[size=16]- ئ دوای دوو ڕۆژ پشوو جارێکی تر یاریه‌کانی جامی جیهانی ده‌ستی پێکرده‌وه‌ و له‌ یاری قۆناغی پێش کۆتایی پاڵه‌وانێتیه‌که‌  هه‌ڵبژارده‌ی هۆڵه‌ندا دوای سه‌رکه‌وتن به‌سه‌ر به‌ڕازیل له‌ قۆناغی پێشوو ، ئه‌مشه‌و توانی به‌ربه‌ستی ئۆرۆگوایش ببڕێت و بۆ سێهه‌مین جار له‌ مێژووی خۆیدا بگاته‌ یاری کۆتایی جامی جیهانی . یاریه‌که‌ ئاستێکی به‌رزی به‌خۆیه‌وه‌ بینی و له‌ خوله‌کی ١٨  کاپتنی هه‌ڵبژارده‌ی پرته‌قالیه‌کان جیڤانی ڤان برۆنخۆرست توانی یه‌کێک له‌ جوانترین گۆڵه‌کانی جامی جیهانی تۆماربکات به‌ لێدانێکی به‌هێز ، دوای ئه‌و گۆڵه‌ گۆڵکاری و ئه‌ستێره‌ی هه‌ڵبژارده‌ی ئۆرۆگوای دییگۆ فۆرلان ئه‌ویش به‌ لێدانێکی تری به‌هێز و به‌ شێوه‌یه‌کی هونه‌ری به‌رز له‌ خوله‌کی ٤١ وه‌ڵامی دانه‌وه‌ و گۆڵی به‌رامبه‌ری تۆمارکرد که‌ ئه‌و گۆڵه‌ جارێکی تر ئۆرۆگوای گه‌ڕانده‌وه‌ که‌ش و هه‌وای یاریه‌که‌ و له‌ زۆر دیمه‌ندا مه‌ترسیداربوون بۆ سه‌ر گۆڵی هۆڵه‌ندا ، له‌ نیوه‌ی دووه‌مدا یاریه‌که‌ به‌ هه‌مان گڕ و تینی نیوه‌ی یه‌که‌م به‌رده‌وام بوو ، تاوه‌کو ڤێسلی سنایده‌ر له‌ خوله‌کی ٧٠  دووه‌مین گۆڵی تۆمارکرد  و هه‌ڵبژارده‌که‌ی له‌ سه‌رکه‌وتن نزیک کرده‌وه‌ دوای ئه‌و گۆڵه‌ هێنده‌ی پێنه‌چوو ئاریان ڕۆبن به‌ سه‌رێکی جوان له‌ خوله‌کی ٧٣ سێهه‌مینی هێنا و سه‌رکه‌وتنی دووپاتکرده‌وه‌ ، هه‌رچه‌نده‌ ئۆرۆگوای له‌ ڕێگای پێرێرا له‌ دواین خوله‌ک جیاوازیه‌که‌ی که‌مکرده‌وه‌ به‌ گۆڵێک به‌ڵام زۆر دره‌نگ بوو بۆ گۆڵی سێهه‌م و به‌رامبه‌ر و ناوبژیوان به‌و ئه‌نجامه‌ فیکه‌ی کۆتایی لێدا و هۆڵه‌ندا جاوه‌ڕوانی براوه‌ی یاری نێوان ئه‌ڵمانیا و ئیسپانیا ده‌بێت له‌ یاری کۆتایی پاڵه‌وانێتیه‌که‌ و ئۆرۆگوایش له‌ چاوه‌ڕوانی دۆڕاوی ئه‌و یاریه‌ ده‌بێت بۆ دیاریکردنی پله‌کانی سێهه‌م و چواره‌م.[/size]

www.sp4kurd.tk