[size=24]ئه‌مشه‌و له‌ یاری ته‌مه‌ن بۆ هه‌ردوو هه‌ڵبژارده‌ی ئیسپانیا و هۆڵه‌ندا  له‌ جه‌نگی له‌باوه‌شگرتنی نازناوی جامی جیهانی بۆ یه‌که‌مجار ، هه‌ڵبژارده‌ی ئیسپانیای مه‌زن دوای چاوه‌ڕوانیه‌کی ١٠٠ ساڵه‌  به‌ سه‌رکه‌وتن به‌سه‌ر هه‌ڵبژارده‌ی هۆڵه‌ندا بووه‌ پاڵه‌وانی جیهانی جامی جیهانی باشوری ئه‌فریقای ٢٠١٠ .. یاریه‌که‌ له‌ ئاستێکی جێگیردا به‌ڕێوه‌ده‌چوو به‌ درێژایی هه‌ردوو نیوه‌ی یاریه‌که‌ و چه‌ندین هێرشی مه‌ترسیداریان برده‌ سه‌ر گۆڵی یه‌کتر به‌ تایبه‌ت ئیسپانیا که‌ هه‌میشه‌ مه‌ترسیدار تر ده‌بینرا به‌ڵام هیچ کامێکیان گۆڵیان تۆمار نه‌کردوو و یاریه‌که‌ له‌ کاتی ئاساییدا به‌ بێ گۆل کۆتایی هات ، بۆیه‌ په‌نا بردرایه‌ به‌ر کاتی زیادکراو  له‌ نیوه‌ی زیادکراوی یه‌که‌می ئیسپانیا لایه‌نی ده‌سه‌ڵاتداربوون و باشتر ده‌بینران به‌ڵام له‌و نیوه‌یه‌ش به‌هه‌مان شێوه‌ گۆڵ نه‌بینرا ، له‌ نیوه‌ی دووه‌مدا یاریه‌که‌ به‌و ئه‌نجامه‌ مایه‌وه‌ تاوه‌کو خوله‌کی ١١٦ که‌ هه‌مووان چاوه‌ڕێی گه‌یشتن به‌ لێدانه‌کانی سزای یه‌کلاکه‌ره‌وه‌بوون به‌ڵام ئه‌ندریه‌ ئینیێستای کوڕه‌ زێرینه‌که‌ی کاتالۆنیا و ئیسپانیا له‌ پاسێکی جوانی سیسک فابریگاس توانی گۆڵی ستله‌نکبێرگی گۆڵپارێزی تیپی به‌رامبه‌ر بهه‌ژێنێت و مێژوویه‌کی تازه‌ بۆ خۆی و وڵاته‌که‌ی بنوسێته‌وه‌.

هه‌ڵبژارده‌ی ئیسپانیا بووه‌ یه‌که‌م هه‌ڵبژارده‌ له‌ مێژوودا که‌ یه‌که‌م یاری بدۆڕێنێت و نازناوی جامی جیهانیش به‌ده‌ست بهێنیت و وه‌کو  وڵاتێکی زلهێز له‌ یاریه‌ وه‌رزشیه‌کان له‌م ساڵانه‌ی ڕآبردوودا خۆی سه‌پاندووه‌ که‌ له‌ ماوه‌ی سێ ساڵی ڕآبردوو  جگه‌ له‌ تۆپی پێ بۆته‌ پاڵه‌وانی جیهان له‌ یاریه‌کانی باسکه‌ و باله‌ و تۆپی ده‌ست .[/size]یاریگا