[size=20]                      خه‌ونی فرۆكه‌ سووره‌كه‌
(یاران )و (دوان )خاڵۆزاو پورزا بوون .  به‌بۆنه‌ی پشووی هاوین دوان له‌گه‌ڵ دایك وباوكی  به‌میوانی هاتبوونه‌ ماڵی (یاران)به‌یانییه‌ك یاران و دوان  له‌ژووره‌كه‌ی خۆیانه‌وه‌ به‌ده‌م خه‌وه‌وه‌ هاتنه‌ ده‌ره‌وه‌ و به‌یانی باشیان له‌یه‌كتری كرد . یاران گوتی: ده‌زانی ئه‌مشه‌وخه‌وم به‌فرۆكه‌ یه‌كی سووره‌وه‌ بینی؟ وامزانی من وتۆ ببووینه‌ خاوه‌ن فرۆكه‌یه‌كی سوور. دوان  گوتی :سه‌یره‌ منیش ئه‌مشه‌و هه‌مان خه‌ونم بینیوه‌ وامزانی من فڕۆكه‌یه‌كی سوور هه‌ڵده‌فڕێنم  و تۆش به‌دوامه‌وه‌ هاوارده‌كه‌یت  و ده‌ڵێی: ئه‌وفرۆكه‌ سووره‌ هی منه‌ یاران  له‌وساته‌گوتی : به‌ڕاست هاوڕێكه‌م ئه‌مه‌ هه‌واڵێكی زۆر دڵخۆشكه‌ره‌ من و تۆ ببینه‌خاوه‌نی فڕۆكه‌یه‌كی سوور ,به‌ڵام من له‌خه‌وه‌كه‌مدا هه‌وڵی فێربوونی فڕۆكه‌وانیم ده‌دا, من دڵنیام كه‌گه‌وره‌بووم ده‌بمه‌ فڕۆكه‌وان وخزمه‌تی وڵاته‌كه‌م ده‌كه‌م دوان  گوتی:تۆكچی چۆن ده‌توانی فڕۆكه‌وانی بكه‌ی؟
                       یاران  به‌ده‌م گۆرانی گوتنه‌وه‌ گوتی:
                                    من ده‌بمه‌ فڕۆكه‌وان
                                    ده‌فڕم به‌ره‌ وئاسمان
                                    به‌ناوهه‌ورا ده‌گه‌ڕێم
                                   به‌رز به‌رز ده‌چم ودێم
                                    لادێ‌ و شار و دێهاتم
                                  ده‌شت وسه‌وزایی وخاكم
                                   ده‌بینم  له‌ به‌رزایی
                                   ئای كه‌جوانه‌ ئاوایی.
دوان  گوتی:وای تۆگۆرایش ده‌زانی؟! یاران  گوتی :ئه‌ی چۆن من هه‌وڵی فێربوونی هه‌مووشتێك ده‌ده‌م .چونكه‌ئاره‌زووم له‌فێربوونه‌.دوان  گوتی:منیش هه‌وڵ ده‌ده‌م له‌مه‌و دوا وه‌ك تۆبم.

(یاران) گوتی:(دوان) گیان له‌وه‌ش دڵنیابه‌ كه‌جیاوازی فێربوون وكاركردن له‌نێوان تاكه‌كان نیه‌ بۆیه‌ڕه‌نگه‌ من ببم به‌فڕۆكه‌وان به‌ڵام تۆببی به‌ئه‌ندازیار ئه‌وه‌ ئاره‌ زووه‌ نه‌ك دابه‌ش بوونی تواناكان بۆكه‌سی دیاری كراو.(دوان )گوتی:زۆر ڕاسته‌ سوپاست ده‌كه‌م بۆ ئه‌وزانیاریانه‌ .

                                              نووسینی/ئاسووده‌ عه‌بدوڵڵا زاده‌
                                            نیگار/چۆمان نه‌جمه‌دین
[/size]