[size=16]كام ووشه له ناوه راستى قورئانه و وه له كام سوره تتدايه؟؟؟؟؟؟؟؟؟؟؟[/size]

[size=16]پۆلیسی فیدرِاڵی له‌ ئه‌مریكا توانی تۆرِێكی دزی ئه‌لكترۆنی ده‌سگیر بكات، به‌ گومانی هه‌بوونی په‌یوه‌ندیان به‌ باندێكی دزینی نێوده‌وڵه‌تی، كه‌ به‌ گه‌وره‌ترین باندی دزی دانرێت له‌ مێژووی ئینته‌رنێتدا.

باندی ناوبراو پێك هابوون له‌ 100 كه‌س ، 53 یان ئه‌مریكی و, 47 یان میسری بوون، زۆربه‌یان دانیشتووی باشوری ولایه‌تی كالیفورنیا بوون و 4 یشیان دانیشتووی وولایه‌تی نیفاداو 7 یشیان له‌ ولایه‌تی كارولینای باكوور بوون.

بانده‌كه‌ كاری سه‌ره‌كیان دزین و هه‌وڵدان بووه‌ بۆ ده‌ست خستنی زانیاری تایبه‌ت له‌ سه‌ر به‌كارهێنه‌رانی ئینته‌رنێت، به‌ تایبه‌تی ئه‌و زانیاریانه‌ی په‌یوه‌ندی راسته‌وخۆی هه‌بووه‌ به‌ ناسنامه‌ی ئه‌لكترۆنی و ژماره‌ی نهێنی و نامه‌ی ئه‌لكترۆنی به‌كارهێنه‌رانی ئینته‌رنێته‌وه‌، پاشان به‌كارهێنانی بۆ دزینی حسابی بانكی ئه‌و به‌كارهێنه‌رانه‌.

ئه‌و بانده‌ له‌ كاره‌كه‌شیاندا توانیویانه‌ پاره‌ی 5000 هه‌زار هاولاَتی ئه‌مریكی و دوو بانك بدزن و كۆی گشتی ئه‌و پارانه‌ش به‌ 2 ملیۆن دۆلار ده‌خه‌مڵێنرێت.[/size]

[size=16]مرۆڤ بۆ شیتەڵ کردنەوەى ناسینى خودى خۆى ڕۆناچێتە قوڵایی خودەوە ، چوونکە خۆناسین (معرفە الذات) وەک ئەرستۆ دەڵێت : زۆر زەحمەتە بەڵام ئامۆژگارى کردنى کەسانى دیکە کارێکى ئاسانە کەواتە ڕەنگە خەڵک ناسینیش لەخود ناسین ئاسانتر بێت ،چونکە مرۆڤ خەوشێکى هەیە ، ئەویش ئەوەیە (نازانێت ،کە، نازانێت ) واهەست دەکات لەهەموو شتێک دەزانێت لەلایەکى دیکەشەوە ،د . عەلى ئەلوەردى ،دەڵێت ( مرۆڤ هەمیشە هەق بۆ لاى خۆى ڕادەکێشێت ) ،چونکە هەق نادرێت بەڵکو وەردەگیرێت ،جا لەترس ئەو هەق نەدانە مرۆڤ پێشتر دەکەوێتە ئەو ململانێیەوە،کەلەمیانەیدا چەند وێنەو ڕۆڵێک دەبینێت بەمەبەستى سەرکەوتن ،بۆ نمونە نوسەرى نیورۆسی (عێابی) خۆى لە زۆر وێنەى جیاوازدا دەبینێتەوە ، هەندێک جار ئەو وێنانە حەزو ئارەزوون یان هەستن ،وابڕواش دەکات ئەوە وێنەى ڕاستەقینەى خۆیەتى لەوانەیە شعرێک یان پەخشانێک بنوسێت زۆر سادەش بێت ،بــەڵام خۆى وەک ،گۆتە ،یان پۆشکین ،دێتە پێش چـاو ،هـەر ڕەخنەیەک لـەبەرهەمەکەى بـگیرێت لاى ئـەو،ڕەخـنەیەکـە وەلــەهـەسـتێکى تــایبـەتـەوە سەرچاوەى هەڵگرتووە ،ئەمەش ئەگەر هەروا بەردەوام بێت ئەوا دەبێتە بەشێک لە کەسایەتى ئەو نووسەرە ،ئەمیش لە وێنەى ئەو نووسەرەدا دەردەکەوێت کەخۆى بەخاوەن قەڵەمێکى بەهێزو پڕشت و هزر دادەنێت ئومێدێکە ئەو نووسەرە حەزدەکات وابێت ،یان لەوانەیە نووسەرێکى وا سەرنجى ڕاکێشابێت جۆرە خاسیەتێکى هەبێت ،لەڕاستیدا ئەوە نیە، ئەو وێنەیەش نا واقعیە ،چەند نا واقعیش بێت ئەمەندە سەرنج و ڕاوبۆچونى خەڵکى سەبارەت بەخۆى لاپەسەندە ، واتە حەزدەکات کەسانى دیکە باسی بکەن و ئەو کەسانەشی خۆش دەوێت کە باسی دەکەن ،ئەم خۆشەویستیەش دەبێتە سەرچاوەى خۆشەویستیەکى نیورۆسی بەسەر ئەدەب و نووسین دا ڕەنگ ئەداتەوە، ئەم جۆرە وێنانە کەئەو نووسەرە خۆى تیادەبینێتەوە بەوە جیادەکرێتەوە کەدیاردەیەکى نەستییە،سەرەڕاى ئەو خۆ بەزل زانینە ،ئەو مرۆڤە یان ئەو نەخۆشە ناشزانێ کەخۆى بەکەسێکى نمونەیی دەزانێت ،هەروەها ئاگاشی لە ئاکارە دژ بەیەکەکانى خۆى نیە ، هەستێکى واى لادروست دەبێت کەئەرکێکى زۆرى لەسەر شانە ،بەڵام هەڵەش دەکات کە ئەم ئەرکانە بەهاى رەسەن بن ،لێرەشدا تەنها مەبەستى خۆ هەڵکێشانە ،کورد واتەنى: (بچمە شارێ کەس نەمناسێ خۆم هەڵئەکێشم پڕ بەکراسێ )،
ئەگەر مرۆڤ هەموو بایەخێکى بۆ ئەوە بێت خۆى رازى بکات کەئەوە وێنەى خۆیەتى ،ئەوا ئەو باوەڕەش لەخۆیدا بەرجەستە دەکات کەئەقڵی کارامەیەو خاوەن هزرەو نووسەرێکى چاکە یان سیاسەت مەدارێکى بلیمەتە ،ئەگەر هەڵەش بکات ،ئەو هەڵەیە بە،پیرۆز دەزانێت و چەندەها بەڵگەى بێ مانا دێنێتەوە ،(نایاب) بوونى مرۆڤیش لەهەر شتێکدا خۆى لەخۆیدا میحنەتە چونکە دەبێت لە ململانێی بەردەوامدا بێت بۆ ئەوەى بۆ خەڵکى بسەلمێنێت کەئەوبەراستى نایابە .
ئەگەر مرۆڤ لەخودى راستەقینەى خۆى وردبێتەوە و بەراوردى بکات لەگەڵ وێنەى خەیاڵەکەیدا ئەوا تێدەگات لە چ گاڵتە بەخۆکردنێکدایە،ئەو کاتە رەخنەى گاڵتە پێکردن بەخودى خۆى دەکەوێتە پێشەوە، چونکە وێنەى خودى کە لە ئەنجامى ئەم لەخۆ کەمکردنەوەیە دێتە کایەوە دور دەبێت لە واقیع ، وەک دورى وێنەى خەیاڵی ، دەشتوانرێت پێی بوترێت وێنەى گاڵتە جاڕى .
لە کۆتایدا ،ئەگەر سەرنج بدەینە ململانێی نێوان وێنەى خەیاڵى و خودى ڕاستەقینە ئەوا هەرشتێک کەئەو هەستى پێدەکات و هەرشتێک خەڵکى تێبینى بکات ،پاش ئەوە ، لەهەوڵێکى بەردەوام پتر نیە بۆ پڕکردنەوەى ئەو کەلێنەو گوشار خستنە سەر خۆى کەبگاتە ئاستى بەر کەماڵى .
لەم کاتانەدا ،ئەم مرۆڤە ووشەى (پێویستە) لەسەر یەک دووبارە دەکاتەوە ،پێویستە وام بکردایە ،دەبوایە شعرەکەم وا لێ بکردایە،یان وا بیرم نەکردایەتەوە …تد.
لەناخى دڵیشەوە بەتەواوەتى قەناعەتى بەبەرکەماڵی نووسینەکەى هەیە ،وەک قەناعەتى ساویلکانەى کەسێکى نەرگزى ،ئەمەش لەمیانەى ئەو باوەڕەى کەلەتوانایدایە بەر کەماڵ بێت دەردەکەوێت ، ئەگەر زۆر هۆشیار تربێت لەگەڵ خۆیدا.
وێنەى خەیاڵی کەکەسێک دەیەوێت سیمایەکى جێگیرى دەبێت بەپێچەوانەى وێنە ئەسڵیەکە یان راستەقینەکە،چونکە وێنە راستەقینەکە،کە ناجێگیرە، بەدواى خەیاڵێکەوەیە بۆ ئەوەى کە جێگیر بێت ،مەبەست لەو وێنە خەیاڵییە ئەوە نیە کەهەوڵ بدات بۆ ئەوەى کە بیگاتێ ، بەڵکو بیرۆکەیەکى جێگیرە لەمێشکیدا دەسوڕێتەوەو دەبێتە ڕێگرێک لەپێش گەشە کردن ،چونکە ،یان نکوڵى لەبونى خەوشەکان دەکات ،یان دوریان دەخاتەوە ، وێنە راستەقینەکانیش سادەو ساکارن ،بەڵام ،وێنە خەیاڵیەکان بەفیزو لووت بەرزن ئەم دیاردەیە زۆر لەمێژە هەستى پێکراوە ،لە فەلسەفەى زەمانێکدا ئاماژەى پێکراوە، فرۆید بۆ یەکەم جار لەتیۆرى نەخۆشی نیورۆس ئاماژەى پێکردووە ،کەبەزۆر زاراوە ناوى بردووە ، وەک (من) ، (نەرگزیزم) (بەرزەمن) ،ئەم دیاردەیە گریمانەى تیۆرەکەى ئەدلەر پێک دێنێت ،نەک تەنها فرۆیدو ئەدلەر بایەخیان پێداوە ،بەڵکو لەلایەن کەسانى دیکەش وەک (فرانس ئەلکساندەر و برنارد کلۆیک … تد) بایەخى پێدراوە .

کەواتە بابزانین وەزیفەکانى ئەم دیاردەیە کامانەن ؟!
وادەردەکەوێت کە پێویستیە زیندەگیەکان دابین بکات ،هەروەکو چۆن زۆربەى نووسەران بەهەموو شێوەیەک شییان دەکردەوە ، هەروەها هەمویان لەسەر یەک خاڵی ڕێکەوتن ،کە،ئەم دیاردەیە ناوجەرگى نەخۆشی نیورۆسی پێکدێنێت کە روخاندنى یان لاواز کردنى زەحمەتە.
فرۆید کەیەکێکە لەوانە هەڵوێستى نەرگزیانەى ڕەگ داکووتراو بەیەکێک لە کۆسپە مەترسیدارەکانى سەر چارەسەر کردنى شیکردنەوەى دەروونى دادەنێت .
ئەو کەلە کۆتایدا دەبێت بەکەسێکى نیورۆسی هەلێکى کەمى لەژێر دەستدایە بۆ ڕۆنانى باوەڕ بەخۆ بوون ئەویش لەئەنجامى ئەو ئەرکە قورسانەى کە دوچارى بووە .
ئەم جۆرە باوەڕە کەتیادا ماوەتەوە لەئاکامى پەرەسەندى نەخۆشیە نیورۆسییەکە زیاتر لەنگ دەبێت ،چونکە ئەو حاڵەتانەى کەناتوانێت وازى لێ بێنێت بۆ بنیاتنانى ئەو باوەڕە شیمانەى وێران بوونى هەیە ،زەحمەتیشە ئەم حاڵەتانە لەکاتێکى کەمدا چاک بکرێنەوە، ڕەچە نیورسکییەکان دەبنە کۆسپ لەپێش نەخشەدانانى خودى ،چونکە ئەو کەسە بەو شێوە نیورسیە بەڕێوە دەچێت ،نەک خودى خۆى بەڕێوەبەرێت .،سەرەڕاى ئەمانە ،تواناى نەخۆش بۆ ڕێچکە دانانى خۆى بەبەردەوامى لاواز دەبێت بەهۆى پشت بەستنى بــەخەڵکانى دیکەوە ،وەک یاخیبونى کــوێرانە، یان شەیداى داهێنان و ..بەشێوەیەک کــەجیا نـەکرێتەوە لــە گۆشەگـیـرى ، ئـەوەش دەبێتە هــۆى ئیفلیجى تواناو چالاکى بەهۆى چەپاندنى بەشێکى زۆرى وزەو سۆزەکانى ،ئەو هـەموو فاکتەرانەى سەرەوە دەبنە هۆى ئەوەى کەپەرە سەندنى ئەو حاڵەتە ســتـەم بێت ،لەکۆتایدا ئــەم ململانێیە بنەڕەتییە دەبێتە هـۆى کەرتبونى کـەسایەتى ،لـەبەرئەوە نەخۆش هەستێکى بەهێز دەکات بە(تـوانـاو بایـەخ) ،چونکە باوەڕى بەتواناى گشتى خۆى توخمێکى کاریگەر پێکدێنێت لـەتوخمەکانى وێنەى خەیاڵى بەشێوەیەک هەمیشە ئەو نەخۆشە نیورۆسییە هەست بەلاوازى خۆى ناکات لەبۆشاییەکدا، بەڵکو لەجیهانێکى پڕ لەدوژمن دایە کەخۆیان ئامادەکردووە ئەم کابرایە فریوبدەن و گاڵتەى پێبکەن و زیانى پێبگەیەنن ،لەبەر ئــەم هۆیە هەمیشە بەرهەمەکانى خۆى بــەراورد دەکات لەگەڵ بەرهەمى کەسـنى دیکە نـەک لەبەر هۆى خۆ بـەزل زانین و لـووت بەرزى، بەڵکو لەبەر پێویستى و هەست کردن بـەلاوازى و بـێ دەسەڵاتى و لەشتێکیش دەگەڕێت هەستێکى واى پێ ببەخشێت کەبەرهەمەکانى باشترو بەنرخترە لەبەرهەمى ئەوانى دیکه‌
ئەویش بەگوێرەى بارودۆخى شارستانى و بارى ململانێ بنچینەییە زاڵە کەبڕیار دەدات کەئەوە پەسەندە یان نا..؟
لەو ململانێیە کەس (جۆر)ى بەزیوو ترس وبێ دەسەڵاتى بەعەیب و عار لەقەڵەم نادات ،لەبەر ئەوە هەوڵ ئەدات ئەو خەوشانەى بەرهەمەکانى یان کارەکانى لەخۆى وخەڵکانى دیکە بشارێتەوەو بەهەموو شێوەیەکیش پاساوى دەدات،مرۆڤى بێ بەڵگەو بەزیوو بیروڕا دەست درێژییەکانى پاساو دەدات کەدژى یاخى بووەکانى ڕێگایەتى،بەڵام جۆرى دەست درێژیەکانى هەستەکانى خۆى زۆر بەناسکى دێتە پێش چاو کەزۆر لاوازو پەڕپووتە.هەردوو جۆرەکەش ئەوەى واقیع بێت ڕەتى دەکەنەوە تەنها لەبەر ئەوەى بەگوێرەى دڵى خۆیان نیە:
بۆ نموونە:کەسی بەزیوو ناچار دەبێت ئەو ڕاستیە ڕەت بکاتەوە کەئەو کەسێکى خۆشەویست و دەست پاک و ڕەسەن نییە،بەڵام چەشنى دوورە پەرێز نایەوێت لووت بەرزیەکەى وا پیشان بدات کەلەخودى خۆیەوە هەڵقوڵاوەو دەبێت خۆیشى دوورە پەرێز ڕابگرێت،لەبەر ئەوەى ناتوانێت لەگەڵ خەڵکانى دیکە هەڵسوکەوت بکات،وەک دەستورێک هەردووکیان ڕەچە سادییەکان ڕەت دەکەنەوە، بەم شێوەیە ئەوەى بەخەوش دادەنرێت و ڕەت دەکرێتەوە، ئەوەیە کەناگونجێ لەگەڵ وێنە جێگیرەکە کەهەڵوێستى باو دروستى کردووە لەبەرامبەر خەڵکانى دیکەدا.
دەتوانین بڵێین فەرمانى بەرگرییانەى وێنەى خەیاڵی بوونى ململانێکانى ڕەتدەکاتەوەو لەبەر ئەم هۆیە دەبێت ئەم وێنەیەجێگیرو بەرجەستە بێت، چونکە نەخۆش ناتوانێت تۆزقاڵێک ڕاستى بڵێت، کەواتە دەتوانین بڵێین پەیوەستیەکى ئیجابی لەنێوان توندى ململانێکان و کەللەڕەقی وێنە خەیاڵیەکەدا هەیە.
جگە لەو ئەرکانە باسمان کرد، وێنەى خەیاڵی ئەرکى دیکەشی هەیە، ئەویش بەململانێ بنچینەییەکەوە بەستراوەتەوە ،

کەوێنەیەکە لایەنى ئیجابیشی هەیە نەک تەنها شاردنەوەى نیشانە ناپەسەندەکانى ململانێ کە جۆرێک لەئەفراندنى هونەرى دەنوێنێت و تیایدا دژ بەیەکەکان لەبەرژەوەندى خۆیاندان لەشێوە ململانێش لەروخسارى ئەو کەسە خۆیان پیشان نادەن!. بۆنمونە کەسێک نیشانەیەکى خۆسەپێنی تیا دەردەکەوێت ئەویش بەزینە ،پێویستى بەهێزیش هەیە لەپێناو بەزەی و چاکە خوازى و هەروەها خۆشەویست و بەخشندە بێت ،گۆشەگیریش بەپلەى دووەم دێن لە گرنگیدا سەرەڕاى حەز لەتێکەڵ بوونى خەڵکانى دیکەو دووپات کردنەوەى سەربەخۆى و ترس لەپابەند بوون هەست کردن بە ڕق و کینە، هەروەکو نزیک بوونەوەى نێوان گۆشەگیرى و پێویستى بەمیهرو سۆزى مرۆیی سەرەڕاى خوڵقاندنى شڵەژان و دڵەڕاوکێی بەردەوام لەگەڵ ژناندا، ئەنگێزە دەست درێژەکانیشى لەخۆسەپاندن و زەوت کردن و لێ نەبوردن دەردەکەون ، بێگومان ئەم مەیلە دەست درێژکارییانە هەلێکى گەوررەى ئامادەباشی بە خۆشەویستى و ڕوخۆشی زەوتکردووە لەگەڵ ئەمەشدا ڕوبەڕوى گۆشە گیرییەکەى دەبێتەوە.
بێ ئەوەى ئاگادارى ئەم پاڵنەرانە بێت، وێنەیەکى خەیاڵی هیچ و پوچی سەبارەت بەخۆى لادروست دەبێت ،وەک: (ئەو کەسێکى خۆشەویستە، هاوڕێیەکى مەزنە،ماقوڵیش نیە هیچ ئافرەتێک غەیرى ئەو کەسێکى دیکەى خۆش بوێت..تد)،هیچ کەسێکیش نیە وەک ئەو بێت ! لەڕوى بەزەیی و سۆزو خێرخوازى ،ئەو سەرکردەى لێهاتووە لەکاتى خۆیداو سیاسەتمەدارێکى بلیمەتەو رۆمان نوسێکى سەرسوڕهێنەرو داهێنەرەو هەزار حسابی بۆ دەکرێت، پاشان ئەو فەیلەسوفی مەزنەو پیاوى دانایەو یەکێکە لەمرۆیە دەگمەنەکان.
وێنەى خەیاڵی لەوانەیە پێی بوترێت خودى خەیاڵی یان خود فریودەر، بەڵام ئەمە تەنها نیوەى ڕاستیەکە دەگەیەنێت، ئالێرەوە وێڵ و سەرگەردان دەبێت ، بیرۆکەکانى خۆزگە لەگەڵیدا دەژی لەڕاستیدا سەرنج ڕادەکێشێت، بەتایبەتى لەبەرئەوەى لەگەڵ کەسانێک ڕودەدات کە لەلایەکى دیکەن و لەواقیعێکى تاڵدا دەژین، بەڵام ئەمە خەیاڵێکى تەواو نیە، ئەو کەسە مەخلوقێکى خەیاڵی نیە، فاکتەرە واقعیەکان رستونى، هەروەها لەڕاستیدا پاشماوەى کەسە ڕەسەنەکانیش دەگرێتەوە، لەکاتێکدا دەستکەوتە گەورەکان خەیاڵین، ئەوکاتە توانستە شاراوەکانى ژێرەوەى زۆرجار ڕاست دەردەچن، ئەوەى زیاتر پەیوەندى بەمەسەلەکەوە هەبێت، ئەوەیە کەلەپێویستیە ناوەوەییە ڕاستەقینەکان دێتە کایەوە، ئەمیش فەرمانە ڕاستەقینەکان بەجێ دێنێت و کاریگەریەکى بەهێزى راستەقینەى بەسەر داهێنەرەکەیەوە دەبێت، لە میانەى گەڕان بەدواى نیشانە تایبەتیەکانى دەتوانین بگەینە ئەنجامێکى ورد سەبارەت بە بونیادى کەسایەتى کردەیی بۆ کەسە دیارى کراوەکە، بەڵام وێنەى خەیاڵی بەنیسبەت کەسی (نیورۆسی) ەوە بەهایەکى واقعى هەیە بەچاو پۆشین لەبڕى ئەو خەیاڵەى کەتیایدا دروست بووە، چەند ڕەگ داکوتراو بێت ئەمەندە وێنەى خەیاڵی خودى بۆ دەردەکەوێت لەکاتێکدا خودى ڕاستەقینەى دەشاردرێتەوە، هەڵگەڕانەوەى وێنەى ڕاستەقینەى سەرەو خوار حەتمەن بەهۆى سروشتى ئەرکەکانى خۆیانەوە کە وێنەکەى لێدەکەوێتەوە ڕوودەدات ،هەر فەرمانێک هەوڵى سڕینەوەى نیشانە کردەییەکانى کەسایەتى دەدات و،پاش چاو پێ خشاندنەوە بە ژیاننامەى زۆر لەنەخۆشەکان تائێستاش وا بڕوا دەکرێت بنیاتنانەوەى ڕزگاربونى ژیانە بەهەموو مانایەک،لەبەر ئەوەى ئەو بەرگریەى کەنەخۆش تەبەناى دەکات ئەگەرچی هێرشیشی بکرێتە سەر، ئەوا پاساوى خۆى هەیە، یان بەلایەنى کەمەوە مەنتیقییە، چونکە هەرچەندە وێنەکەى ڕاست و دروست بێت ئەوا دەتوانێت هەست بە گرنگى و سەرکەوتن هاو ئاوازى بکات، سەرەڕاى سروشتى فریودەرانەى ئەو هەستانەى، لەم کاتەدا لەتوانایدایە خۆى بەسەر پشک دابنێ کەهەموو جۆرە فەرمان و بڕوو بیانوو لەسەر ئەساسی ئەو سەرکەوتنە بانگەشە دراوەى پێشکەش بکات.
بەڵام ئەگەر بوار درا وێنەکە بقۆزێتەوە ئەوا ڕەنگە هەڕەشەى ڕووبەڕوو بونەوەى هەر لاوازیەک لەخۆیدا لێ بکرێت بێ ئەوەى هەقی هەبێت پەڵپی هیچ شتێکی تایبەت بگرێت، بەوەى کەکەسێکى بێ نرخە تەنانەت لەدیدى خۆشییەوە،ترسێکى وا گەورەش لەمێشکیدا دەخولێتەوە کەهەر ئێستا پارچە پارچە دەکرێت، بەڵام ئەم کارە لەوانەیە هەلێکى پێ ببەخشێت کەدەبێتە بوونەوەرێکى زۆر باشترو نرخى تایبەتى خۆى هەیەو بەنرختریشە لە وێنە خەیاڵیەکەى، بەڵام ئەم هەستە نوێیە مانایەک نابەخشێت تا دەربازى دەبێت لەو تاریکیەى لێی دەترسێت، هەر لێپرسینەوەیەک یان هەر ڕەخنەیەکى دەرەکى یان هەر چاوێک بەدواى فەشەل هێنانیەوە بێت لەبەرز کردنەوەى ئاستى وێنەکەى، لەوانەیە واى لێ بکات بتەقێتەوە یان بڕوخێت.
کەواتە پێویستە ژیانى خۆى ڕێک بکات بۆ ئەوەى دووچارى ئەم جۆرە مەترسیانە نەبێتەوە پێویستیشە حاشا لەو بارودۆخە بکات کەسەرنجى ڕادەکێشێ و سیماى خۆى تیا نیەو دوور بکەوێتەوە لەو کاروبارانە کەبڕواى نیە سەرى لێ دەردەچیًَت لەکۆتایدا، هەرچەندە وێنە خەیاڵییەکە بەمەبەستى نەهێشتنى ململانێ بنچینەییکە هاتۆتە ئاراوە ، تاڕادەیەک سەردەکەوێت، بەڵام لەهەمان کاتدا کەرتبونێکى نوێ لەکەسایەتى دروست دەکات لەکەرتبونە ئەسڵیەکە ترسناکترە. بەشێوەیەکى گشتى، مرۆڤ وێنەى خەیاڵی بۆ خۆى دروست دەکات، چونکە ناتوانێت واقیعیانە بژێت،وێنەکە وەک دەردەکەوێت دژی ئەم کارەساتە دەوەستێت، بەڵام بەهۆى تـێـڕوانینى بــۆ خۆى لـەسـەر بنچینەیەکى دیــاریکراو تــاڕادەیەک نـەبێت ناتوانێت خـۆى ڕابگرێت،کەوا لەژێر، فشارى داواکارییە تایبەتیەکانى کــەبۆى نایەتەدى شۆڕشــێکى گـەورە دەکــات.
پاشان لەنێوان خود پەرستى و قێز لەخۆ کردنەوە دەسوڕێتەوە ،واتە بێ ئەوەى بتوانێت جێگیر بێت!.
بەم شێوەیە ململانێی نێوان هەوڵە چەوساندنەوەییە دژ بەیەکەکان لەلایەک و نێوان جۆرێک لە دیکتاتۆریەتى خودى سەپێنراو بەهۆى شڵەژانى ناوەوەى لە لایەکى دیکەوە دەخوڵقێت.بەر پەرچدانەوەش لەدژی ئەم دیکتاتۆریەتە خودییە هەروەک بەرپەرچدانەوەى کەسێکە دژی دیکتاتۆریەتى سیاسی، لەوانەشە پەیوەندى لەگەڵدا پەیدا بکات ، واتە هەست بکات ئەو کەسێکى نایابەو نمونەییەو بەدڵی دیکتاتۆرەو لەسەر پەنجەکانى دەوەستێت بۆ ئەوەى لەئاستى پێویستیەکانى ئەو دیکتاتۆرەدا بێت، یان یاخیبونى ڕابگەیەنێت دژی ڕقوکینە ، دانیش نەنێت بەو پابەندیەى کەبەزۆر بەسەریدا سەپێنراوە، ئەم جۆرە کەسانە زۆرن تیایاندا هەیە خۆى بەبەرکەماڵً دادەنێت و لەپۆلى (منى باڵا) دایە، تیاشیاندا هەیە گوێ بەهیچ کەسێک نادات و مەیلی هەڵچون دەکات و مل هوڕە، جۆرى بەگوڕ (شۆڕشگێڕ) یش هەیە کەوا بڕوا دەکات ئازادەو لەژێر بارى بەها سەپێنراوەکان دەناڵێنێت و ئێستا دەیەوێت بیروخێنێت، هەرچەندە هێشتا دیلى وێنە خەیاڵیەکەیەتى.
هەندێک جار مرۆڤ ڕاڕایە لەقۆناغێکدا وەک ئەوەى کەوتبێتە نێوان دوو جەمسەرى دژ بەیەکەوە، هەندێک جار کەسێکی خێرخواز بێت هەندێک جاریش بەپێچەوانەوە ،یان بیەوێت لەخود پەرستیەوە بچێتە قۆناغى بەرکەماڵی ئەم جۆرە هەوڵانە لەکۆتایدا فەشەل دێنێت، بەڵام هەوڵێکە بۆ دەربازبوون لەتەڵەزگەیەکى بێ کۆتا، دژوارترین هۆکاریش بەکاردێنێت ئەگەر لەیەکێکیان فەشەلی هێنا ئەوا پەنا بۆ ئەوەى دى دەبات.
ئەم ئاکامانە هەموویان لەدواییدا یەکدەگرنەوە بۆ دروستکردنى پەرژینێکى بەهێز دژی ئەو ڕێڕەوە ڕاستە کەئەو کەسە دەیەوێت بیگرێتەبەر، لەتواناى کەسێکیشدا نیە پەنجەى پەشیمانى بگەزێت سەبارەت بەهەڵەکان، چونکە هەست بەهەڵەکانى ناکات و،واتە نازانێت کە نایزانێت.

سەرچاوەکان:

1- صراعاتنا الباطنیة. د.کارین هورنی. ترجمە عبدالودود العلی دار الشءون الثقافیە العامە 1988.
2- تاریخ الفلسفە الیونانیە- یوسف کرم. دار الاداب.
3-مقابلە مع د.علی الوردی ، حمید المطبعی، مطبعە الحواد[/size]

[size=16]
هه‌موو رۆژێك ڤایرۆسه‌كانی كۆمپیوته‌ر بۆ جیهانی ده‌سه‌لمێنن كه‌ چه‌نده‌ زیره‌كن و له‌ نوێبوونه‌وه‌ی رێگه‌كانی هێرشكردنیاندا چه‌نده‌ به‌ توانان كه‌ تا ئێستا هیچ ماڵپه‌ڕێك لێیان به‌ده‌ر نه‌بووه‌، ته‌نانه‌ت له‌گه‌ڵ به‌كاربردنی باشترین رێگه‌كانی پاراستنیش دا. هه‌ر له‌ چوارچێوه‌ی هێرشه‌ ڤایرۆسیه‌ به‌ربڵاوه‌كانی ناو ئینته‌رنێت، كۆمپانیای McAfee ئه‌مه‌ریكی رایگه‌یاند كه‌ فه‌رهه‌نگێكی نوێی داناوه‌ و ژماره‌یه‌ك له‌ كۆمه‌ڵه‌ وشه‌ی تێدایه‌ كه‌ لێكۆڵه‌ران پێیان وایه‌ مه‌ترسیدارترین ڤایرۆسن. ئه‌و كۆمه‌ڵه‌ وشانه‌ گه‌ڕۆك بۆ ناو ماڵپه‌ڕی نوێبووه‌وه‌ ده‌گوازێته‌وه‌ كه‌ پڕه‌ له‌ ڤایرۆس و له‌وانه‌یه‌ به‌كارهێنه‌ر بۆ ماوه‌یه‌كی زۆر درێژ تووشی گرفت بكا و به‌ده‌ستیانه‌وه‌ بناڵێنێ.

هه‌ر ئه‌م كۆمپانیایه‌ ده‌ری خستووه‌ كه‌ وشه‌ی گه‌ڕان هه‌یه‌ زۆر مه‌ترسیداره‌ كه‌ ئه‌وه‌ی لێی بگه‌ڕێ تووشی بڵاوبوونه‌وه‌ی مه‌ترسیدارترین ڤایرۆس یان به‌رنامه‌ی زیانبه‌خش ده‌بێ له‌ناو ئامێره‌كه‌ی دا. لێكۆڵینه‌وه‌كه‌ 2600 كلیله‌ وشه‌ی Key Word له‌خۆ گرتووه‌ كه‌ له‌ناو پێنج بزوێنه‌ری گه‌ڕانی ناو ئینته‌رنێت دا باون، له‌وانه‌: Google، Yahoo، AOL . هه‌روه‌ها 413 لاپه‌ڕه‌ی ئینته‌رنێتی پێ شیكراوه‌ته‌وه‌.
هه‌ر له‌م باره‌یه‌وه‌، سه‌رۆكی جێبه‌جێكاری كۆمپانیای McAfee (دێڤید واڵت)، جه‌ختی له‌سه‌ر ئه‌وه‌ كردۆته‌وه‌ كه‌ ته‌نیا له‌ ساڵی پار گۆڕانێكی نائاسایی له‌ به‌رنامه‌ زیانبه‌خشه‌كان روویداوه‌. گه‌یشتۆته‌ راده‌یه‌ك كه‌ پرۆسه‌كه‌ له‌ سنووری دزه‌كردن چۆته‌ ده‌ره‌وه‌ و بووه‌ته‌ تاوانێكی رێكوپێك له‌ رێگه‌ی ئاسمانی ئه‌لیكترۆنییه‌وه‌. له‌م دواییه‌شدا بۆ شێوه‌یه‌ك له‌ شێوه‌كانی تیرۆر گۆڕاوه‌". له‌وانه‌یه‌ به‌ناوبانگترین جۆریان كه‌ له‌ رێگه‌یانه‌وه‌ به‌رنامه‌ی زیانبه‌خش بڵاوده‌بنه‌وه‌، ئه‌وانه‌بن كه‌ له‌سه‌ر شێوه‌ی (سكرین سه‌یڤه‌ر)ن، له‌گه‌ڵ یارییه‌ به‌خۆڕاییه‌كان و كاركردن له‌ماڵه‌وه‌ و یارییه‌ ئۆڵیمپیه‌كان و گرنكه‌ ڤیدیۆیی و كه‌سه‌ به‌ناوبانگه‌كان و مۆسیقا و هه‌واڵ. هه‌رچی مه‌ترسیدارترین وشه‌ و زاراوه‌كانن كه‌ زیان به‌ گه‌ڕۆك ده‌گه‌یه‌نن ئه‌وا هه‌ندێكیان لێره‌ ناو دێنین له‌وانه‌: "وشه‌كانی گۆرانی Lyrics" و "مای سپێس My space" و "داونلۆدكردنی مۆسیقا به‌خۆڕایی Free MP3" و "رێگه‌كانی فێڵكردن له‌ یاری Cheats" و "یاری كارته‌كان Cards". هه‌میشه‌ كۆمپانیاكانی تایبه‌ت به‌ پاراستن له‌ ڤایرۆس دره‌نگتر دێن له‌وانه‌ی كه‌ ڤایرۆسه‌كان و به‌رنامه‌ زیانبه‌خشه‌كان به‌رهه‌م دێنن. له‌م باره‌یه‌وه‌ (دی واڵت) ده‌ڵێ: ئێمه‌ زۆر له‌دواوه‌ی ئه‌وانین.. ئه‌مه‌ راستیه‌كه‌ كه‌س نكووڵی لێ ناكات، چونكه‌ ژێرخانی جیهانی ئینته‌رنێت به‌ شێوه‌یه‌كی گه‌وره‌ فراوان بووه‌ و ئه‌و كۆمپیوته‌رانه‌ی كه‌ پارێزراو نین رێژه‌یان ده‌گاته‌ 50%".[/size]

[size=16]خوشك و برایانى به‌رِێز ::

بێ گومان له‌ ئینته‌رنێت دا ماڵپه‌رِانێكى زۆر زۆر هه‌یه‌ بۆ تێكدانى دین و رِه‌وشتى گه‌نجه‌كانمان جا براى به‌رِێز و خوشكى ئازیز  گه‌ر ده‌ته‌وێ له‌ كاتێكدا له‌سه‌ر ئینته‌رنێت داده‌نیشى به‌ هیچ شێوه‌یه‌ك ماڵپه‌رِه‌ سێكسیه‌كان نه‌كردێته‌وه‌ ، گه‌ر ده‌توێ له‌ خراپه‌ى ئه‌و ماڵپه‌رِانه‌ به‌ دوور بیت ، گه‌ر ده‌توێ خواى گه‌وره‌ له‌ خۆت رِازى بكه‌یت و شه‌یتان فریوت نه‌دات به‌ كردنه‌وه‌ى ماڵپه‌رِه‌ بێ رِه‌وشته‌كان .
ئه‌وا ئامۆژگاریت ده‌كه‌م به‌ دابه‌زاندنى ئه‌م به‌رنامه‌یه‌ بۆ ناو كۆمپیوته‌ره‌كه‌ت كه‌ به‌ هیچ شێوه‌یه‌ك رِێگه‌ نادات به‌ كردنه‌وه‌ى هیچ ماڵپه‌رِێكى سێكسى و بێ ره‌وشتى وه‌ له‌ تاوان و خراپه‌ى ئه‌و ماڵپه‌رِانه‌ ده‌تپارێزێ جا خوشك و براى به‌رِێزم تۆش په‌له‌ بكه‌ له‌ دابه‌زاندنى .

وه‌ حه‌جمى به‌رنامه‌كه‌ كه‌متره‌ له‌ یه‌ك مێگا بایت و نیو

فه‌رموو ئه‌مه‌ لینکه‌که‌یه‌تی[/size]   
http://ba8.org/setup-en.exe

ئۆمید کوردستانی ، ساڵی 1343 (45 ساڵ له‌مه‌وبه‌ر)له‌ شاری پیرانشاری ڕۆژهه‌ڵاتی کوردستان له‌ دایک بوو. له‌ ته‌مه‌نی 14 ساڵی له‌ دووای مه‌رگی باوکی به‌ هۆی نه‌خۆشی شێرپه‌نجه‌ ، له‌ گه‌ڵ دایکی سه‌ره‌تا بۆ به‌ریتانیا و دواتر بۆ ئه‌مه‌ریکا ، کۆچ یان کرد و له‌ شاری سه‌ن خۆزه‌ی ویلایه‌تی کالیفۆرنیا جێگیر بوون.
کاک ئۆمید سه‌ره‌تا شه‌هاده‌ی ئه‌ندازیاری (B.C) ئێلێکترۆنیک له‌ زانکۆی ویلایه‌تیی سه‌ن خۆزه‌ وه‌رگرت و توانیی له‌ پۆستی ئه‌ندازیار له‌ کۆمپانی HP  بۆ ماوه‌یه‌ک کار بکات.
دووای چه‌ند ساڵ ،  به‌ مه‌به‌ستیی به‌ده‌ست هێنانی ئامانجه‌کانی له‌ بوواری بازرگانی دا ، توانیی له ساڵی 1991‌ شه‌هاده‌ی به‌ڕێوه‌به‌رایه‌تی بازرگانیی (MBA) زانکۆی ستانفۆرد به‌ ده‌ست بهێنێت.
بۆ ئاگاداریتان ، له‌م زانکۆیه‌ ، به‌ڕێوه‌به‌رانی کۆمپانیی گوگڵ و یاهوو ده‌رس یان خوێندووه‌.
ئۆمید له‌ ساڵی 1999 له‌ کۆمپانی نێت ئێسکه‌یپ (Netscape) ده‌ستی به‌کارکرد و هه‌ر له‌وێ بوو به‌ یه‌کێک له کادێرانی به‌شی به‌ڕێوه‌به‌رایه‌تی گوگڵ. و ماوه‌یه‌کی فره‌ی پێ نه‌چوو که‌ ئۆمید بوو به‌ به‌ڕێوه‌به‌ری ئه‌رشه‌دی بازاڕیابی و گه‌شه‌ی نێوده‌ڵه‌تی کۆمپانی گوگڵ. و فرۆشی گوگڵی له‌ سفره‌وه‌ گه‌یانده‌ سێ میلیارد دۆلار !
مایک هومه‌ر ، به‌رێوه‌به‌ری پێشینی کۆمپانی نێت ئێسکه‌یپ (Netscape) ده‌ڵێت ، کارو فێربوونی دایمی ئۆمید له‌ سه‌رکه‌وتنی کۆمپانی گوگڵ ، ده‌ورێکی زۆر گرنگی هه‌بووه‌.
ئۆمید سه‌ره‌تا له‌ Netscape له‌ به‌شی فرۆش (OEM) ده‌ستی به‌کار کرد و له‌ ماوه‌ی چووار ساڵ بوونی له‌و کۆمپانیه‌ ، ئه‌رکی په‌یوه‌ندی بازرگانی له‌ گه‌ڵ هه‌ندێک کۆمپانی وه‌کوو ،  سیتی بانک ،اسکایت،ebay، intel،تراولا سیتی،ئامازۆن و AOL   ی له‌ ئه‌ستۆ بووه‌‌.
ئۆمید ، 43 ساڵه‌ که‌ له‌ چاوپێکه‌وتن له‌ گه‌ڵ مێدیاکان خۆی دوورگرتووه‌ و بێ ئه‌وه‌ی سه‌رنجی مێدیاکان به‌لای خۆیه‌وه‌ ڕابکێشێت ، خه‌ریکی کارکردنه‌ و له‌ ڕاستی دا ئێمپراتووری کۆمپانی گوگڵه‌.
ئه‌و هه‌مێشه‌ ده‌ڵێت ، که‌ گه‌شبینی و ئۆمیدواری به‌ داهاتوو ، ده‌ورێکی زۆری هه‌بووه‌ له‌ سه‌رکه‌وتنی له‌ م کاره‌دا.
شایانی باسه‌ که‌ ئۆمید بوو که‌ زانیی ، ترافیکی(هاتووچو و سه‌ردانی) سایتی گوگڵ یه‌کێک له‌ دارائیه‌کانی گرنگی گوگڵه‌. وه‌ به‌دانانی رێکلامی چکۆله‌ له‌ گوگڵ ده‌ستی به‌ تاقیکردنه‌وه‌ی سیستێمی ڕێکلامی گوگڵ کرد. ئێستاکه‌ ، 99% له‌ داهاتی ماڵیی گوگڵ له‌ ڕێی ئه‌م سیستێمه‌وه‌یه‌.
گۆڤاری تایمز له‌ ڕێکه‌وتی 8ی مه‌ی ساڵی 2006  ، ناوی ئۆمیدی له‌ ته‌نیشت ناوی ئه‌و که‌سانه‌ داناوه‌ که‌ وه‌چه‌رخانێکی مێژووییان له‌ ژیانی مرۆڤ دا پێکهێناوه‌ .
ئۆمید یه‌کێکه‌ له‌ لۆرده‌کانی باکووری کالیفۆرنیا. گۆڤاری سه‌ن خۆزه‌ پێشبینی کردووه‌ که‌ داراییه‌کانی ئۆمید ، ده‌گاته‌ 9.1 میلیارد دۆلار.

سه‌رچاوه‌ : http://kamalagha.persianblog.ir/post/2

هه‌ندێک وێنه‌ی به‌ڕێز کاک ئۆمید کوردستانی :