توێژینه‌وه‌یه‌كى تازه‌ى پزیشكى ئاشكراى كردووه‌ ، كه‌ خواردنى په‌تاته‌ ڕۆلێكى گرنگ ده‌بینێت له‌ كه‌مكردنه‌وه‌ى به‌رزى ئاستى پاله‌په‌ستۆى خوێن .

توێژه‌ران ده‌لێن" په‌تاته‌ له‌كاتى خواردنیدا به‌ شێوه‌یه‌كى ڕۆژانه‌ ده‌توانێت ، به‌رزى پاڵه‌په‌ستۆى خوێن نزم بكاته‌وه‌ ، بێ ئه‌وه‌ى مرۆڤ تووشی زیادبوونى كێشى له‌ش بكات .

جۆ وینسۆن توێژه‌ر له‌ زانكۆى په‌نسلڤانیاى ئه‌مریكى له‌كاتى شیكردنه‌وه‌ى حاله‌تى 18 نه‌خۆش كه‌ ڕۆژانه‌ دووجار له‌ ماوه‌ی یه‌ك مانگدا 6 تا 8 یه‌كه‌ى په‌تاته‌یان ده‌خوارت ، بۆى ئاشكرابووه‌ ، كه‌ ئاستى به‌رزى پاڵه‌په‌ستۆى خوێن له‌لایه‌ن ئه‌و كه‌سانه‌وه‌ به‌ رێژه‌ى 3,5 تا 4,3% كه‌مبووته‌وه‌ .

توێژینه‌وه‌كه‌ ئاماژه‌شی به‌وه‌دا كه‌ زۆربه‌ى به‌شداربووانى لێكۆلینه‌وه‌كه‌ قه‌له‌وبوون ، وه‌ به‌ده‌ست به‌رزى پاڵه‌په‌ستۆى خوێنه‌وه‌ ده‌یاننالاندو حه‌بی پزیشكى چاره‌سه‌رى حاله‌ته‌كه‌ به‌كاریان ده‌هێنا .

هه‌روه‌ها توێژه‌ران ده‌لێن" په‌تاته‌ باشترین سوودى ته‌ندروستى هه‌یه‌ ، ئه‌گه‌ر بێت و به‌شێوه‌یه‌كى سه‌لامه‌ت ئاماده‌بكرێت ، ئه‌ویش به‌هۆى بوونى ماده‌ى دژه‌ ئۆكسیدى تێیدا .

                                                              س : KTV