بابه‌ت: ئەیووب ئۆدیشۆ نێزیكترە لە وەرگرتنی ئەركی راهێنانی هەڵبژاردەی تۆپی پێی عێراق
(ئاكانیوز)- چەند سەرچاوەیەكی نێزیك لە یەكەتیی ناوەندیی تۆپی پێی عێراق رایان گەیاند، ئەیووب ئۆدیشۆی راهێنەری یانەی هەولێر بۆ تۆپی پێی زیاترین چانسی هەیە بۆ وەرگرتنی ئەركی راهێنانی هەڵبژاردەی تۆپی پێی عێراق، لە كاتی بەڕێوەچوونی یارییەكانی پاڵاوتن بۆ كۆتاكانی جامی جیهانی 2014 كە مانگی داهاتوو بەڕووبەڕووبوونەوەی عێراق لەگەڵ هەڵبژاردەی ئوردن لە هەولێر دەست پێ دەكاتەوە.
بەپێی هەواڵێكی رۆژنامەی "سەباحی وەرزشی"ی عێراقی چاوەڕوان دەكرێ ئەمڕۆ پێنجشەم یەكەتیی ناوەندیی تۆپی پێی عێراق بەڕەسمی ناوی راهێنەری هەڵبژاردەی عێراق دیاری بكات، دوای نوێ نەكردنەوەی بۆندی سیدكای راهێنەری ئەڵمانیایی بەهۆی ئەنجامە لاوازەكانی بەدەستی هێنا.
لای خۆیەوە قادر شەمخی ئەندامی یەكەتیی تۆپی پێی عێراق بەرۆژنامەكەی راگەیاند، ئێوارەی دوێنێ ئەندامانی یەكەتییەكە كۆبوونەوە و پرسی دیاریكردنی راهێنەری هەڵبژاردەی تۆپی پێی عێراقیان تاوتوێ كرد و ئاماژەی كرد، خواستەكان بەرەو دیاریكردنی راهێنەرێكی ناوەخۆیی بۆ هەڵبژاردەكە دەچێ و ئەو ناوانەشی كە پاڵاوكن بۆ ئەركەكە عەدنان دەرجال راهێنەری یانەی وەكرەی قەتەری، یەحیا عەلوان، باسم قاسم راهێنەری یانەی زاخۆ و ئەیووب ئۆدیشۆی راهێنەری یانەی هەولێر.
تۆش ناتەوێ بۆ من بژی
شەرتە یا ئەبێ بۆ من بی
یا بە دەستی خۆت بمکوژی[/center]
