"به‌ندكردنی‌ هه‌تاهه‌تایی‌"
ئه‌و بڕیاره‌یه‌ كه‌ كۆتایی‌ هه‌فته‌ی‌ رابردوو دادگای‌ Kieveی‌ ئه‌ڵمانی‌ به‌سه‌ر باوكێكی‌ كورددا سه‌پاندی‌ به‌تاوانی‌ ئه‌وه‌ی‌ فه‌رمانی‌ كوشتنی‌ كچه‌كه‌ی‌ داوه‌ له‌سه‌ر مه‌سه‌له‌ی‌ "ناموس".
"گوڵسوم سینه‌م"ی‌ ته‌مه‌ن 20 ساڵ‌، ئه‌م باوكه‌ كورده‌ كه‌ ناوی‌ "یوسف سینه‌م"ه‌، سیانزه‌ ساڵ‌ له‌مه‌وبه‌ر له‌شاری‌ ماردینی‌ كوردستانی‌ باكوره‌وه‌ له‌تاو جه‌ورو سته‌می‌ توركه‌كان به‌خێزانه‌وه‌ رووده‌كاته‌ ئه‌ڵمانیا، له‌وێ‌ "گوڵسوم سینه‌م"ی‌ كچی‌ له‌قسه‌ی‌ ده‌رئه‌چێ‌‌و نایه‌وێ‌ بیده‌ن به‌كه‌سێكی‌ ناسیاویان‌و لای‌ پۆلیس سكاڵا له‌سه‌ر باوك‌و براكه‌ی‌ تۆمار ده‌كات، پاشان كه‌ گوڵسوم له‌خێزانه‌كه‌ی‌ جیا ده‌بێته‌وه‌و له‌ماڵی‌ خوشكێكیدا ژیان به‌سه‌ر ده‌بات، دوو گیان ده‌بێت، به‌ڵام له‌ترسا كۆرپه‌له‌ پێنج مانگـــه‌كه‌ی‌ به‌نهێنی‌ له‌ئه‌مسته‌ردام له‌بــــارده‌بات.
له‌ئێواره‌یه‌كی‌ دره‌نگوه‌ختی‌ 2ی‌ ئازاری‌ ساڵی‌ رابردوودا، پاش ئه‌وه‌ی‌ باوكی‌ ته‌له‌فۆن بۆ خوشكه‌كه‌ی‌ تری‌ ده‌كات‌و رایده‌سپێرێت چه‌ند شتێكی‌ بۆ بكڕێت له‌ده‌ره‌وه‌، داودی‌ برای‌ هاوڕێیه‌كی‌ به‌ئۆتۆمبێل گوڵسومی‌ ته‌مه‌ن 20 ساڵ‌ ده‌به‌نه‌ دارستانێكی‌ نزیك شارۆچكه‌ی‌ رێسه‌وه‌و دوای‌ خنكاندنی‌، به‌دار سه‌روچاوی‌ به‌ته‌واوی‌ ده‌كوتنه‌وه‌، بۆ ئه‌وه‌ی‌ نه‌ناسرێته‌وه‌.
له‌ 4ی‌ ئازاردا، ته‌رمه‌كه‌ی‌ ده‌دۆزرێته‌وه‌. پۆلیس ده‌ستبه‌جێ‌ باوك‌و براكه‌ی‌ ده‌ستگیر ده‌كات، له‌ لێكۆڵینه‌وه‌ی‌ پۆلیسدا داودی‌ برای‌ دان ئه‌نێت به‌وه‌دا كه‌ به‌فه‌رمانی‌ باوكی‌، "خوشكه‌كه‌ی‌" خۆی‌ كوشتووه‌ له‌سه‌ر مه‌سه‌له‌ی‌ "ناموس".
گیهارد گان گیرمێرن، وته‌بێژی‌ دادگای‌ شاری‌ Kieve (واته‌ ئه‌و دادگایه‌ی‌ بڕیاری‌ حوكمی‌ ئه‌به‌دی‌ به‌سه‌ر باوكی‌ ئه‌م كچه‌ كورده‌دا سه‌پاند)، له‌لێدوانێكدا بەکەناڵی‌ euronewsی‌ راگه‌یاند كه‌ "باوك‌و براكه‌ی‌ له‌سه‌ر ئه‌وه‌ هه‌ستاون به‌كوشتنی‌ كچه‌كه‌یان، كه‌ رازی‌ نه‌بوون به‌وه‌ی‌ به‌شێوه‌یه‌كی‌ ئه‌وروپییانه‌ ژیان به‌سه‌رببات".
له‌به‌رامبه‌ریشدا هانز رینهاردیت، پارێزه‌ری‌ باوك‌و كوڕه‌كه‌ش بەکەناڵەکەی راگه‌یاندووە كه‌ "موه‌كیله‌كه‌م ئه‌وه‌نده‌ به‌دابونه‌ریت‌و به‌هایه‌كی‌ ئه‌خلاقی‌ توند ده‌وره‌دراوه‌، هیچ ده‌رفه‌تێكی‌ بۆ فه‌رامۆشكردن نه‌هێشتووه‌ته‌وه‌، له‌به‌رئه‌وه‌ به‌پێی‌ ئه‌و دابونه‌ریته‌ له‌سه‌ری‌ بووه‌ هه‌ستێ‌ به‌ئه‌نجامدانی‌ ئه‌و كاره‌‌و چاوه‌ڕوانی‌ ئه‌وه‌شی‌ لێده‌كرا".
ئه‌مه‌ چه‌ندین جاره‌ وڵاتانی‌ ئه‌وروپا له‌سه‌ده‌ی‌ بیست‌و یه‌كدا ده‌بنه‌ شانۆی‌ دووباره‌بوونه‌وه‌ی‌ ئه‌م جۆره‌ كارانه‌و به‌شێك له‌ڕه‌وه‌ندی‌ كورد له‌سه‌ر مه‌سه‌له‌ی‌ "ناموس" فه‌رمانی‌ كوشتنی‌ كچه‌كانیان یان خوشكه‌كانیان به‌كارێكی‌ ره‌وا ده‌زانن.

چ زوبوو له‌م پاییزی یه‌ ئاڵتونی یه‌دا به‌جێت هێشتین ئه‌م مه‌رگه‌ی له‌ناکاو بوو، په‌له‌ت چیبوو به‌ جوانی یه‌که‌ی خۆت جوانه‌مه‌رگ بوویت، خۆ تۆ تازه‌ له‌ پێشوازی شکۆفه‌ ڕه‌نگاڵه‌کانی ژیان بوویت، چاوه‌ڕیی یه‌که‌مین نمه‌بارانی ئه‌م پایزییه‌ بوویت، په‌له‌ت چی بوو هاوڕێکه‌م بۆ واده‌ی مه‌رگی تۆ نه‌بوو، ئه‌ی ئاسکه‌که‌ی ده‌شتی هه‌ولێر ئه‌ی پادشای ڕۆحه‌پاکه‌کانی زه‌مه‌ن، ده‌نگت له‌ گمه‌ی کۆتره‌کانی سێتاقان وته‌یراوا و شێخه‌ڵا ده‌چوو ڕه‌نگت گه‌ش و جوان وه‌ک دارتووه‌کانی هه‌ورامان، ئه‌وینت زۆربوو بۆ کوردستان وه‌ک دایکێکی چاوه‌ڕوان بۆ ڕوفاتی ڕۆڵه‌که‌ی خه‌مه‌کانی هێنده‌ گه‌وره‌بوون به‌قه‌د هه‌ڵه‌بجه‌ و گه‌رمیان بۆیه‌ وازوو ئێمه‌ت به‌جێهێشت،، ڕۆحت له‌سه‌ر ئه‌سمان له‌ته‌ک عیسای کوڕی خوا سه‌ما ئه‌کات،میرات و مه‌رده‌ڵاوه‌کانت بۆ ئێمه‌ت‌ به‌چێهێشت، ئێستا گۆڕستانه‌کانی چراغ و شێخ ئۆمه‌ر و شیخه‌ڵا سنگی خۆیان بۆ تۆ کردۆته‌وه‌ چاوه‌ڕوانی ته‌رمی پیرۆزی تۆن،، دایکه‌ جگه‌ر سوتاوه‌که‌ت ئارامی ئۆقره‌یی ته‌واوی لێبڕاوه‌، چما لۆ زوو ده‌ڕۆیته‌وه‌ لۆ خاکی گۆڕستانه‌کان؟؟ ئه‌دی ئه‌تۆ چاوه‌ڕوانی گه‌ڕانه‌وه‌ی ئه‌نفاله‌کان ناکه‌یت،، خاره‌ گیان هه‌ر ئه‌ڕۆیت ئه‌ڕۆیت ئێمه‌ باشده‌زانین به‌ دیداری مامه‌ قاله‌ مه‌ڕه‌ ئاشنا ئه‌بیت{ ئه‌وه‌نده‌م بیست له‌ مۆسیقا و خرۆشی ڕۆحی بێگانه‌،، میزاجی کورده‌واریم تێکچووه‌ ده‌روێش عه‌بدووڵا........} به‌ مامه‌ قاله‌ بێژه‌ من ئه‌رده‌ڵانم و هه‌گبه‌ی مه‌رگێکی ئاڵتوونی ئاسکه‌کانی ده‌شتی هه‌ولێرم،، قاله‌ مه‌ڕه‌ ئه‌وه‌نده‌م بیست له‌ مۆسیقای ته‌ره‌ب و بێگانه‌ میزاجی کورده‌واریم تێک چووه‌، مامه‌ قاله‌ توخوا به‌و ده‌ست و په‌نجه‌ جوانه‌ شه‌پۆلی زه‌وقی پڕ میللیم بکه‌،، له‌ بیتهۆڤن گه‌ڵیک به‌ ڕۆحت ئاشنام وه‌ڵڵا،، به‌ هۆسه‌و قه‌ڵه‌باڵخی و مه‌زاتی هونه‌ری گۆرانی کوردستان گه‌لێک بێزارم وه‌ڵڵا بۆیه‌ ئێستا خۆمم نه‌گرت و هاتمه‌ حزورتان،، ئه‌ی کوڕه‌ ده‌م به‌ پێکه‌نی نه‌که‌ی کوردستان،،ئه‌ی ڕۆحه‌ پاکه‌که‌ی هانده‌ران، ئه‌ی ناسک و جوان وه‌ک شینپۆشی که‌مانچه‌ژه‌نه‌ی شێرکۆ بێکه‌س، ئه‌ی جوانترین چاو له‌ چاوه‌ڕوانیت وه‌ک دایکی شه‌هیدان،، دواجار من و تۆ له‌ { شیستا } یه‌کترمان بینی، من به‌ تۆم وت ئه‌ی ئه‌وکه‌سه‌ی هه‌موڕۆژێک لێره‌دا له‌ چاوه‌ڕوانیدایت، ئه‌تۆ چی ده‌یکه‌یت لێروکانه‌؟؟{ شیستا } تابووتی چراخان وازت له‌م زاته‌ نه‌هێنا هه‌تا دواماڵئاوایی لێکردین، ئه‌رده‌ڵان گیان بیرمه‌ به‌ منت وت بیری 5000 په‌پوله‌ی هه‌ڵه‌بجه‌ ئه‌که‌م چاوه‌ڕیی ڕۆحیانه‌تی ڕوفاتی ئه‌نفاله‌کان ئه‌که‌م ،، زۆر چاوه‌ڕێت کرد،، ئاخۆ تۆ بڵێی گۆزه‌کان به‌شانی کچه‌ عازه‌به‌کانه‌وه‌ له‌ کانی بێنه‌وه‌؟ که‌ستان هه‌رنه‌هاتنه‌وه‌ هه‌تا ئه‌رده‌ڵڵانه‌که‌ی سێتاقان بێزاربوو له‌م ژیان و تاریکستانه‌ی گه‌ردوونه‌ بۆیه‌ وازوو دواماڵئایی لێکردین،، ڕۆحت به‌ ڕۆحی په‌پۆله‌کانی هه‌ڵه‌بجه‌ شاد بێت، ئه‌م مه‌رگه‌ت مه‌رگێکه‌ جوانتر له‌ ئاڵتوون، ئه‌ی ئاسکه‌که‌ی پێده‌شتی هه‌ولێر به‌ نیازی دیدار هاکا زوو ئێمه‌ش هاتین بۆلات.
فه‌لاح ئه‌حمه‌د