[center]ڕێگاکانی به‌ده‌ست هێنانی ناخێکی ئارام

1- ئه‌گه‌ر گریانت بۆهات بگری..! چونکه‌ گریان ئارام به‌خشی و دڵنه‌واییه‌

2- پێویسته‌ هه‌موو ڕۆژێک ماوه‌ی 15 خوله‌ک له‌ شوێنێکی بێده‌نگ بمێنیته‌وه‌
و بیر له‌و کاره‌ بکه‌یته‌وه‌ که‌ له‌ ژیانتدا گرنگه‌و ئه‌ته‌وێت به‌ده‌ستی بێنیت.

3- کاتێک به‌هۆی سه‌رقاڵیته‌وه‌ بیر و مێشکت جه‌نجاڵه‌ ،باشتر وایه‌ له‌ باخچه‌یه‌کدا
پیاسه‌ بکه‌یت تا مێشکت به‌تاڵ بکه‌یته‌وه.
4 - پێویسته‌ له‌گه‌ڵ منداڵاندا یاری بکه‌یت و سه‌یری هه‌ڵس و که‌وتیان بکه‌یت.

5- هه‌وڵ بده‌ بیر له‌سه‌روه‌ت و سامانی خه‌ڵکی نه‌که‌یته‌وه‌و ڕازی بیت به‌ ژیان و
کاری خۆت.
6- بۆ بیر چونه‌وه‌ی کێشه‌و گرفته‌کانت خۆت به‌باخچه‌و ڕواندنی گوڵه‌وه‌ خه‌ریک بکه.

7- شپرزه‌یی و په‌ڵه‌ په‌ڵ کردن په‌یوه‌ندی ڕاسته‌وخۆی هه‌یه‌ به‌هه‌ڵه‌کانی ڕۆژانه‌تانه‌وه‌
بۆیه‌ پێویسته‌ زۆر له‌سه‌رخۆو به‌هێمنی هه‌ڵسن به‌ ئیش و کاره‌کانتانه‌وه.
8- گفتوگۆی شیرین و گاڵته‌و گه‌پ و پێکه‌نین له‌گه‌ڵ هاوڕێکانتاندا بکه‌ن،به‌ڵام له‌ئاستی
خۆیدا نه‌ک زیاده‌ڕه‌وی بکه‌ن.
9- له‌کاتی هه‌ست کردن به‌دڵته‌نگی و نائارامی ،سه‌یری وێنه‌و یادگاریه‌کانت بکه‌.

10- به‌شێوازێکی ئارام و له‌سه‌رخۆ قسه‌ بکه،تا لێدانی دڵت پاڵپه‌ستۆی له‌سه‌ر نه‌بێت.

11- له‌گه‌ڵ که‌سێکدا هاوڕێیه‌تی بکه‌ که‌ جێگه‌ی باوه‌ڕو متمانه‌ بێت،تا بتوانیت کێشه‌کانتی
بۆ باس بکه‌یت که‌ ئه‌وه‌ش نیوه‌ی چاره‌سه‌رو ده‌رکردنی گرێکانی ناخی مرۆڤه.
‌
12- به‌لایه‌نی که‌مه‌وه‌ هه‌فته‌ی جارێک سه‌ردانی هاوڕێ و که‌سه‌ خۆشه‌ویسته‌کانت بکه‌
بۆ ئارامی و خۆراکی دڵ و ده‌رونت .
13- دڵخۆشکرنی که‌سی به‌رامبه‌رت له‌ڵایه‌ن تۆوه،ئاسوده‌یی و به‌خشیینی وزه‌یه‌ به‌خۆت.

14- گه‌شت و سه‌یران کردن دورتان ده‌خاته‌وه‌ له‌ خه‌مۆکی و دڵه‌ڕاوکێ.

15- گیانی لێبووردنت هه‌بێت و له‌خه‌ڵکی ببوره‌ چونکه‌ لێخۆشبوون و شادکردنی
دڵی خه‌ڵکی زیاتر وزه‌ به‌ جه‌سته‌کان ده‌دات.
16- هه‌وڵ بده‌ له‌کاتی توڕه‌ بوندا به‌سه‌ر خه‌ڵکی دا توڕه‌ مه‌به‌ توڕه‌یی خۆت
به‌سه‌ر که‌سدا خاڵی مه‌که‌وه،به‌ڵکو له‌شوێنێکی چۆڵ یاخود له‌سه‌ر بانێکی به‌رز بقیژێنه.‌
‌
17- جڵ و به‌رگی ته‌سک له‌به‌ر مه‌که‌ن و مکیاجێکی زۆر مه‌که‌ن که‌هۆکاری توڕه‌بون
زیاد ده‌کات و بێزار ده‌بن.
18- هه‌وڵ بده‌ له‌کاتی خۆیدا خواردن بخۆ و چێژ له‌خواردن وه‌ربگره،چونکه‌
ده‌بێته‌ هۆی تێر بون و چاڵاک بوونی به‌شی مێشکی مرۆڤ.

مه‌به‌ست[/center]

ئه م بابه ته م زووور لاجوان بو كاتيك به رجاوم كه وت حه زم كرد بيشكه شتان بكه م  ده رباره ى

ده‌مه‌ته‌قێی وه‌رزه‌كانی ساڵ

سه ره تا

به‌هار

بــه‌هـارم شـای وه‌رزانــم
ملشـكێنـــی زســـتـانـــم
باخچه‌ی جوانی سروشتم
بــڕوانــه‌ ده‌وروپـشـتــم
هـاژه‌ی قه‌ڵبـه‌زه‌ی ئــاوم
ڕوونــاكیـیـه‌ بــۆ چــاوم
وه‌رزی سه‌یران و گه‌شتم
له‌ شـاخ و كێـو و ده‌شتـم
هه‌ر خۆم خاوه‌ن نه‌ورۆزم
جـه‌ژنــی كوردی پیـرۆزم

دواتر

هاوین

مـن هاویـنـم هـاویـنـم
تیـشكی خۆری زێـڕینـم
خاوه‌ن سێبـه‌ری خۆشم
هه‌ر ئاوی سارد ئه‌نۆشم
میــوه‌ی زۆرم لـه‌ لایــه‌
خه‌رمـانــم له‌بـه‌ر بایــه‌
وه‌رزێــكی بـێ ئــازارم
جـل و بــه‌رگی هـه‌ژارم
كه‌ مـن ده‌ركه‌وتـم تاوێ
كه‌س لێفه‌و به‌ڕه‌ی ناوێ

ئنــجــا

پاییز

پایـیـزم وه‌رزی چاكم
له‌ نــاو ئێـوه‌دا تــاكم
منــم بــاران ئه‌هێنــم
تـۆوی زۆر دائه‌چێنـم
بــاران زۆر ئه‌بارێنـم
تـا كاتــی پـه‌ڵـه‌ دێنـم
ئاوی كانی زۆر ئه‌كه‌م
وه‌ك ئاڵتوونه‌ گه‌ڵاكه‌م
كه‌ دێـم و ئـه‌ڕۆمـه‌وه‌
ڕووی زه‌وی ئه‌شۆمه‌وه

دواى ئـــه وانيـــش

زستان

نـه‌خێــر من كه‌ زستـانــم
گه‌وره‌ی سێ وه‌رزه‌كانـم
به‌ وه‌یشوومه‌ و به‌ سه‌رما
كێ خۆی ئه‌گرێ له‌ به‌رمـا
بــه‌ ده‌ســتـه‌ڵاتــی زۆرم
ئـاو به‌ سـه‌هۆڵ ئـه‌گـۆڕم
من به‌ كلـووی بـه‌فـره‌كه‌م
كـه‌ژوكێـو دروست ئه‌كه‌م
لــه‌ لادێ بـم یـا لـه‌شــار
سڕ ئه‌كه‌م دوپشك و مـار

هــــــــونــــــراوه ى :::كــــــــاكــــــه‌ی فــه‌لاح

خوازيارم به دلتانبيت ئه زيزانم جونكه ئيوه به دلتان بيت من ماندوو نابم....