رۆژی دووشەممە 27ی نۆڤمبر لە ئاهەنگێكی قەشەنگدا شاری بەغداد بەرنامەی هاف تایم، كە لە كەناڵی عێراقیە سپۆرت پێشكەش دەكرێت، باشترینەكانی خولی پلە نایابەكانی عێراق بۆ تۆپی پێی لە وەرزی 2009-2010 دەستنیشان كرد، كە تیاییدا یانەی هەولێر دوو خەڵاتی بە دەستهێنا.

یاریزانی یانەی هەولێر حوسێن عەبدولواحید بە باشترین یاریزانی هێڵی ناوەراست لەسەر ئاستی عێراق دەستنیشان كرا و دەستەی كارگێری یانەی هەولێر بە باشترین دەستەی كارگێری لەسەر ئاستی عێراق دەستنیشان كرا، خەڵاتەكانی تر بەمشێوەیە خوارەوە بوو.

باشترین گۆڵپارێز: عەلی موتەشر گۆڵپارێزی یانەی تەڵەبە.

باشترین یاریزانی هێڵی بەرگری: خالید موشیر یانەی دهۆك.

باشترین یاریزانی هێڵی ناوەڕاست: حوسێن عەبدولواحید یانەی هەولێر.

باشترین یاریزانی هێڵی هێرشبەر: ئەمجەد رازی یانەی قوە جەوییە.

باشترین یاریزانی لاو: عەلی عەبدولزیاب  یانەی نەفتی میسان.

باشترین راهێنەر: باسم قاسم راهێنەری یانەی دهۆك.

باشترین دەستەی كارگێری: دەستەی كارگێری یانەی هەولێر.

باشترین یانە: یانەی دهۆك.