ئه‌ی ئه‌و گوڵـــه‌ی بویته‌ نورێ
ڕۆشن ئه‌كه‌یـی دوچاوی من
وه‌ره‌ ساتێ لـــــــه‌باوه‌شی
پڕله‌ خۆزگه‌ی منا بــــــــنووه‌
تاتێ بگه‌یت ئه‌م ساڵانــــــه‌
دڵی شێتم چۆن ژیربــــــووه‌
هه مو شه‌وێ ڕوخساری تۆ
تێكه‌ڵ خه‌وێ شیرین بـــووه‌
كه‌ئه‌ت بینم له‌شه‌رمایـــــه‌
وه‌ها سه‌رم داخستـــــــووه‌
چونكه‌ هه مو خه‌وێ گوڵـــم
لێـــــوه‌كانتم  ماچ كـــردووه
ده‌پێم بڵێ هه‌تاك و كــــه‌ی
بێ ڕه‌حمانه‌ سه‌یرم ئه‌كه‌ی‌
دڵت به‌رده‌و ئه‌م سوتێنــــی
وه‌ ك ڕه‌قیبێ سه‌یرم ئه‌كه‌ی
دڵنیابه تۆش له‌ شه‌رمـــــــا
ڕۆژێك ئه‌بێ سه‌ر دا ئه‌خه‌ی

((ساده‌))

هه‌رچی هه‌یه‌ با به‌شی که‌ین
کامه‌ ده‌مار خوێن بۆ به‌رۆکی خه‌م ده‌با
با ڕه‌شی که‌ین
هه‌رچی هه‌یه‌
له‌ چاو لێکنان و نووستنا
له‌ ژین و ژان و مردنا
له‌ ماچی لێو و گه‌ردنا
با به‌شی که‌ین

با به‌شی که‌ین
له‌ سه‌ر مه‌ست بوون
له‌ نێو خه‌یاڵی به‌ربه‌ست بوون
له‌ ڕۆژگاری شیرین و تاڵ
خه‌ون و خه‌یاڵ
خه‌وتنی سه‌ر گوڵێکی ئاڵ
هه‌رچی هه‌یه‌ با به‌شی که‌ین

هه‌رچی هه‌یه‌
له‌ حه‌زی مه‌ست و ئاره‌زوو
له‌ یادگاری ڕۆژانی زوو
له‌ توڕه‌ بوون ، له‌ پێکه‌نین
خه‌می ئاڵی به‌رۆکی ژین
هه‌رچیت هه‌یه‌ ، هه‌رچیم هه‌یه‌
با به‌شی که‌ین

هه‌رچی هه‌یه‌ ، با به‌شی که‌ین
خه‌می ده‌روون
جوانی گه‌ردوون
سه‌فه‌ری کانی ڵێڵ و ڕوون
هه‌رچی هه‌یه‌
با به‌نیوه‌
هه‌رچیت دیوه‌ و هه‌رچیم دیوه‌
با به‌شی که‌ین

هه‌رچی هه‌یه‌
با به‌شی که‌ین
چرای خه‌م و تاڵی ژیان
به‌ یه‌که‌وه‌ خامۆشی که‌ین
با به‌شی که‌ین
خه‌می سینه‌ بسوتێنین
ڕه‌شپۆشی که‌ین
هه‌رچیم هه‌یه‌
به‌شی ده‌که‌م به‌س له‌گه‌ڵ تۆ
هه‌رچیت هه‌یه‌
بێنه‌ به‌شم
به‌شم مه‌خۆ

دەرباز یونس

خـۆشـم ئـه‌وێـی

لێوان لێوم له‌ بێزاری
بۆ لێم وونی ئه‌ی ئه‌وینم
تۆ ئه‌زانیت سه‌رده‌مێکه‌
له‌ خه‌ونیشمدا ناتبینم

من نامه‌وێت سه‌رابێکی
دره‌نگانی ئێواره‌ بیت
یان هه‌ناسه‌ی باڵدارێکی
پڕ له‌ سۆز و بێ لانه‌ بیت

وا نه‌زانی شیعره‌کانم
دونیایه‌کی خه‌یاڵی یه
له‌ نیشتیمانی ڕۆحم دا
ئه‌وین ئاوابوونی نی یه‌

هێنده‌ی دونیا خۆشم ئه‌وێی
هه‌رچه‌نده‌ خوێنم بمژی
هێشتا گه‌ردنت ئازاد بێت
زۆر جوانه‌ لام تۆ بمکوژی

هێمن که‌ریم

فرمێسکی کۆچ

ساڵانێکم ڕۆی ، بێ تۆ تێپه‌ڕ بوو

تازه‌ ژیانم هیچم بۆ ناکات

چاوه‌ڕێی شانسم

پێی بگه‌م به‌ ئاوات

سه‌رسه‌ختی ژیان کۆچی خسته‌ ڕێم

دوای دابڕان لێت

ئه‌و عاشق بوو پێم

خۆزگه‌م‌ به‌و ساته‌ی، پێش دابڕانت

به‌ سیمای جوان و

خه‌نده‌ی لێوانت

خۆزگه‌م دووباره‌ شاد بوومایه‌ پێت

هه‌رگیز نه‌ت ده‌هێشت‌‌

وام لێ به‌ سه‌ر بێت

خۆزگه‌م جارێ که‌ش بمبینیتایه‌

چاوه‌ جوانه‌که‌ت

وه‌ك چرۆی گووڵ گه‌ش

ئاوێنه‌م بوایه‌

ئه‌و کات ئاخه‌کانم ده‌بوون به‌ ئۆخه‌ی

له‌ گه‌ڵ سه‌دای ده‌نگی خۆشتا

گلێنه‌ی چاوم له‌ سه‌ر باڵات

ده‌خسته‌ سه‌ما

نه‌ك به‌ نامه‌یه‌ك دڵی تۆش ته‌نگ که‌م

به‌د به‌ختی و چاره‌ی

ڕه‌شمت بۆ باس که‌م

.......

هه‌ناسه‌که‌م

ئه‌مشه‌و نامه‌یه‌کت بۆ ده‌نوسم

پڕ بێ له‌ خه‌می دووری و

پڕ بێ له‌ ئاخ

پڕ بێ له‌ ئاخی ئه‌و ڕۆژانه‌ی

که‌ ئه‌مڕۆیان بۆم دروست کردووه‌

به‌ڵام گووڵم

گریان نایه‌ڵێت زۆر شت هه‌یه‌ بینوسمه‌وه‌

  ...  ته‌نانه‌ت

کاغه‌زی ئه‌م نامه‌یه‌شمی ته‌ڕ کردووه‌

ده‌زانی گووڵم ؟

گریان باشترین هاوڕێی ته‌نهایی یه‌

له‌و ڕۆژه‌وه‌ی

تۆو نیشتمانم جێ هێشتووه

له‌ گه‌ڵ فرمێسك

هاوڕێ یه‌تیم به‌ستووه

‌ئێستاش به‌ نووسینی ئه‌م نامه‌یه‌م‌

به‌ ته‌واوی دڵم پڕ بووه

خه‌می خۆمم نی یه‌ ئازیزه‌که‌م

دڵی پێنوسه‌که‌شمم پڕ کردووه

ئه‌ویش ده‌زانێ که‌ به‌ ئازار ئه‌تلێمه‌وه‌

  ...   ده‌گری و

  فرمێسك ده‌ڕژێ بۆم

تا ئه‌م چه‌ند دێڕه‌ی پێ بنوسمه‌وه‌

.......

ده‌زانم گووڵم

ئه‌م دووریه‌ش من درووستم کردووه

به‌ڵام بڕوا بکه‌

په‌شیمانی هه‌ر له خۆیه‌وه‌

درووست بووه‌

هه‌ر ڕۆژێکیش بێ له‌ دووریت ده‌مرم و

ناوم ده‌چێته‌

چیرۆکی خۆشه‌ویستیه‌وه‌

ئه‌و کات گه‌ر مردم وه‌سیه‌ت بێ

له‌ سه‌ر لافیته‌و گۆڕه‌که‌م

بنووسن

به‌ خۆشه‌ویستی کۆچی دوایی کردووه‌

....    من دڵنیام

ئێستا تۆش بیر له‌ من ئه‌که‌یته‌وه

چونکه‌ من له‌ به‌ر گریان

نه‌مده‌توانی ته‌نانه‌ت چاویشم بکه‌مه‌وه‌

که‌چی

پێنووسه‌که‌ هاته‌ ناو ده‌ستم و

به‌ زۆر

ئه‌م شیعره‌ی پێ نوسیمه‌وه‌

هێرش- به‌ڕیتانیا