بابه‌ت: لـه‌جێی پـاسۆرد، بـه تیشـكـی چـاو كۆمپیوته‌ره‌كه‌ت بۆ ده‌كاته‌وه
كۆمپانیایه‌كی ئه‌مه‌ریكی سه‌قاڵی په‌ره‌پێدانی به‌رنامه‌یه‌كی تایبه‌ته له بواری كردنه‌وه‌و داخستنی فایله كانی ناو كۆمپیوته‌ردا، به‌رنامه‌كه‌ش له‌بواری پاسۆردادیه و ئه‌و به‌رنامه نوێیه به سه‌یركردن فایله هه‌ڵگیراوه‌كانی ناو كۆمپیوته‌ر ده‌كاته‌وه، به‌رنامه‌كه به(Eye Lock)و له ئامێرێكی تایبه‌تیدایه و به‌كۆمپیوته‌ره‌كه‌وه ده‌به‌سترێت، له‌كاتی به‌كارهێنانی كۆمپیوته‌ره‌كه‌دا به‌كارهێنه‌ر و خاوه‌نی كۆمپیوته‌ره‌كه سه‌یری ئه‌و ئامێره‌ده‌كات و ئامێره‌كه‌ش نیگاو تیشكی چاوی به‌كارهێنه‌ره‌كه ده‌ناسێته‌وه‌و رێگای چوونه ناو سیسته‌مه‌كه‌ی پێده‌دات، خاوه‌نی كۆمپانیای ترایسی هوش رایگه‌یاند: ئه‌م داهێنانه به‌كارهێنه‌رانی كۆمپیوته رزگار ده‌كات له هه‌ڵگرتن و پاراستنی ده‌یان كۆد و پاسۆرد، ئه‌و به‌ڕێوه‌به‌ره وتیشی: ئه‌م ئامێره نوێیه تایبه‌ته به ده‌زگاكانی ده‌وڵه‌ت، به‌لاَم له‌كاتی ته‌واوبوونیدا وه‌ك ده‌ستكه‌وتێكی نوێی زانستی راده‌گه‌یه‌نرێت.
به‌ڕێوه‌به‌ری كۆمپانیاكه راشیگه‌یاند: چاوه‌ڕوان ده‌كرێت له‌داهاتوویه‌كی نزیكدا هه‌مان به‌رنامه و ئامێر له‌بواری مۆبایلدا دابمه‌زرێنین. ئه‌وه‌ی جێگای سه‌رنجه ئه‌م ئامێرو به‌رنامه‌یه له‌پاش مردنی به‌كارهێنه‌ره‌كه‌ی كه‌سی تر ناتوانیت به‌كاری بهێنێت، به‌وه‌ش نهێنییه‌كانی به‌كارهێنه‌ره‌كه‌ی پارێزراو ده‌بن، به‌ڵام له‌گه‌ڵ مردنی كه‌سه‌ی به‌كارهێنه‌ردا كۆمپیوته‌ره‌كه‌ش ده‌مرێت.
