[size=24]بۆچی کاتێک پیاوێک دەرگای سەیارە دەکاتەوە بۆ هاوسەرەکەی پێی دەڵێن ژنانی؟ بۆچی کاتێک پیاوێک کورسیەکەی خۆی دەدات بە هاوسەرەکەی پێی دەڵێن ترسنۆک؟
بۆ پیاوان دەترسن لە نیشان دانی خۆشەویستیان بۆ هاوسەرەکانیان و وادەزانن کەسایەتیان دەڕوشێت؟
دە وەرە با بزانین گەورەترین پیاو لە مێژوو و ئایندەی مرۆڤایەتیدا کە پێغەمبەری ئازیزە صلی الله علیه وسلم چۆن هەڵسو کەوتی کردووە لەگەڵ هاوسەری ژیانیدا
کاتێک حەزرەتی عائیشە دەیویست بچێتە سەر حوشتر پێغەمبەر صلی الله علیه وسلم ئەژنۆی دا دەنا تا وەک پلەکانە حەزرەتی عائیشە بچیتە سەری و برواتە سەر حوشترەکە
پێغەمبەر صلی الله علیه وسلم بانگی حەزرەتی عائیشەی دەکرد و پێی دەووت عائیش لە خۆشەویستیا
پێغەمبەر صلی الله علیه وسلم ئاوی لە ناو ئەو پەرداخەدا دەخوارد کە حەزرەتی عائیشە تیایا خواردبووی وە لەو شوێنەی پەرداخەکەوە ئاوی دەخوارد کە حەزرەتی عائیشە لیوی پێوە نابوو
ئەگەر شوێن کەوتەی پێغەمبەریت صلی الله علیه وسلم ئەوە با هەڵسو کەوتت ئاوا بێت لەگەڵ هاوسەرتا و ئەوە پیاوەتیە[/size]

[size=16]ئه‌مه‌ چیرۆك نیه‌ و ئه‌فسانه‌ش نیه‌ به‌ڵكو ئه‌مه‌ كاره‌ساته‌كانی نێو كۆمه‌ڵگه‌ی ئومه‌تی ئیسلامیه‌ كه‌ به‌داخه‌وه‌ به‌ هه‌ڵه‌یه‌ك و لادانێكی بچوك له‌ شه‌رعی خوا كاره‌سات ده‌گاته‌ ئه‌م ئاسته‌ ترسناكه‌ بۆیه‌ وا چاكه‌ كاته‌ فه‌راغه‌كان به‌ خویندنی قورئانی پیرۆز و كۆڕی یادی خوا پڕ بكرێنه‌وه‌ نه‌ك به‌ ته‌له‌فۆن بۆ ئه‌و و ئه‌م كردن و چات كردن له‌گه‌ڵ خه‌ڵكی نه‌فس نزم و گورگ له‌ پێستی مه‌ردا
ده‌كرێ هه‌موومان سود له‌م ڕوداوه‌ ڕاسته‌قینانه‌ وه‌ربگرین و به‌ چیرۆك و ئه‌فسانه‌ی تێ نه‌گه‌ین و كه‌سیشمان نه‌ڵێین ئه‌وه‌ دووره‌ له‌ من چونكه‌ من له‌ خوا به‌زیاد بێ خاوه‌ن بڕوا و زانستم و بروام به‌ خۆم پته‌وه‌ و كه‌س ناتوانێ فێڵم لێ بكات چونكه‌ شه‌یتان هینده‌ ته‌ڵه‌ و داوی هه‌یه‌ هه‌رگیز واز ناهێنێ تا ڕۆژێك بتوانی له‌ خشته‌مان ببات !!!!
كچێك له‌ ته‌مه‌نی به‌هاریدا بوو گوڵ ئاسا ڕۆژ به‌ڕۆژ گه‌شه‌ی ده‌كرد و پێ ده‌گه‌یشت له‌ بنه‌ماڵه‌ێكی په‌روه‌رده‌ چاك و موسلمانانه‌ و ڕیك و پێك و خو ره‌وشت جوان ، هه‌ر ئه‌وه‌ش بوو وای كرد بوو سه‌ره‌نجی خه‌ڵكی گه‌ڕه‌ك و ناسیاو و دۆست به‌لای خۆیدا ڕابكێشێ هه‌موو گه‌نجانی گه‌ره‌ك و ئاشناكان به‌هیوای ئه‌وه‌ بوون ئه‌و كچه‌ ببیته‌ هاوسه‌ریان تا ڕۆژیك گه‌نجیكی ڕیك و پیك و جوان له‌گه‌ڵ كه‌س و كاری هاتن بۆ خوازبێنی و خوداش ئه‌و كاره‌ی سه‌رخست و كچه‌ و كوره‌ بوون به‌ به‌خته‌وه‌رترین هاوسه‌ری یه‌كتر ...
هینده‌ یه‌كتریان خۆش ده‌ویست حه‌زیان نه‌ده‌كرد بۆ یه‌ك چركه‌ش له‌ یه‌كتر داببڕێن به‌لام ژیانی دونیا هه‌رگیز ڕیگه‌ به‌مه‌ نادات ده‌بێ پیاو بچێته‌ سه‌ر كاری خۆی ژنیش به‌ هه‌مان شیوه‌ یان كاری ماڵ ده‌كات یان ئه‌ویش فه‌رمانبه‌ره‌ و ده‌بێ بچێته‌ فه‌رمانگه‌ی خۆی ..
كابرا به‌یانیان سه‌عات 8 له‌ ماڵ ده‌رده‌چوو تا سعات نزیكی 3ی دوای نیوه‌ڕۆ نه‌ده‌گه‌ڕایه‌وه‌ بۆ ماڵ ، ژنه‌ش له‌ ماڵی خۆی خه‌ریكی كار و باری ماڵ ده‌بوو هینده‌ ده‌ست گه‌رم و له‌ش سوك بوو هه‌ر خێرا ماڵه‌كه‌ی ڕیك ده‌خست و كاری خۆی ته‌واو ده‌كرد و پاشان ده‌چوو ناو ماڵی باوكی كوڕه‌كه‌ش ڕیكی ده‌خست و پاشان ده‌هاته‌وه‌ نێو ماڵی خۆیان خۆی خه‌ریك ده‌كرد تا كات بڕوات و كاتی هاتنه‌وه‌ی پیاوه‌كه‌ی دا بێت ...
وای لێ هات كچه‌ هه‌ستی به‌ بۆ شایی ده‌كرد وورده‌ وورده‌ هه‌ستی به‌ بێزاری ده‌كرد !!! بیری كرده‌وه‌ چی بكات بۆ پڕ كردنه‌وه‌ی كات شه‌یتان ئه‌وه‌ی خسته‌ مێشكیه‌وه‌ ده‌ی با ته‌له‌فۆن بكه‌م به‌لكو له‌گه‌ل هه‌ندێك كه‌س بدوێم خۆ هیچ نابی كێ ده‌زانی من له‌ كوێم !!!!
به‌هه‌وه‌ستی خۆی ژماره‌ی لێ ده‌دا و هه‌ندیكیان وه‌لامیان ده‌دایه‌وه‌ و هه‌ندیكیشیان له‌سه‌ریان داده‌خست ، تا ڕۆژێكیان كه‌وته‌ داوی ڕاوكه‌ران و بوو به‌ باشترین نێچیر
ڕۆژانه‌ چه‌ند سه‌عاتێك به‌ ته‌له‌فۆن قسه‌یان ده‌كرد و وای لی هات ئیش وكاری ماله‌وه‌ی به‌ خه‌مساردیه‌وه‌ ڕاده‌په‌ڕاند !!!
برای مێرده‌كه‌ی هه‌ستی كرد شتیكی نائاسایی رووده‌دات بۆیه‌ ده‌ستی كرد به‌ چاوه‌دیری براژنه‌كه‌ی بینی وا خه‌ریكه‌ به‌ته‌له‌فۆن قسه‌ ده‌كات و بۆ چه‌ند كاتژمیرێك بی پسانه‌وه‌ !!!
ئه‌ویش چوو له‌ بازاڕ ته‌له‌فۆنیكی به‌ ڕیكۆردی كڕی و هێلی ته‌له‌فۆنه‌كه‌ی پێوه‌ به‌ستایه‌وه‌ هه‌ر چه‌ند جار ژنه‌كه‌ ته‌له‌فۆنی بكردبایه‌ ئه‌وه‌یش تۆماری ده‌كرد چه‌ند ڕۆژیك به‌م شێوه‌یه‌ تا هیچ گومان نه‌مێنی له‌ په‌یوه‌ندی به‌ستانی براژنه‌كه‌ی به‌ پیاویكی نه‌ ناسیاوه‌وه‌
برای مێرده‌كه‌ی هاته‌ لای براژنه‌كه‌ی و دوای چاك چۆنی گوتی : باشه‌ پێم ناڵێی بۆ هینده‌ له‌ ژووره‌وه‌ ده‌مینیته‌وه‌ به‌ ته‌نها ؟
براژنه‌كه‌ی گوتی : هه‌ر بۆ خۆم بێ تاقه‌تم
ئه‌ویش گوتی : نه‌خێر وانیه‌ !!!
براژنه‌كه‌ی به‌ باوه‌ر به‌ خۆ بوونه‌وه‌ گوتی : بۆ وانیه‌ !!!
ئه‌ویش گوتی: پێم بڵێ ئه‌وهه‌موو قسه‌ كردنه‌ به‌ ته‌له‌فۆن له‌گه‌ڵ كێ ده‌یكه‌ی ؟؟؟
براژنه‌كه‌ی ڕه‌نگی تێك چوو گوتی : ئا ئه‌وه‌ له‌گه‌ڵ ماڵی باوكم ده‌یكه‌م
ئه‌ویش گوتی : درۆ ده‌كه‌یت فه‌رموو گوی بگره‌ بزانه‌ له‌گه‌ڵ كێیه‌ !!!! هه‌ندی له‌ قسه‌كانی خۆی بۆ لیدایه‌وه‌ و گوتی : ئیواره‌ ئه‌و كاسێته‌ ده‌ده‌م به‌ براكه‌م تا بڕیارێك له‌ باره‌ته‌وه‌ بدات !!!
براژنه‌كه‌ی هه‌ر زوو خۆی دایه‌ ده‌ست و پاڕایه‌وه‌ كه‌ ئه‌و كاره‌ نه‌كات چی ده‌ویت بۆی بكات له‌ بری په‌نهان كردنی ئه‌م ئابروو چونه‌
ئه‌وه‌یش گوتی : باشه‌ به‌مه‌رجیك
براژنه‌كه‌ی گوتی : بڵی با مه‌رجه‌كه‌ت بۆ جی به‌جی بكه‌م
ئه‌ویش گوتی : خۆت بده‌ به‌ده‌ستمه‌وه‌
براژنه‌كه‌ی گوتی : ئاخر چۆن ده‌بی و ئه‌وه‌ خیانه‌ته‌ و گوناه و تاوانه‌ !!!
ئه‌ویش گوتی : دوو ڕیگات له‌به‌رده‌م دایه‌ یه‌كیان هه‌ڵبژێره‌ !!!
براژنه‌كه‌ی هیچی بۆ نه‌مایه‌وه‌ ئه‌وه‌ نه‌بی كه‌ هه‌ڵه‌ به‌ هه‌ڵه‌یه‌ك و تاوانێكی گه‌ورتر چاره‌بكات و به‌ ناچاری خۆی دایه‌ ده‌ست برای میرده‌كه‌ی و ئه‌وه‌ی خوا پێ ناخۆش بوو كردیان ..
بۆ به‌یانی دیسان برای میرده‌كه‌ی لێ به‌ژوور كه‌وته‌وه‌ و دیسان داوای لێ كرده‌وه‌ به‌ هه‌مان شێوه‌ی دوینی خۆی بدات به‌ده‌سته‌وه‌ به‌لام براژنه‌كه‌ی وای زانی ئه‌مجاره‌ هیچ به‌ڵگه‌ی پی نه‌ماوه‌ گوتی : ته‌واو ئێستا تۆش وه‌ك من تاوانباری به‌رامبه‌ر به‌ براكه‌ت و كاسێته‌كه‌شم شكاندوه‌ و هیچ به‌ڵگه‌شت پی نه‌ماوه‌ !!
ئه‌ویش كاسێتیكی تری له‌ گیرفانی ده‌ركرد و گوتی : وه‌ره‌ گوێ بگره‌ !!!
دیسان ناچار خۆی دایه‌وه‌ ده‌ست وه‌ك دوێنی !!!
برای میرده‌كه‌ی زۆر بی مێشك و ده‌به‌نگ بوو وای ده‌زانی كاره‌كه‌ ئاساییه‌ خێرا چوو بۆلای هاوڕیه‌كی خۆی و ته‌واوی ڕووداوه‌كه‌ی بۆ گرایه‌وه‌ !!!
براده‌ره‌كه‌شی گوتی : ده‌باشه‌ بۆ یه‌كه‌م جار نه‌هاتی به‌ شوێنی من براده‌رایه‌تی چۆن وا ده‌بی
ئه‌ویش گوتی : ئه‌وه‌ نابێ براژن ی خۆمه‌ تۆ كارت چیه‌ به‌سه‌ریه‌وه‌ ؟
هاوڕیكه‌ی گوتی : زۆر ڕامه‌كێشه‌ ئه‌گه‌ر نه‌هێنی بۆلای منیش ئه‌وا هه‌رچی زووه‌ براكه‌ت ئاگادار ده‌كه‌مه‌وه‌ له‌م ڕووداوه‌ !!!
ئه‌وه‌یش گوتی : باشه‌ ئاسانه‌ هه‌ر به‌یانی ده‌یهینم بۆ لای تۆ به‌ڵام به‌ كه‌سی تر مه‌ڵێ
ئه‌ویش گوتی: باشه‌ خه‌مت نه‌بێ بیهینه‌ خۆشترین شوینی بۆ ئاماده‌ ده‌كه‌م
بۆ به‌یانی دیسان له‌ براژنه‌كه‌ی به‌ژوور كه‌وته‌وه‌ و گوتی : خۆت ئاماده‌ بكه‌ و خۆت بڕازێنه‌وه‌ پیاسه‌یه‌ك ده‌كه‌ین !!!\
براژنه‌كه‌ی گوتی : ناكرێ كارم هه‌یه‌ و ناتوانم
ئه‌ویش گوتی : ناتوانم نیه‌ چیت پی ده‌ڵیم ده‌یكه‌ی ئه‌گینا كاسێته‌كه‌ ده‌ده‌مه‌ ده‌ست براكه‌م
براژنه‌كه‌ی ناچار به‌قسه‌ی كرد و دوو قۆڵی بۆی ده‌رچوون
تا گه‌یشتنه‌ لای هاوڕیكه‌ی و چونه‌ ژووره‌وه له‌وێ به‌وپه‌ری نامه‌ردی و بێ ویژدانی چی خراپ بوو كردیان تا ئێواره‌ كه‌ كاتی گه‌رانه‌وه‌ داهات ویستیان بچنه‌وه‌ به‌لام هاوڕیكه‌ی گوتی : چونه‌وه‌ی چی ئه‌وه‌ شێت بونه‌ !!!
هیشتا چیمان كردوه‌ !!!
تا یه‌ك هه‌فته‌ نه‌یهێشت بچنه‌وه‌ بۆ ماڵه‌وه‌ و له‌وێ وه‌ك زیندانی ‌به‌ندی كردن
مێردی ژنه‌كه‌ له‌سه‌ر ئاگر ده‌ژیا و ئارامی لی هه‌ڵگیرا بوو پۆلیسی لێ ئاگادار كردبۆه‌وه‌ كه‌ برایه‌كی له‌گه‌ل خێزانی چونه‌ بۆ ده‌ره‌وه‌ یه‌ك هه‌فته‌یه‌ نه‌گه‌راونه‌وه‌ته‌وه‌
ئینجا دوای هه‌فته‌یه‌ك ژنه‌ و برای مێرده‌كه‌ی ویستیان بچنه‌وه‌ هاوڕێكه‌ی گوتی : بوه‌ستن چی ده‌كه‌ن ؟؟
شوبرای ژنكه‌ی جیا كرده‌وه‌ گوتی : ئه‌وه‌ چیه‌ تۆ شێت بۆی ده‌ته‌وی هه‌ردوكمان به‌په‌تی سێداره‌ هه‌ڵواسن !!
ئه‌ویش گوتی : ئه‌ی چاره‌ چیه‌ ؟
هاوڕێكه‌ی گوتی ئاسانه‌ : براژنه‌كه‌ت ده‌كوژین و كه‌سیش به‌ كاره‌كه‌مان نازانێت
پێكه‌وه‌ ژنه‌كه‌یان كوشت و پاشان ته‌رمه‌كشیان برد له‌سه‌ر ڕیگایه‌ك فڕێیاندا
خه‌ڵك ته‌رمه‌كه‌یان بینی و پۆلیسیان لێ ئاگادار كرده‌وه‌ و پۆلیسیش خێرا گه‌یشتنه‌ شوینه‌كه‌ و ته‌رمه‌كه‌یان برد بۆ نه‌خۆشخانه‌ تا پشكنینی بۆ بكریت
دوای پشكنین بۆیان ده‌ركه‌وت ئه‌و ئافره‌ته‌ ده‌ستدرێژیه‌كی زۆری كراوه‌ته‌ و سه‌ر و پاشانیش به‌ گوریس خكیندراوه‌ ...
هه‌واڵی دۆزینه‌وه‌ی ته‌رمی ژنه‌كه‌یان به‌ماڵی مێرده‌كه‌ ڕاگه‌یاند و له‌و كاته‌ش براكه‌ی گه‌یشته‌وه‌ ماڵه‌وه‌ كه‌بینی پۆلیس هاتونه‌ بۆ ماڵه‌كه‌یان تێك چوو شێوا نه‌یزانی چی بكات ئه‌فسه‌ره‌كه‌ گوتی : وه‌ره‌ بزانم له‌ كوێ بوی ؟ ئه‌ی ئافره‌ته‌كه‌ له‌گه‌ڵ تۆ ده‌رنه‌چوبوو ؟
بۆ به‌ته‌نهای كوا ئافره‌ته‌كه‌ ؟
هیچ وه‌ڵامی پێ نه‌بوو !!!
ئه‌فسه‌ره‌كه‌ گوتی : باشه‌ سه‌ركه‌وه‌ با بچین بۆ بنكه‌ تا له‌وی هه‌ندێ پرسیارت لێ بكه‌ین تا به‌ڵكو هه‌ندێ شتمان بۆ ئاشكرا بێت ...
كه‌ چون بۆ بنكه‌ی پۆلیس ئه‌فسه‌ره‌كه‌ یه‌كسه‌ر كوره‌كه‌ی نارده‌ پشكنین بۆیان ده‌ركه‌وت برای مێرده‌كه‌ی یه‌كێكه‌ له‌وانه‌ی به‌شداری ده‌ستدریژی و خنكاندنی كردوه‌
دوای ئه‌وه‌ به‌ ئاسانی دانی نا به‌ ته‌واوی تاونه‌كه‌ و ناوی هاوڕیكه‌شی دركاند و ئه‌ویش ده‌ستگیر كرا
پاشان دادگا بڕیاری خۆیدا و هه‌ر یه‌ك له‌ تاوانباران بۆ هه‌تا هه‌تایه‌ به‌ند كران
برای به‌ڕێز .... خوشكی به‌ڕێز
ئه‌مه‌ چیرۆك نیه‌ و ئه‌فسانه‌ش نیه‌ به‌ڵكو ئه‌مه‌ كاره‌ساته‌كانی نێو كۆمه‌ڵگه‌ی ئومه‌تی ئیسلامیه‌ كه‌ به‌داخه‌وه‌ به‌ هه‌ڵه‌یه‌ك و لادانێكی بچوك له‌ شه‌رعی خوا كاره‌سات ده‌گاته‌ ئه‌م ئاسته‌ ترسناكه‌ بۆیه‌ وا چاكه‌ كاته‌ فه‌راغه‌كان به‌ خویندنی قورئانی پیرۆز و كۆڕی یادی خوا پڕ بكرێنه‌وه‌ نه‌ك به‌ ته‌له‌فۆن بۆ ئه‌و و ئه‌م كردن و چات كردن له‌گه‌ڵ خه‌ڵكی نه‌فس نزم و گورگ له‌ پێستی مه‌ردا
ده‌كرێ هه‌موومان سود له‌م ڕوداوه‌ ڕاسته‌قینانه‌ وه‌ربگرین و به‌ چیرۆك و ئه‌فسانه‌ی تێ نه‌گه‌ین و كه‌سیشمان نه‌ڵێین ئه‌وه‌ دووره‌ له‌ من چونكه‌ من له‌ خوا به‌زیاد بێ خاوه‌ن بڕوا و زانستم و بروام به‌ خۆم پته‌وه‌ و كه‌س ناتوانێ فێڵم لێ بكات چونكه‌ شه‌یتان هینده‌ ته‌ڵه‌ و داوی هه‌یه‌ هه‌رگیز واز ناهێنێ تا ڕۆژێك بتوانی له‌ خشته‌مان ببات .[/size]

وه ركيراوه له:fb

[size=24]یەکەم: ئاگات لە مردن بێت، ژیانت پێ دەبەخشرێت.
دووەم: خودای گەورە سوننەت وەرناگرێ، ھەتا فەرز جێبەجێ نەکرێت.
سێیەم: ھەشت شت شێوازی شیرینی ھەشت شتی دیکەن: پاکی زینەتی ھەژارییە، سوپاس زینەتی نیعمەتە، ئارامگرتن زینەتی بەڵاکانە، ھێمنی زینەتی زانستە، خۆبەکەمزانین زینەتی قسەکردنە، زۆرگریان زینەتی لەخواترسانە (تەقوایە)، منەت نەکردن زینەتی چاکەخوازییە، گەردنکەچی (خشوع) زینەتی نوێژە.
چوارەم: صەڵاوات لێدان لەسەر پێغەمبەر (صلی اللە علیە وسلم) تاوان لادەبات ھەروەک چۆن ئاو ئاگر دەکوژێنێتەوە، صەڵاوات لێدان لەسەر پێغەمبەر (صلی اللە علیە وسلم) باشترە لە کۆیلە رزگارکردن.
پێنجەم: تاریکایی چوارن و چوار شتیش دەبن بە رووناکی بۆیان: خۆشەویستی دونیا تاریکییە و لەخواترسان رووناکییە بۆی، تاوانکردن تاریکییە و تەوبە رووناکییە بۆی، گۆڕ تاریکییە و کردەوەی چاک رووناکییە بۆی، دەرگای پەڕینەوە لە قیامەتدا تاریکییە و یەقین رووناکییە بۆی.
شەشەم: نھێنییەکانت تێکەڵی ئاشکراکانت مەکە، چونکە کارەکانت تێکدەچن.
حەوتەم: ھەر کەسێک بڕواتە ناو گۆڕەوە و بێ توێشوو بێت، وەک کەسێک وایە بڕواتە ناو دەریایەکەوە بێ بەلەم و کەشتی بێت.
ھەشتەم: داوا لە کەس مەکە لە پەروەردگارت زیاتر، لە ھیچ مەترسە لە تاوانەکانت زیاتر.[/size]
[center][/center]

[size=16]1- ئایا ئه‌زانیت یه‌که‌م که‌س که‌ ئاواتی مردنی خواست
پێخه‌مبه‌ر يوسف ڕه‌زای خوای له‌سه‌ر بێت

2- ئایا ئه‌زانیت یه‌که‌م نوێژ که‌ پێخه‌مبه‌ر(دروودی خوای له‌سه‌ر بێت)کردی
نـــوێــــــــــژی به‌یانی بوو.

3- ئایا ئه‌زانیت یه‌که‌م که‌س که‌ زه‌وی بۆی شه‌ق ئه‌بات له‌ ڕۆژی دوای دا
محمده‌ دروودی خوای له‌سه‌ر بێت.

4- ئایا ئه‌زانیت یه‌که‌م که‌س که‌ ده‌رگای به‌هه‌شت ده‌کاته‌وه‌
محمد ده‌بێت دروودی خوای له‌سه‌ر بێت.

5- ئایا ئه‌زانیت یه‌که‌م ئومه‌ت که‌ ده‌چێته‌ به‌هه‌شته‌وه‌
ئومه‌ته‌که‌ی محمده‌ دروودی خوای له‌سه‌ر بێت.

6- ئایا ئه‌زانیت یه‌که‌م که‌س که‌ ده‌سه‌ڵاتی پێ درا له‌ ئاسمان
جبريل بوو ڕه‌زای خوای لێ بێت.

7-یه‌که‌م که‌س که‌ هه‌ینی ناونا هه‌ینی
كعب بن لؤي بوو.[/size]

[size=16]زۆرجاران نوێژخوێن خەیاڵی لەناو نوێژدا دەڕوات، ئەمەش لە خشوعی نوێژ کەم دەکاتەوە، بۆیە ئەم ١٠ ھەنگاوەتان بۆ دەخەینەڕوو کە پەنا بەخودا سوودی دەبێت و دەبێتە مایەی ئەوەی کە لەمەودوا لەناو نوێژدا خەیاڵمان نەڕوات، فەرموون ئێوە و ئەو ١٠ ھەنگاوە:

1ـ هه‌ستكردن به‌ ئاماده‌بونى په‌روه‌ردگار و بیركردنه‌وه‌ له‌ ڕاوه‌ستان به‌رامبه‌ر خودا پێش ئه‌وه‌ى نوێژ ئه‌نجام بده‌ى، ئایا بیرت كردۆته‌وه‌ په‌روه‌ردگارى ئاسمان و زه‌وى بانگت ده‌كات بۆ دیدارى خۆى ؟.
2ـ پێویسته‌ نیه‌ت به‌ته‌واوى ببه‌ستى و مكوڕبیت له‌سه‌ر ته‌ركیز له‌ نوێژه‌كه‌ دا وه‌ خۆت به‌ خوا ببارێزى له‌ وه‌سوه‌سه‌ و ڕاڕایى شه‌یتان .
3ـ ئێمه‌ قسه‌… له‌گه‌ڵ په‌روه‌ردگار ده‌كه‌ین ، ئایا وه‌ها ته‌ماشاى نوێژ ده‌كه‌ین كه‌ به‌سه‌ر شانمان دادراوه‌ و له‌ كۆڵ خۆمان ده‌كه‌ینه‌وه‌ ،بۆ وێنه‌ كاتێ سوره‌تى الفاتحه‌ ده‌خوێنى وا هه‌ست بكه‌ له‌ گفتوگۆیه‌كى تایبه‌ت دایى له‌گه‌ڵ په‌روه‌ردگارت .
4ـ بیركردنه‌وه‌ له‌ ماناى ئه‌و وشانه‌ى ده‌ریده‌بڕى له‌ نوێژدا به‌ به‌كارهێنانى دڵ و عه‌قڵ له‌گه‌ڵ زماندا تا بتوانى (تدبر) له‌ وشه‌كان بكه‌یت و كاریگه‌ریت له‌سه‌ر دابنێ كه‌ ئه‌مه‌ش بریتیه‌ له‌ خشوع وه‌كو خوداى گه‌وره‌ ده‌فه‌رموێت: (الَّذِينَ هُمْ فِي صَلَاتِهِمْ خَاشِعُونَ ).
5ـ سه‌ر به‌رز نه‌كردنه‌وه‌ بۆ ئاسمان چونكه‌ پێغه‌مبه‌ر (صلی الله‌ علیه‌ وسلم) ئه‌فه‌رموێ: (ما بال اقوام یرفعون ابصارهم الى السماء ).
6ـ ئاورنه‌دانه‌وه‌ به‌ملاو به‌ملادا پێغه‌مبه‌ر (صلی الله‌ علیه‌ وسلم) ده‌فه‌رموێ: (إن الله أمركم بالصلاة فإذا صليتم فلا تلتفتوا ، فإن الله تعالى ينصب وجهه لوجه عبده في صلاته ما لم يلتفت).
7ـ باوێشك نه‌هاتن پێغه‌مبه‌ر (صلی الله‌ علیه‌ وسلم) ئه‌فه‌رموێ: ( التثاؤب من الشيطان).
8ـ به‌دواى گومان دا نه‌رۆیشتن ئه‌گه‌ر هه‌ر گومانێكت كرد له‌ ژماره‌ى ركعه‌ته‌كان یان ته‌واوى ده‌ست نوێژه‌كه‌ت ، ئه‌وا له‌سه‌ر یه‌قین برۆ و گوێتى پێ مه‌ده‌ .
9ـ نوێژه‌که‌ت نه‌ به‌بێ ده‌نگى بخوێنه‌و نه‌ به‌ ده‌نگى به‌رز،واته‌ پێویسته‌ گوێت له‌ خۆت ببێته‌وه‌ .(وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ بَيْنَ ذَٰلِكَ سَبِيلًا ).
10ـ له‌سه‌ر خۆبوون له‌ جێ به‌جێ كردنى روكنه‌كان و هه‌ریه‌كه‌یان حه‌قى خۆى پێبده‌ واته‌ په‌له‌ په‌ل مه‌كه‌ له‌ ته‌واو بوونى نوێژه‌كه‌.[/size]

سەرچاوە:ماڵپەڕی مووژدە.