مه‌سعود ئۆزێڵی یاریزانی هێڵی ناوه‌ندی هه‌ڵبژارده‌ی ئه‌ڵمانیا حه‌زده‌كات بچێته‌ یانه‌ی به‌رشه‌لۆنه‌و له‌گه‌ڵ‌ میسی و داڤید ڤیادا یاری بكات.
له‌ چاوپێكه‌وتنێكیدا له‌گه‌ڵ‌ ماڵپه‌ری فه‌رمی یه‌كێتی تۆپی پێی ئه‌وروپا مه‌سعود ئۆزێڵی یاریزانی هێڵی ناوه‌ندی هه‌ڵبژارده‌ی ئه‌ڵمانیا كه‌ له‌ مۆندیالی ئه‌فه‌ریقای باشوردا ئاستێكی به‌هێزی پێشكه‌ش كردوه‌و بۆته‌ جێی سه‌رنجی زۆرێك له‌ یانه‌ گه‌وره‌كانی‌ جیهان،راشكاوانه‌ ئاشكرایكرد كه‌ حه‌زده‌كات بچێته‌ ریزه‌كانی‌ یانه‌ی به‌رشه‌لۆنه‌ی ئیسپانی و وه‌رزی داهاتو به‌ درێسی ئه‌و یانه‌یه‌وه‌ هاوشانی لیۆنێل میسی و داڤید ڤیا یاری بكات.
ئۆزێڵ‌ ئاماژه‌شی به‌وه‌دا كه‌ له‌ ته‌مه‌نی 12 ساڵیه‌وه‌ هانده‌ری یانه‌ی به‌رشه‌لۆنه‌یه‌و له‌و كاته‌وه‌ خه‌ون به‌وه‌وه‌ ده‌بینێت كه‌ رۆژێك له‌ رۆژان له‌ ریزه‌كانی ئه‌و یانه‌یه‌دا یاری بكات.

(سبه‌ی)