[size=16]

هه‌ركه‌س گۆرانی مه‌كه‌-ی بیستبێت، ئه‌وه‌ به‌دڵنیاییه‌وه‌ كچه‌ گۆرانیبێژی لاو، لۆكه‌ ده‌ناسێت، ئه‌و كچه‌ی زۆر بوێرانه‌ گۆرانی مه‌كه‌-ی كلیپ كردو تیایدا هه‌ندێ‌ وشه‌ی وروژێنه‌ر به‌كارده‌هێنێت كه‌ به‌فۆلكلۆری گۆرانی كوردی نامۆ نییه‌، به‌ڵام گۆرانیبێژی ژن نه‌یوتووه‌، به‌ڵكو هه‌موو گۆرانییه‌كی عه‌شق و دڵداری و خۆشه‌ویستی و باسكردن له‌جه‌سته‌ی ژن ته‌نها له‌زمانی گۆرانیبێژانی پیاوه‌وه‌ بیستراوه‌، ئه‌و شته‌ی كه‌لۆكه‌ دژی ده‌وه‌ستێته‌وه‌و ده‌پرسێ: با ئێمه‌ش وه‌كو چۆن پیاوه‌كانمان له‌گۆرانییه‌كانیاندا باسی هه‌موو شتێك ده‌كه‌ن و قه‌بوڵی ده‌كه‌ن و سه‌رچۆپی بۆ ده‌گرن، با ئێمه‌ش بیڵێین
لۆكه‌ كێیه‌؟
- ناوم لۆكه‌یه‌، له‌ساڵی(1986) له‌شاری سلێمانی له‌دایكبووم و هه‌ر له‌سلێمانیش ژیاوم، ماوه‌ی (9) ساڵه‌ كه‌كوردستانمان به‌جێهێشتووه‌و له‌وڵاتی سویسرا ده‌ژیم.
* سه‌ره‌تای كاری هونه‌ریتان چۆن بوو؟
- سه‌ره‌تای هونه‌ری من، هه‌ر له‌منداڵییه‌وه‌ بووه‌، چونكه‌ هه‌ر زوو حه‌زم له‌گۆرانی وتن كردووه‌، ده‌ستپێكردنی جددیم له‌ساڵی (2004)ه‌وه‌ بووه‌، به‌ڵام تاساڵی (2008) هه‌ر به‌شێوه‌ی كۆنسێرت و ئاهه‌نگ بووه‌، به‌هۆی ئه‌وه‌ی كه‌زۆر سه‌رقاڵا بووم و نه‌متوانیبوو بگه‌ڕێمه‌وه‌ كوردستان، به‌ڵام ئیتر له‌ساڵی (2008) له‌گه‌ڵا مامۆستا هه‌ڵكه‌وت زاهیر ده‌ستم به‌كاركردن كردو تائێستاش به‌رده‌وامم.
* له‌ئه‌وروپا له‌گه‌ڵا كام گروپ كارت ده‌كردو به‌ چ شێوازێك گۆرانیت ده‌وت؟
- له‌وێ زیاتر خه‌ریكی فۆلكلۆر بووم، زیاتر ئه‌و گۆرانییانه‌م ده‌وته‌وه‌، گۆرانی تایبه‌تی خۆمم نه‌بوو. له‌گه‌ڵا هونه‌رمه‌ندان ره‌وه‌ز كۆیی و زیاد رواندزی و كاروان كامیل له‌وێ كارم كردووه‌، له‌زۆربه‌ی كۆنسێرته‌كان مه‌قامه‌كانی مامۆستا تایه‌ر تۆفیق-م ده‌وته‌وه‌.
* چه‌ند كلیپتان هه‌یه‌و له‌كوێ بڵاوده‌بنه‌وه‌؟
- سێ كلیپم هه‌یه‌، یه‌كه‌م كلیپم به‌ناوی (ترس) بوو، دووه‌میان (هه‌تا بدوێی) سێیه‌میشیان (مه‌كه‌) كه‌خۆشبه‌ختانه‌ زۆر چووه‌ ناو خه‌ڵكه‌وه‌، ئیتر هه‌تاكو ئێستا ئێمه‌ بۆ كه‌ناڵه‌كانی (كۆڕه‌ك تیڤی) و (زاگرۆس) و (ڤین تیڤی)مان ناردووه‌. هه‌ڵبه‌ته‌ زۆر حه‌زده‌كه‌م بۆ ته‌له‌فزیۆنه‌كانی تریشی بینێرم، به‌ڵام بوارم بۆ نه‌ڕه‌خساوه‌ تائێستا تا بۆیان بنێرم، له‌وانه‌یه‌ حه‌زبكه‌م خۆم به‌شه‌خسی پێشكه‌شیان بكه‌م و بوه‌ستم تا بوارێك ده‌ڕه‌خسێت.
* بۆ نه‌تداوه‌ به‌كه‌ناڵه‌كانی تر؟
- خۆشم نازانم، له‌وانه‌یه‌ رێكنه‌كه‌وتبێت.
* دوو كلیپه‌كه‌ی تر كه‌متر چوونه‌ته‌ ناو خه‌ڵك، كلیپی سێیه‌م زیاتر ناوبانگی هه‌یه‌، جیاوازییه‌كانی چییه‌؟ خۆت هه‌ست به‌ چ جیاوازییه‌ك ده‌كه‌یت؟
- كلیپی یه‌كه‌مم كه‌گۆرانی ترسه‌، شێوازێكی راقی بوو، له‌وانه‌ خه‌ڵكی ئێمه‌ له‌كوردستان زۆر حه‌ز به‌و ستایله‌ نه‌كه‌ن، یان زۆر گوێگری نه‌بن، هه‌ر له‌به‌رئه‌وه‌ش كه‌متر چووبێته‌ ناوخه‌ڵك، كلیپی دووه‌میشم ئه‌ویش گۆرانی هه‌تا بدوێی، تاڕادده‌یه‌كی باش زۆر چووه‌ ناو خه‌ڵك، چونكه‌ گۆرانییه‌كی خۆش و رۆمانسی بوو، له‌سه‌ره‌تادا به‌گۆرانی سلۆ ده‌ستمپێكرد، له‌وانه‌ ئه‌وه‌یان خه‌ڵكه‌كه‌ی نه‌وروژاندبێت، كه‌متر خه‌ڵكه‌كه‌ گوێگری بێت یان گرنگی پێبده‌ن، به‌ڵام كلیپی سێیه‌مم هه‌م ئاوازه‌كه‌ی زۆر جوان بوو، هه‌م تێكسته‌كه‌شی تازه‌ بوو بۆ ناو كۆمه‌ڵگه‌ی كوردی، ره‌نگه‌ زۆر كه‌س بڵێت ئه‌وه‌ چییه‌ ئه‌و وشانه‌ یان ئه‌و تێكسته‌ كه‌لۆكه‌ كردویه‌تی به‌گۆرانی، من له‌گه‌ڵا ئه‌وه‌دا نیم، ده‌ڵێم بۆ نا، با ئێمه‌ش وه‌كو چۆن پیاوه‌كانمان له‌گۆرانییه‌كانیاندا باسی هه‌موو شتێك ده‌كه‌ن و قه‌بوڵی ده‌كه‌ن و سه‌رچۆپی بۆ ده‌گرن، با ئێمه‌ش بیڵێین، بۆ ده‌بێ رێگری ئێمه‌ی ئافره‌ت بكه‌ن و نه‌هێڵن بیڵێین، بۆ نابێت ئافره‌ت شتی تازه‌ بكات و تێكستی تازه‌ نه‌هێنێتـه‌ ناو گۆرانی؟
* بۆ ده‌ست به‌سینه‌ت فێر نه‌كه‌ن؟
- چونكه‌ له‌كۆمه‌ڵگای كورده‌واریدا هه‌میشه‌ پیاو ده‌ستدرێژی كردۆته‌ سه‌ر ئافره‌ت، نازانم بڵێم چی، من به‌شانازییه‌وه‌ ئه‌و كاره‌م كردووه‌ و زیاتریش شتی واده‌كه‌م، چونكه‌ به‌ڕاستی پێویستمان به‌وه‌یه‌، بۆئاماده‌ن هه‌زار جار خۆیان بكه‌ن به‌قوربانی هونه‌رمه‌نده‌ عه‌ره‌ب و توركه‌كان، بۆ ئه‌گه‌ر هونه‌رمه‌ندێكی كورد هاته‌ پێشه‌وه‌ كه‌شتێكی وه‌ها بكات، بۆ ئاماده‌ نین قه‌بوڵی بكه‌ن؟ به‌داخه‌وه‌ ئێمه‌ زۆر زۆرمان ماوه‌ تا ته‌قه‌بولی تێكست و هونه‌ری مۆدێرن بكه‌ن.
*هه‌ست ناكه‌یت له‌كلیپی سێیه‌مدا، به‌جۆرێك هه‌ستی سێكسی لاوانی كوردت جوڵاندبێت؟
- بڵێم چی؟ نازانم، ره‌نگه‌ وابێت.
* له‌كوردستان كه‌ده‌چیته‌ ناو خه‌ڵك، چۆن سه‌یرت ده‌كه‌ن؟
- تاكو ئێستا له‌كوردستان هیچ گله‌ییه‌كم له‌خه‌ڵكه‌كه‌ نییه‌، چونكه‌ به‌رده‌وام به‌ڕێزو خۆشه‌ویستییه‌وه‌ ره‌فتارم له‌گه‌ڵا ده‌كه‌ن، زۆریش به‌ڕێزه‌وه‌ پێشوازییان لێكردووم، هه‌ڵبه‌ته‌ من كه‌متریش ده‌چمه‌ ناوخه‌ڵك و ناوبازاڕ، من كه‌هاتوومه‌ته‌وه‌ یان له‌ستۆدیۆم یان له‌شوێنی ژیانی خۆم یانیش ئه‌گه‌ر بچمه‌ دایه‌ره‌یه‌ك كه‌ئیشم هه‌بێت، ئه‌گه‌ر نا ناچمه‌ ده‌ره‌وه‌، چونكه‌ هه‌ر خۆم كه‌سێكم زۆر تاقه‌تی قه‌ڵه‌باڵغیم نییه‌، دووه‌میش، چونكه‌ لێره‌ له‌كوردستان وه‌ك ئه‌وه‌یه‌ كه‌ئافره‌تیان نه‌بینیبێت هه‌موو ده‌بێ چاوی له‌سه‌رت بێت.
* پێتوانییه‌ ئه‌مه‌ له‌وه‌وه‌ بێت كه‌ تاڕادده‌یه‌ك له‌جلوبه‌رگدا جیاواز بیت؟
- نا پێموانییه‌، چونكه‌ ئێستا كچانی ئێره‌ش زۆر زۆر پێشكه‌وتوون و جلی زۆر سه‌رنجڕاكێشیش له‌به‌رده‌كه‌ن، له‌وانه‌یه‌ خه‌ڵكه‌كه‌ بمناسێت، یان به‌هۆی شتێكی تره‌وه‌ سه‌یرم بكه‌ن.

‌ واڵاپرێس – هه‌ولێر[/size]

[size=16]سەفەر مەکە تووخوا ئازیز  ئەشکم بۆ جێمەهێلە

وەک منالێکی ساوای برسی من چیبکەم

کێ بێت وەک دایک ژیرم بکاتەوە

کێ ئەتوانێ وەک تۆ  تێرم بکا لە عەشق

لەسەر شانەکانم هێزی قوورسی مالئاوای

لە چاوەکانمدا فرمێسکی خوێناوی

لە ژیانمدا بۆشایێکی بێسنوور وونی کردووە خۆم و خەیالم

جەستەم وەک پەپوولەی تەری تەنیشت جۆگەکان

دانیشە لام تا  دڵ  بەرگەی دوا هەناسەی  دەگرێت

تا دەستەکانم توانەی نووسینی جوانترین ووشەیان هەبێت بۆت

تا ئەو خەونانەت بۆ بگێرمەوە کە پڕ هاوار تۆیان دەویست

مەرۆ و جێم مەهێلە بە هەوموو کەسم وەک تۆم نەهێتە پێشچاو

سەفەر مەکە و مەرگم بۆ جێمەهێلە

مەرەنجێنە منێکی لە تۆدا زیندانی کراو

گوولم نەڵیێ رۆژێک دێت و فەرامۆشم ئەکات

خۆشەویستی سەردەمێکەو مرۆڤ لە یادی دەکات

نا هەرگیز

وا فکر نەکەیت یادەکانت لەگەل تۆدا هاورێن

سەفەر دەکەن و من جێدێڵن

ئەوان هەموو شەوێک بە خەمەکانیان دەمخەوێنن

،،،،،                  ،،،،،،،،

خەمی دووری تۆ ترسناکترە لە مەرگ

لە شێت بوونی زڕیانەکان 

بێزار بوونی شەپۆلەکان

هەڵبوونی تۆفانە گەورەکان 

سەر ڵێشوانی باڵندەکان

زۆر سەخترە لەوی رۆژێک من لە یاد بکەم

سەفەر مەکە ...

نوسه‌ر     KURDO22

[/size]

[size=16]( بۆ شه‌پۆلی مه‌زنی شه‌قامه‌کان)

تۆ نه‌بی ته‌نانه‌ت یه‌ک شاریش چییه‌، پێک نایه‌!

بێ تۆ ته‌واوی ماشێنه‌کانی دنیا، ئه‌ژنۆیان شکاوه‌!

ئه‌تۆ نه‌بێ بۆ کوێ ده‌چن،

مسافیرانی به‌ په‌له‌ وهه‌له‌،

رێبوارانی جۆراوجۆری سه‌رقاڵی شار؟

هه‌رکه‌س له‌ تۆوه‌ ده‌گا به‌ شوێنێک ، به‌ ئامانجێک و مه‌به‌ستێک!

رۆژێ له‌ ناو تۆف و به‌ندا هه‌ڵده‌له‌رزی،

رۆژێ له‌ ژێر گه‌رمادا ده‌هه‌ژێی.

به‌یانانی به‌هار که‌ دێ،

که‌سک و رازاوه‌ و لێو به‌ بزه‌ سه‌ما ده‌که‌ی،

رۆژێکیش له‌رزو نۆبه‌تێته‌ و

شه‌وانه‌ به‌ لێفه‌شڕی زه‌ردی گه‌ڵا ده‌نووی.

رۆژێ له‌ ژێر پۆتینی نۆکه‌رانی دیکتاتۆڕدا وسته له‌ خۆت ده‌بڕی و

سیریوه‌ت لێوه‌ نایه‌.

رۆژێ له‌ چێژنی داوه‌ڵانی سه‌ماکه‌ری جه‌للاددا،

داته‌پیوو نیوچاو گرژو خوێن تاڵی.

چه‌ند دڵ گه‌وره‌ی تۆ

له‌م سه‌ر هه‌تا ئه‌و سه‌ر، سه‌د هه‌ژار و

بێکه‌سان و ده‌رده‌دارت له‌ ناو باوشی خۆتا ناوه‌.

دڵی هه‌میشه‌ گه‌رمی تۆ نه‌بێ روو له‌ کوێ که‌ن ئه‌وان؟

به‌ڵام نازانم بۆ

دیکتاتۆڕان هیچکات له‌ تۆ دڵنیانین.

چون ده‌زانن رۆژێک ئاخری راده‌په‌ڕی و

هه‌موو ئازادیخوازێک ده‌ڕژێنیه‌ سه‌ر پشتی مه‌زنی خۆت و

ملیۆن ئاڵای شادی و زاری پڕاوپڕی سروودی مه‌رگی خوێنرێژو

                                                    ئازادی‌.

به‌ڵام سبه‌ی له‌ خه‌و هه‌ستای،

       چ بێده‌نگی،
       چ غه‌مباری،

    به‌رگی ره‌ش به‌ به‌ژن وباڵاتاو

            تازیه‌باری؛

       که‌ سه‌ر سینگت به‌ سه‌دان په‌ڵه‌ی خوێنی سوور نه‌خشاوه‌.

به‌ڵام باش ده‌زانن ئه‌وان

‌تۆ هیچکات به‌ چۆکدانایه‌یی‌و ناکه‌وی!

باش ده‌زانن تۆ هه‌میشه‌ له‌ بیری تۆڵه‌دای!

                دڵنیان هه‌میشه‌ له‌ بیری تۆڵه‌دای.

هۆنراوه‌ی / هۆگر
[/size]

[size=16]سڵاو هاوڕێیان كۆمه‌ڵێك ثیمی زۆر جوانم بۆ ئاماده‌كردوون بۆ مۆبایله‌كانتان هی نه‌وه‌ی دووه‌م هیوادارم به‌ڵتان بێت...

[center]

بۆ داونلۆد كرنی ثیمه‌كان كــــــــــرتــــــه‌ لـــــێـــــــره‌ بـــــــــكــــــــــه‌

هیوادارم به‌ڵتان بێت هه‌ربژین.[/center]

ownskin.com

[/size]