بابه‌ت: خۆراك و جوانیی پێست
[size=16]
سافترین و جوانترین پێستی دەموچاو هەرگیز بە هۆی داوودەرمان و بەكارهێنانی ئاوێتەكانی جوانكارییەوە نییە، بەڵكو لە ئەنجامی پەیڕەوكردنی ستایلێكی خۆراكی رێك و پێكدایە، بێگومان ئەمە سەرەڕای تەندروستییەكی باشی لەش و دەروون، گەلێك خۆراك یارمەتی جوانیی و سافبوونی پێست دەدەن لەمانە:
جگەر:دەوڵەمەندە بە گەلێك مادەی خۆراكی كە رەونەقی پێست جوانتر دەكەن بە تایبەتی ڤیتامین C و ئەو پرۆتینانەی كە پێویستن بۆ گەشەی شانەكان، لەگەڵ كانزای كالسیۆم و ڤیتامین A كە گرنگییەكی بێ پایانی هەیە لە بەهێزكردن و تەندروستیی چاو و پێست و قژدا، هەروەها كۆمەڵەی ڤیتامین B و كانزای ئاسن كە یەكجار گرنگە لە جوانیی پێستدا.
هێلكە: بڕێكی باشی ڤیتامین A تێدایە كە گرنگە بۆ پاراستنی پێست لە وشكبوون و بریقەی قژدا، هەروەها كانزای ئاسنی تێدایە كە پێویستە بۆ خۆپاراستن لە كەمخوێنی و هێشتنەوەی رەنگی پەمەیی پێست. هەروەها پرۆتین و كۆمەڵەی ڤیتامین B كە گرنگن لە كرداری نوێبوونەوەی خانەكانی پێستدا.
قەرنابیت: زۆر گرنگە بۆ پاراستنی جوانیی پێست چونكە زۆربەی مادە گرنگەكانی تێدایە بە تایبەتی ڤیتامین Aو ڤیتامین C كە پێویستن بۆ سەلامەتی پێست و ددان و پوك، هەروەها بڕێكی باشی لە ریشاڵی خۆراكی تێدایە كە یارمەتی دەربازبوونی لەش لە پاشەڕۆكان دەدات، سەرەڕای بڕێكی باش لە كانزای ئاسن.
پەتاتە: گرنگە بۆ سافكردنی پێست و پاراستنی رەونەقی چاو و قژ، پەتاتە مادەی گرنگ لەخۆدەگرێ وەكو: ڤیتامین A، ڤیتامین C، ئاسن، كالسیۆم، پۆتاسیۆم.
نان:زۆر كەس وایان بیستووە كە خواردنی نان مرۆڤ قەڵەو دەكات بۆیە نایخۆن یان بە كەمی دەیخۆن، بەڵام شارەزایان وای دەبینن كە خواردنی كاربۆهیدرات زۆر گرنگە وەكو سەرچاوەیەكی هەرزانی وزە جگە لەمەش، نان كۆمەڵەی ڤیتامین B لەخۆدەگرێ كە رۆڵی هەیە لە سافكردنی پێست و كۆنترۆلكردنی ئاستی شەكری خوێن.
فەرەنگی(فەراولە): میوەیەكی گرنگە ڤیتامین C تێدایە و رۆڵێكی گەورەی هەیە لە دروستبوونی پرۆتین كۆلاجین Collagen كە زۆر گرنگە بۆ پاراستنی نەرمی و توندیی پێست و دژی خاوبوونەوە و سستبوونی پێست كاردەكات.
ئاو:پێست حەزی لە دەورووبەرێكی تەڕە، بۆیە زیاد خواردنەوەی ئاو زۆر گرنگە بۆ سافكردنەوەی پێست.
سەوزە و میوەكانی تر: زۆربەی زۆری جۆرەكانی سەوزە و میوە رێژەیەكی بەرزی ئاویان تێدایە لەگەڵ رێژەیەكی بەرچاوی ریشاڵی رووەكی، جگە لە جۆرەها ڤیتامین و كانزا، بۆیە خواردنیان گرنگی یەكجار زۆری هەیە بۆ پاراستنی سافی و لاستیكیی پێست.
گولان [/size]
یــــــــــــــــان
彡♥彡彡♥彡彡♥彡彡♥彡彡♥彡彡♥彡彡♥彡彡♥彡彡♥彡彡♥彡彡♥彡彡♥彡