(PNA) – یانه‌ی ریال مه‌دریدی ئیسپانی ئاماده‌یه‌ برِی 300 ملیۆن یۆرۆ بۆ باشترین یاریزانی جیهان لیۆنێل میسی ته‌رخان بكات.
به‌رێوه‌به‌ری پێشووی ماڵپه‌ری ماركای ئیسپانی رایگه‌یاند  كه‌وا یانه‌ی ریال مه‌درید ده‌یه‌وێت بۆندی له‌گه‌ڵ یاریزانی هه‌ڵبژارده‌ی ئه‌رِژه‌نتین و یانه‌ی به‌رشلۆنه‌ی ئیسپانی لیۆنێل میسی مۆربكات، و یانه‌ی ریال مه‌درید ئاماده‌یه‌ برِی 300 ملیۆن یۆرۆ بۆ باشترین یاریزانی جیهان لیۆنێل میسی ته‌رخان بكات.

هه‌روه‌ها به‌رێوه‌به‌ری پێشووی ماڵپه‌ری به‌ناوبانگی ئیسپانی راگه‌یاند، فلۆرنتینیۆ پێرێز حه‌زده‌كات بۆند له‌گه‌ڵ لیۆنێل میسی مۆربكات به‌هه‌رشێوه‌یێك بێت ، و ده‌ست به‌رداری یاریزانی پرتوگالی كریستیانۆ رۆنالدۆ ببێت بۆ یانه‌ی مانچسته‌رسیتی.

ئێدواردۆ ئاندا گوتیشی : یانه‌ی مانچسته‌رستی برِی 100 ملیۆن یۆرۆ بۆ كریستیانۆ ته‌رخان ده‌كات ، و یانه‌ی ریال مه‌دریدی ئاماده‌یه‌ بیفرشێت و فلۆرنیتینۆ نرخه‌كه‌ی رۆنالدۆ و  برِی 200 ملیۆن یۆرۆ تر ته‌رخان ده‌كات بۆ ئه‌وه‌ی بۆند له‌گه‌ڵ میسی مۆربكات.