عــه‌زیزم بۆچـــی تۆراوی لــه‌ خۆڕا؟
چ قه‌وماوه‌ ؟ دڵی تۆ بۆچـــی گـۆڕا؟

ئه‌تۆ وا زوو لـــه‌ بیرت كـــردم ئه‌مما
فه‌رامۆشت نه‌كه‌م شه‌رته‌ لــه‌ گۆڕا

له‌ من ڕا خۆ خـه‌تایه‌ك رووی نه‌داوه‌
ئه‌دی بێ مه‌یلی بۆ رووی دا له‌ تۆ ڕا؟

ئه‌سیری كه‌زیه‌ته‌ كۆتری دڵی من
ده‌بێ حاڵی چ بێ كۆتر له‌ تۆڕا ؟

سه‌ر و ماڵ و كه‌ماڵ و بیر و هۆشم
له‌ نه‌ردی عیشقی تۆدا پاكی دۆڕا

له‌ چاوی دێ به‌ خوڕ فرمێسكی خوێنین
كه‌چی ئه‌م گۆمه‌ خوێنه‌ هه‌ڵنه‌چۆڕا

من و لاشه‌ی په‌پووله‌ ماینه‌وه‌ و به‌س
شه‌وی دووری ، شه‌میش تواوه‌ له‌كۆرا

حەزەكەم
سەرێك لەمناڵی بدەمەوە
بچمەوە بۆ ئەو زەمانەی

ژیان لەلام بەقەد كۆڵانەكەمان درێژ بوو.
مانای خوداحافیزی تا بەیانی بوو.

حەزەكەم بچمەوە بۆ ئەو كاتە لەدورەوە
سەیری گەورەيی بكەم و بڵێم حەزم لێت نیە......

كورته چیرۆک
نیشانەكانی ژن و مێردایەتی

- ژن و پیاوێك بە رێگادا دەرۆیشتن، پۆلیسەكان ئەوانیان بینی و بانگیانكردن. لێیان پرسین ئێوە چی یەكترین؟!.
- ژن و پیاوەكە جوابیاندایەوە، ژن و مێردی یەكترین.
- پۆلیسەكان چ بەڵگەنامەیەكتان پێیە تا قسەكەتان بسەلمێنن؟!.
- ژن و مێردەكە ووتیان هیچمان پێنیە.
- پۆلیسەكان: جا ئێمە ئیتر چۆن باوەڕ بكەین ئێوە ژن و مێردن؟!.
- ژن و پیاوەكە ووتیان..
ئێستا بۆتان دەسەلمێنین كە ئێمە ژن و مێردی یەكترین.
یەكەم: ئەوەی كە ئێوە گومانی لێدەكەن دەستیان خستوەتە ناودەستی یەك، ئێمە دەستمان لەناو دەستی یەك نیە كاتێك دەرۆِین بەرێگادا.
دووهەم: ئەوانەی ژن و مێردنین كە دەچن بەرێگادا قسەدەكەن و سەیری یەك دەكەن، ئێمە نە قسەدەكەین و نە سەیری یەك دەكەین.
سێهەم: ئەوانەی ژن و مێردنین لەرێگا بەهەستەوە قسەلەگەڵ یەك دەكەن. بەس ئێمە ئەو هەستەمان نەماوە.
چوارەم: ئەوانەی ژن و مێردنین بەپێكەنینەوە قسە لەگەڵ یەك دەكەن. سەیری ئێمە بكە چەن خەمگینن.
پێنجەم: ئەوانەی ژن و مێردنین كاتێك دەڕۆن بەرێگادا دەنووسێن بەیەكترەوە. سەیری ئێمەیە یەك دونیا دوور لەیەك ئەچین بەرێگاوە. ئەمەش نیشانەیەكی تری ژن و مێردیە.
شەشەم: ئەوانەی ژن و مێردنین لەكاتی پیاسەدا شیرینیەك یان شتێك دەخۆن. بەس ئێمە هیچ ناخۆین.
حەوتەم: ئەوانەی ژن و مێردنین كاتی چونە دەرەوە جوانترین جل و بەرگ لەبەر دەكەن. ئێمەش كاتێك دەچینە دەرەوە كۆنترین جلوبەرگ لەبەر ئەكەین.
هەشتەم...
- پۆلیسەكان ووتیان.
سوپاس زۆر باشە تێگەیشتین ژن و مێردن
بەس برۆن هیچی ترمان ناوێت بۆمان روون بكەنەوە!.

" فاتیمە نیا "
" وەرگێرانی : نەبەز گۆران "

سه‌خترین سه‌ختیه‌کانی ژیان.....
سه‌خترین خه‌ون..ئه‌وه‌یه‌ که‌ ده‌ست پێده‌کات و کۆتای نایه‌ت
سه‌خترین هه‌ڵوێست ئه‌وه‌یه‌ که‌ چاره‌نووسمان به‌ ده‌ست خۆمانه‌وه‌ نه‌بێت،به‌ڵکو به‌ ده‌ست که‌سانێکه‌وه‌ بێت که‌ به‌های شته‌کان نازانن
سه‌خترین کۆتایی..کۆتایی ئه‌و خۆشه‌ویستییه‌یه‌ که‌ ناپاکی تێده‌که‌وێت
سه‌خترین ئافره‌ت..ئه‌و ئافره‌ته‌یه‌ که‌ هه‌رده‌م باسی خۆی ده‌کات و بێزار نابێت
سه‌خترین پیاو..ئه‌و پیاوه‌یه‌ که‌ ئه‌وه‌ی له‌ رووی ده‌رده‌که‌وێت په‌یوه‌ندی به‌ ناخیه‌وه‌ نییه‌
سه‌خترین تاقیکردنه‌وه‌..ئه‌و کاته‌یه‌ که‌ منداڵیکی بچووك پرسیارێکی گه‌وره‌ت لێده‌کات و وه‌ڵامت پێ نییه‌
سه‌خترین بڕیار..له‌به‌ر پێویستی سه‌ر شۆر بکه‌یت
سه‌خترین خۆشه‌ویستی..ئه‌وه‌یه‌ که‌ له‌ کاتی خۆیدا نه‌یه‌ت
سه‌خترین کات..ئه‌و کاته‌یه‌ که‌ نیوه‌که‌ی دیکه‌ت لێت جیا ده‌بێته‌وه‌ و خوازیاریت بگه‌رێته‌وه‌،به‌ڵام مه‌حاڵه‌
سه‌خترین وێنه‌..وێنه‌ی منداڵیکی برسی له‌سه‌ر شۆسته‌یه‌ك.دایکیشی ده‌گری،کۆمه‌ڵگاش به‌زه‌یی نازانێت
سه‌خترین پایه‌..له‌سه‌ر کورسییه‌کی گه‌وره‌ دانیشیت.که‌ ده‌سانێکی شاراوه‌ یاری پێ بکه‌ن ئه‌گه‌ریش هه‌وڵی ره‌تکردنه‌وه‌ت دا،خۆت له‌ ناو زبڵخانه‌ بدۆزیته‌وه‌
سه‌خترین شوێن..کاتێك ده‌گه‌ریته‌وه‌ بۆ ئه‌و ماڵه‌ی له‌گه‌ڵ خۆشه‌ویستاندا تیا بوون،که‌چی ئێستا وێرانه‌یه‌
سه‌خترین بۆن..بۆنی كه سيكه ‌ لێت جیا بوه‌ته‌وه‌ و بووه‌ته‌ یادگاری،که‌چی جار جاره‌ له‌ ئافره‌تێکی دیکه‌وه‌ بۆت بێت که‌ نایناسیت

"خۆشم دەوێی"
بەڵام دەترسم بیڵێم.
دەترسم بیلێم و بڵێی : "سوپاس".
یان بڵێی "مەمنون"
یان هەر شتێکیتر بڵێی جگە لە: "منیش خۆشم دەوێی" . . .

ئه‌ م شه‌ و ژان و ده‌ لاقه‌ ی یار . کۆسپی شعرێکی ڕه‌ شپۆشه‌ .
ئه‌ م شه‌ و دواین شه‌ وی منه‌ و . ئاهه‌ نگی بوکێنی تۆشه‌ .
ئه‌ م شه‌ و شعر سێداره‌ یه‌ و . له‌ گه‌ ردنی من ئاڵاوا .
من ئه‌ خنکێم تۆش کۆچ ئه‌ که‌ ی . بۆ باوه‌ شی تازه‌ زاوا . !!!!!

نیمه‌ هه‌واڵێ له‌ گۆشه‌ی بێکه‌سی دا خه‌م نه‌بێ
چاکه‌ ئه‌و لێره‌ش وه‌فای هه‌ر ماوه‌، سایه‌ی که‌م نه‌بێ

لاپه‌ڕه‌ی ژینم هه‌موو هه‌ڵده‌یته‌وه‌ تێیدا نییه‌
باسی فرمێسک و هه‌ناسه‌ وشیوه‌ن و ماته‌م نه‌بێ

ڕۆژگاری سپڵه‌ بۆ من بۆسه‌یه‌کی نایه‌وه‌
نه‌مدی هه‌ر تیرێکی ده‌یهاوێ، به‌ره‌و سینه‌م نه‌بێ

ڕه‌نجی دووری دلبه‌رم بۆ کوشتنی من کافی یه‌
گه‌ر له‌ دنیادا ئه‌من هیچ مه‌ینه‌تێکی دیکه‌م نه‌بێ

کوا ده‌زانێ چه‌ند په‌رێشان و په‌شێوه‌ حاڵی من ؟
ئه‌و که‌سه‌ی گیرۆده‌یی ئه‌گریجه‌ و په‌رچه‌م نه‌بێ

ڕه‌مزی دڵداری له‌ زینێ فێر نه‌بوو یارم ده‌نا
کوا ئه‌وینداری وه‌فاداری وه‌کو من، مه‌م نه‌بێ ؟

کیژی شاریمان له‌خۆی وه‌رگرتووه‌ چارشێوی ڕه‌ش
داخه‌که‌م نه‌مدی له‌وێ مانگێکی ده‌وره‌ی ته‌م نه‌بێ

شادی جارێکی به‌ میوانی نه‌هاتۆته‌ دڵم
ڕه‌نگه‌ خه‌ڵوه‌تخانه‌یی خه‌م شوێنی نامه‌حره‌م نه‌بێ

خۆم ده‌سووتێنم هه‌تا به‌زمی خه‌ڵک ڕۆشن بکه‌م
کێ له‌ ڕێی خه‌ڵکا وه‌کوو شاعیر ده‌سووتێ، شه‌م نه‌بێ

هێمن

هەتــا ئــاشنــای دڵــت نەبووم
هەمـیشە ئــــازارم ئــەچێشت
بەڵام کـــاتێ کەتــۆم نــــاسی
ووڵاتی خـــەمم بـەجـــێهێشت
هەتـــا گریە لـــە چــاومـــا بــوو
دا ئــەنیشتـم زۆر بـەپـــەستی
سووپـــاس بۆ خــوا کە ئەتوانم
بیسەلـــمێنم خـۆشـەویستی
تـــوانیم بتکەم بــە ئیمپراتـــۆر
بـــەسەر ئـەو دڵــە بێ کەسەم
بتکـــەم بەخـــۆم ببم بـە تــــۆ
ئــەشقت بکەم بـە پێنــــاسەم
بـــۆیــە هیچ کــاتێ مەتــرسـە
دەســـتم دوا نــامە بنــووسێ
دڵـــنیـــــام ئیتر لــە دوای تـــۆ
ئـــاشق نـــابم بەهیچ کەسێ

پەلەی گەورە بوونت نەبێ ڕۆڵە !!!!!چونکە سەختی ژیان ڕێگاکەی هێندە دوورە
!!کە وات لێ ئەکات هیوا بەوە بخوازی هەر مناڵ بوویتایە !!!