بابه‌ت: سوبی مریشک بۆ ئێواره
[size=16]
________
ئاشكرایه مریشك یه‌كێكه له ژه‌مه سه‌ره‌كی و پێویستیه‌كانی چێشتخانه، كه‌ده‌توانرێت به‌چه‌ندین جۆر ئاماده بكرێت، له‌مانگی ڕه‌مه‌زانی پیرۆزیشدا كابانی ماڵ به‌دوای جوانترین‌و خۆشترین خواردندا ده‌گه‌ڕێت كه پێشكه‌شی خێزانه‌كه‌ی بكات له‌كاتی به‌ربانگدایه‌كێكیش له خواردنه سه‌ره‌كیه‌كانی به‌ربانگ سوپ یان شۆربایه، چوكه پاش ڕۆژووگرتنی چه‌ند سه‌عاتێك، شۆربا پێویسته بخورێت تا گه‌ده گه‌رم بكات‌و ئاماده‌ی بكات بۆ خواردنی تر.
لێره‌دا جۆرێك له شۆربای مریشك ده‌خه‌ینه به‌رده‌ست كابانی ماڵ:
پێویستیه‌كانی:
-پیازێكی مامناوه‌ندی ورد جنراو
-دوو گێزه‌ری به‌ئه‌ڵقه جنراو
-یه‌ك كه‌وچك ڕۆن
-10-12 پارچه ڕانی مریشكی ورد كراو.
-دوو بیبه‌ری بچوكی جنراو.
-یه‌ك كه‌وچكی بچوك بیبه‌ری هاڕراو
-یه‌ك كه‌وچك ئارد
-دوو وه‌ره‌قی غاز
-یه‌ك كه‌وچك دۆشاوی ته‌ماته
-دووپاكه‌ت ئاوی مریشك (ماجی)
-دوو كوپ ئاو
-دووكه‌وچك مه‌عده‌نوسی ورد جنراو
ئاماده‌كردنی:
-ڕِۆنه‌كه له مه‌نجه‌ڵێكدا گه‌رمده‌كرێت، پارچه مریشكه‌كانی تێده‌كرێت‌و سور ده‌كرێته‌وه، دواتر ده‌رده‌هێنرێت‌و به‌جیا داده‌نرێت.
-پاشان پیازو بیبه‌رو گێزه‌ره‌كه ده‌كرێته ناو مه‌نجه‌ڵه‌كه‌و ماوه‌ی 5 ده‌قیقه سور ده‌كرێته‌وه.
-دواتر بیبه‌ره هاڕراوه‌كه‌و دۆشاوی ته‌ماته‌و ئاردو وه‌ره‌قی غازه‌كه‌ی تێده‌كرێت‌و كه‌مێك سورد ده‌كرێته‌وه.
-پارچه ئاوی مریشكه‌كان (ماجی) له‌ناو ئاوه‌كه‌دا ده‌تونرێته‌وه‌و تێكه‌ڵی كه‌ره‌سته سوركراوه‌كان ده‌كرێت.
-له‌كۆتاییدا پارچه مریشكه سوركراوه‌كان ده‌كرێته ناو مه‌نجه‌ڵه‌كه‌وه‌و ئاگره‌كه‌ی بۆ كز ده‌كرێت تاماوه‌ی نیو سه‌عات ده‌كوڵێنرێت.
-كه‌ئاماده بوو ده‌كرێته قاپێكه‌وه‌و كه‌مێك له‌مه‌عده‌نوسه جنراوه‌كه ده‌كرێت به‌سه‌ر سوپه‌كه‌داو پێشكه‌ش ده‌كرێت.[/size]
خەو.. خۆراک.. خەیاڵ.. بیرکردنەوە و هۆش
پێم بڵی کەی دەبمەوە خاوەنیان !![/center]
ده ست خوش
