بەمەزەندەی خەبیرەكانی بواری پەلە نەكردن و جارێ زووە، و بە ئەقڵی تادرەنگ بێت باشترە، دوای ئەوەی پێكهێنانی حكومەتی عێراقی لە ناو كوپەی ئیجتماعاتی موجامەلەدا بەتەواوی ترشاوە، پێشبینی دەكرێت حسابی شەرابی بۆ بكەن و هەتا درەنگ پێكی بێنن و پێكی لێدەن خۆشتر بێت..

• بەمەزەندەی شارەزایانی مەجالی مرووری وەرەوبڕۆ، دوای ئەوەی كارەبای كەركووك بووەتە باشترین ترافیك لایت و بەسەرە دێت و ئەڕوا، پێشبینی دەكرێت دائیرەی كارەباو دائرەی مرووری كەركووك ئاخیرەكەی عەیب نەبێت بیگۆڕنەوە ...

• بەمەزەندەی حەكیمەكانی حیكمەتی پارە، دوای ئەوەی لە چەند خەستەخانەیەكی ئەهلی مانەوەی نەخۆش بۆ شەوێك گەیشتووەتە نزیكەی یەك ملیۆن دینار، هەر بە تۆبزی هەناسەیەك لە نەخۆشدا ئەهێڵنەوە هەتا درەنگ بمرێت قازانجەكەی باشترە، چاوەروان دەكرێت ماوەیەكی تر مۆمیایان بكەن و بەكەسوكاریان بڵێن ماوە، هەتا زووتر ببنە فرعەون..!

• بەمەزەندەی عاشقەكانی بۆنی تكەو پارووی كەباب و بە ئەقڵی ئاگركەرەوەو ئاگر كوژێنەوەكان، پاش ئەوەی دەركەوت هەر شیشێك تكە هێكتارێك ئەسوتێنێ، لەوانەیە ماوەیەكی تر كیلۆیەك گۆشت بە تەنێك دووكەڵی شاخ بفرۆشرێت و بەرخێكیش بە حەریقێك!!