاشتى لەو دراوە کانزایانە دروستکراوە، کە منداڵان لە سەرتاسەرى جیهانەوە کۆیانکردووەتەوە بۆ ئەوەى ڕاى گشتى لە زیانەکان و تێچووەکانى جەنگ ئاگادار بکەنەوە. زەنگەکەش لە ژاپۆن دروستکراوە و وەک دیارى بۆ ئاشتیى جیهانى پێشکەشى نەتەوە یەکگرتووەکان کراوە.

لە تابلۆیەکدا لە تەنیشت زەنگەکەدا نووسراوە "بژى ئاشتیى هەمیشەیى بۆ جیهان".

لە ڕۆژژمێرى نەتەوە یەکگرتووەکاندا ڕۆژى ٢١ى ئەیلول وەک ڕۆژى جیهانیى ئاشتى تۆمارکراوە.

لە ساڵى ١٩٨١دا هەر دوو وڵاتى بەریتانیا وکۆستاریکا پرۆژە پێشنیازێکیان پێشکەشى ئەنجوومەنى گشتیى نەتەوە یەکگرتووەکان کرد تاوەکو ڕۆژێکى تایبەت بۆ ئاشتى دیارى بکرێت. ئامانج لەو پرۆژە پێشنیازکراوە "ڕێزگرتن و هاندانى بیرۆکە ئاشتیخوازانەکان" بوو.

دوابەدواى ئەو پێشنیازە یەکەمجار لە ساڵى ١٩٨٢ ڕێکخراوى نەتەوە یەکگرتوەکان بڕیاریدا ڕۆژى ٢١ى ئەیلول وەک ڕۆژى جیهانیى ئاشتى دیارى بکات لە پێناو نەهێشتنى جەنگ و توندوتیژى لەسەرتاسەرى جیهاندا.

لەو ساڵەوە لە هەموو ڕۆژەکانى ٢١ى ئەیلولدا لە نەتەوە یەکگرتووەکان لە شارى نیویۆرک زەنگى ئاشتى لێدەدرێت و لە زۆربەى وڵاتانى جیهاندا بە دروشمى "هەموو مرۆڤەکان مافى ئەوەیان هەیە ژیانى ئاشتییانە بەسەر ببەن" جەژنى ڕۆژى جیهانى ئاشتى بەڕێوە دەچێت.

ڕێکخراوى نەتەوە یەکگرتووەکان بۆ ڕۆژى جیهانى ئاشتى لەمساڵدا دروشمى "بەشدارى لە پێناو ئاشتى، کەرامەتى مرۆیى بۆ هەموان" هەڵبژاردووە.

لۆگۆى کۆترى ئاشتى لەلایەن ڕێکخراوێکى قازانج نەویستى کەنەدییەوە دروستکراوە. هەموو ساڵێکیش داوا لە ئاشتیخوازان دەکرێت بۆ ڕێزگرتن لە ڕۆژى جیهانیى ئاشتى جلوبەرگ بە لۆگۆى کۆترى ئاشتى لەبەر بکەن.

بان کى مۆن سکرتێرى گشتیى ڕێکخراوى نەتەوە یەکگرتووەکان بە بۆنەى ڕۆژى جیهانیى ئاشتییەوە ڕایگەیاندووە "داوا لە هەموو ئەو حکومەت و لایەنانە دەکەم، کە لە جەنگ و ناکۆکی دان چەکەکانیان دابنێنن و ئاگربەستێکى جیهانى بۆ ماوەى ٢٤ کاتژمێر بە بۆنەى ڕۆژى جیهانى ئاشتییەوە ڕابگەیەنن".

بان کی مۆن ئاماژەى بەوەشکردووە، ئاشتیى جیهانى بە بێ پشتیوانى و هاوکاریى حکومەتەکان، کۆمەڵگە مرۆییەکان، کەرتى تایبەت، ئەنجوومەن و ڕێکخراوە مەدەنییەکان نایەتە دى.

ر.م

تەنیا ئەوانە نەمر دەبن كە ئینسانیان خۆش ویستووە. لای كۆنفۆشیۆس: (خۆشەویستی ئەوەیە، كە لەماڵی خۆماندا، لەگەڵ میواندا چۆن ڕەوتار دەكەین، لە دەرەوەیش بەهەمان شێوە لەگەڵ ئەم و ئەودا هەڵسوكەوت بكەین. خۆشەویستی ئەوەیە، پێمان خۆشە ئەو خەڵكە لەگەڵماندا چۆن بن، ئێمەیش لەگەڵ ئەو خەڵكەدا وابین. ئەوی ئینسانی خۆش بوێت، كەسێكە ئازا، بەڵام مەرج نییە، هەموو ئازایەك، ئینسانی خۆش بوێت. مەعدەنی كەسێك پاك بێت، هەرگیز لە پێناوی ئامانجی تایبەتیی خۆیدا، دەستبەرداری خۆشویستنی ئینسان نابێت.)
ئەگەر خۆری خۆشەویستی لە نێوان خەڵكدا ئاوا ببێت، شەوەزەنگی ڕق جێی دەگرێتەوە، خۆشەویستی پاك، هیچ مەبەستێكی لە دواوە نییە، ئەوی ژیانی بۆ خۆشویستنی ئینسان تەرخان دەكات، نە بەو مەبەستە دەیكات، شانازییەكی گەورە بۆ خۆی تۆمار بكات، نە مەبەستی پەیدا كردنی ناوبانگە. خۆشەویستی دژی ئەوەیە، قسەی ئەم، بۆ ئەو ببەین، ئاخر (ئەگەر هەر یەكێك لە ئێمە بزانێت، كەسە نزیكەكانی چی لەباریەوە دەڵێن، ڕەنگە ئەوسا لە وڵاتێكدا بۆ دوو دۆستی بە وەفا بگەڕێین، بۆمان پەیدا نەكرێن.) حمە سەعید حەسەن.

2013
_________________________________________
27\05\2015، هەولێر.
بڵاوکراوەتەوە لە: https://www.facebook.com/sarhangmuhsin2 … 44263363:0

< ئةوه چ باسه لؤ fcebook نابيتةوه؟؟!
له كةيةوه نابيتةوه؟