که مردم شین و گریانت به من چی؟
که گول چوو، ئاوی بارانت به من چی؟
له‌سه‌ر ته‌رمی منی عاشق، به قوربان
ئیتر زولفی په‌ریشانت به من چی؟
له‌ هۆده ی ماته م غه مدا که سووتاوم
سه فایی باغ و هه یوانت به من چی؟
که هیلانه ی شه هینی دل خرا بوو
قه دی سه روی گولستانت به من چی؟
به پاییز پووشی ویشکی ته ن که فه وتا
به هاری لیوی خه ندانت به من چی؟
که ما نگی به ختی من ڕووی نا له که سری
تریشکه ی رؤژی کولمانت به من چی؟
به کاسی غه م دڵم شێواو و کاسه
شه رابی سافی فینجانت به من چی؟
که تووشی له‌شکه‌ری ده‌رد و خه‌فه‌ت بووم
ده‌وایی ده‌ردو ده‌رمانت به من چی؟
که په یدا بوو شه وی تاریکی دووریت
ده سی مووسایی عیمرانت به من چی؟
له شم گه‌ر که‌وته مه یدانی نه بوونی
له ئه‌ودا باسی لوقمانت به من چی؟
که بڕوا نووری بینایی له چاوم
جوانی ڕه‌نگی باغانت به من چی؟
له نیو چالی غه می تۆدا که گیرام
جوانی ده شت و کیوانت به من چی؟
"فیدایی" گه‌ر نه‌ما، بۆ ته‌عزیه‌ی ئه‌و
ده‌م و لێوی غه‌زه‌لخانت به‌ من چی؟

فیدایی

وتنی به‌ گۆرانی (فه‌ره‌یدون هه‌ولێری)

[youtube]http://www.youtube.com/watch?v=C5HvbUWs … re=related[/youtube]