بابه‌ت: شاجوانێك به درۆ!
[size=24]شاجوانێك به درۆ!
له ناوچه‌ى كۆرنویلی سه‌ر به وڵاتى به‌ریتانیا، ئافرتێك له هۆڵێكى تایبه‌تدا، چه‌ندین كچۆڵه‌ى جوانى كۆكرده‌وه، كه ته‌مه‌نیان له 17 ساڵ بۆ 27 ساڵ ده‌بوو، به مه‌به‌ستى ئه‌نجامدانی پێشبرِكێیه‌ك، كه ئه‌ویش هه‌ڵبژاردنى جوانترین ئافره‌تی ئه‌م ناوچه‌یه‌یه، ئه‌و ئافره‌ته ناوى (لورا ئه‌نیس)ه، ته‌مه‌نى 27 ساڵه، دواى ته‌واوبوونى پێشبرِكێیه‌كه ده‌ركه‌وت، كه هیچ لایه‌نێكى په‌یوه‌ندیدار ئه‌و پێشبرِكێیه‌یان ئه‌نجامنه‌داوه و ئه‌و ئافره‌ته له‌خۆیه‌وه كچۆڵه‌كانى كۆكردۆته‌وه و سه‌ر ئه‌نجام خۆشى وه‌ك جوانترین ئافره‌ت ده‌ستنیشانكردووه، له‌مباره‌یه‌وه رۆژنامه‌ى (ده‌یلى میل)ی به‌ریتانى بڵاویكرده‌وه، كه ئه‌و ئافره‌ته به شێوه‌یه‌كى ساخته له ناوچه‌ى كۆرنویل خۆى ده‌ستنیشانكردووه، وه‌ك جوانترین ئافره‌تى ناوچه‌كه، چه‌ندینجار له پێشبرِكان خۆى هه‌ڵبژاردووه، به‌ڵام هیچ كات نه‌یتوانیووه تاجى شاجوانى به‌ریتانیا له‌سه‌ر نێت، هۆكارى ئه‌و هه‌وڵه نارِاسته‌ش ئه‌وه‌یه، كه ئێستا بێ ئومێدبووه، له به‌شداریكردن له پێشبرِكێكانی ده‌ستنیشانكردنی شاجوانى ساڵى 2010، چونكه له ماوه‌ى سێ ساڵى رابردوو، نه‌یتوانی پله‌ى چواره‌میش له‌م پێشبرِكێیه به‌ده‌ستبهێنێت.
تایبه‌ت به یانه‌ى سه‌رهه‌نگ موحسین [/size]
