[size=16]              ئــه هـريمــــــــــــه ن و فــــــريشـــــــــــته كـــــــــه م

ئه‌و:
 
ئه‌و له‌ زه‌رده‌ی

 
ئێواره‌یه‌کی تاڵ ده‌چوو

 
هه‌ر که‌ده‌هات

 
ڕووناکایی

 
له‌ که‌ناری زه‌ریای ژیانم نه‌ده‌ما

   
تۆ:

 
له‌و ده‌م که‌له‌ی سه‌ر شاخی

 
گۆیژه‌ ده‌چی

 
که‌ خۆر له‌وێوه‌ هه‌ڵده‌هات

 
به‌ بزه‌یه‌ک شه‌به‌ق تروسکه‌م تێده‌که‌وت

 
تا ده‌هات و ده‌مایته‌وه‌

 
ژینم ده‌بوو

 
به‌ ڕۆژێکی خۆره‌تاو و

 
بێ هه‌ور و ته‌م و ڕه‌شه‌با .

   
ئه‌و:

 
له‌ تۆفان و زریانی

 
که‌ناره‌کانی باشوری ئاسیا ده‌چوو

 
هه‌ر که‌ده‌هات

 
کاره‌ساتێ وه‌ک سونامی

 
له‌ ده‌رونمدا ڕووی ده‌دا

   
تۆ:

 
به‌ڵام تۆ وه‌ک

 
سه‌ره‌تای مانگی نه‌ورۆزی

 
هه‌ر که‌ هاتی

 
دره‌ختی هه‌ستم پشکوت و

 
وشه‌م گوڵ و گه‌ڵای گرت  و

 
گژو گیای شیعر و هۆنراوه‌م

 
گشت سه‌رزه‌مینی گرته‌وه‌

   
ئه‌و:

 
له‌ شه‌رابی تاڵ ده‌چوو

 
هه‌م حه‌رام و هه‌م تاڵ و تورت

 
که‌ده‌که‌وته‌ سه‌ر زمانم

 
بێهه‌ست و بێئاگا ده‌بووم

   
تۆ:

 
له‌ ئاوی زه‌مزه‌م ده‌چی

 
که‌ ده‌ڕژێیته‌

 
ناو گیانمه‌وه‌

 
پیرۆز ده‌بم

   
ئه‌و:

له‌ هه‌ورێکی ڕه‌ش ده‌چوو

 
کاتێ ده‌هات

 
پیته‌کانی شیعره‌کانم لێ وون ده‌بوو

   
تۆ:

 
چرایه‌کی ڕووناکی

 
ووشه‌م وه‌کو په‌پوله‌ن

 
له‌ده‌وری تۆ

 
دوو دوو له‌یه‌کتر جوت ده‌بن

     
ئه‌و:

 
یارییه‌کی شێتانه‌ی

 
به‌ میکانۆی

 
ئه‌م دڵه‌ ناسکه‌م ده‌کرد

 
هه‌رکاتێ مه‌یلی نه‌بوایه‌

 
ده‌روونمی خاپور ده‌کرد

   
تۆ :

 
به‌ننایه‌کی ده‌ست ڕه‌نگین

 
هاتی هه‌موو وێرانه‌ی ئه‌م ژیانه‌مت

 
ئاوه‌دان کرد

                                        رامــــــــــــــــان

خوازيارم جيكاى ره زامه ندى هه مووان بى[/size]