بابه‌ت: وه‌رزشی - مۆندیالی به‌رازیل .. پازده هه‌ڵبژارده گه‌یشتنه قۆناغی سێیه‌م
وه‌رزشی - مۆندیالی به‌رازیل .. پازده هه‌ڵبژارده گه‌یشتنه قۆناغی سێیه‌م
(PNA) - ئه‌مرِۆ (پێنجشه‌ممه) 28ی ته‌مموز/یۆلیۆ یارییه‌كانی هاتنی قۆناغی دووه‌می پاڵاوتنه‌كانی كیشوه‌ری ئاسیا مۆندیالی 2014ی به‌رازیل له تۆپی پێ به‌رِێوه‌چوو.
پاش ته‌واوبوونی یارییه‌كان، 15 هه‌ڵبژارده گه‌یشته قۆناغی سێیه‌م، هه‌ڵبژارده‌كان بریتین له (عێراق، سعودییه، عه‌ممان، ئوردن، سوریا، كوێت، قه‌ته‌ر، لوبنان، سه‌نگافوره، ئۆزبه‌كستان، چین، تایلاند، ئه‌ندونیسیا، سه‌نگافوره، ئێران.
جێی باسه، له قۆناغی سێیه‌م هه‌ڵبژارده سه‌ركه‌وتووه‌كان به‌سه‌ر چوار ئاستدا دابه‌ش ده‌كرێن، هه‌ر ئاستێك پێنج هه‌ڵبژارده، له‌گه‌ڵ هه‌ڵبژارده‌كانی ژاپۆن و كۆریای باوور و كۆریای باكوور و ئوسترالیا و به‌حره‌ین ده‌بنه 20 هه‌ڵبژارده و به‌سه‌ر پێنج گرووپدا دابه‌ش ده‌كرێن، هه‌ر گرووپێك 4 هه‌ڵبژارده.
یارییه‌كانی گرووپه‌كان به‌شێوه‌ی خوا (هاتن و چوون) ئه‌نجام ده‌درێ و یه‌كه‌م و دووه‌می گرووپه‌كان سه‌رده‌كه‌ون بۆ قۆناغی چواره‌م، واته 10 هه‌ڵبژارده، هه‌ڵبژارده‌كانی قۆناغی چواره‌م كه به كۆتاییه‌كان ده‌ژمێردرێ و به سیسته‌می خوی (هاتن و چوون) به‌رِێوه‌ده‌چێ، دابه‌ش ده‌كرێنه سه‌ر دوو گرووپ، هه‌ر گرووپ و پێنج هه‌ڵبژارده، یه‌كه‌م و دووه‌می هه‌ردوو گرووپ راسته‌وخۆ ده‌گه‌نه كۆتاییه‌كانی مۆندیالی 2014 كه به‌رازیل میوانداری ده‌كات، سێیه‌می هه‌ردوو گرووپ له پاشكۆی ئاسیا له دوو یاری (هاتن و چوون) به‌یه‌ك ده‌گه‌ن و براوه‌یان له‌گه‌ڵ پاڵه‌وانی ئۆقۆانوسیا له دوو یاری به‌یه‌ك ده‌گه‌ن و براوه‌ی ئه‌م دوو یارییه ده‌گاته كۆتاییه‌كان.
[/center]