بابه‌ت: فیلمێك، باتمان و سوپه‌رمان كۆده‌كاته‌وه...godar501
به‌رهه‌مهێنه‌رانی فیلمی باتمان، به نیازن دوو كاراكته‌ری ناوداری چیرۆكه وێنه‌ییه‌كان "باتمان و سوپه‌رمان" له فیلمێكی سینه‌ماییدا به‌یه‌ك بگه‌یه‌نن.
به گوێره‌ی هه‌واڵی ماڵپه‌ڕی "فارس نیوز"، ئه‌م فیلمه كه هێشتا ناوی بۆ دیاری نه‌كراوه، باس له ڕووداوی تازه ده‌كات كه تائێستا له زنجیره فیلمه‌كانی باتمان و سوپه‌رماندا نه‌بینراون.
به‌رپرسانی كۆمپانیای برایانی وارنێرز، ئه‌م فیلمه به یه‌كێك له گه‌وره‌ترین پڕۆژه سینه‌ماییه‌كانی خۆیان هه‌ژمار ده‌كه‌ن و له هه‌وڵدان تاوه‌كو "كریستیه‌ن بێل" ڕازیبكه‌ن بۆ ڕۆڵگێڕان له فیلمه‌كه‌دا.
بێل، له سێ به‌شی پێشووی باتماندا، ڕۆڵی سه‌ره‌كی گێڕاوه.
كریستیه‌ن بێل كه سه‌رقاڵی ڕۆڵگێڕانه له دوایین دیمه‌نه‌كانی به‌شی سێیه‌می ئه‌م زنجیره سینه‌ماییه‌دا، ماوه‌یه‌ك پێش ئێستا، ڕایگه‌یاند كه له‌مه‌ودوا له هیچ فیلمێكدا به پۆشاكی پیاوی شه‌مشه‌مه‌كوێره ده‌رناكه‌وێته‌وه.
ئه‌گه‌ر كریستیه‌ن بێل ڕۆڵی باتمان له‌م فیلمه‌دا قبوڵ نه‌كات، به‌رهه‌مهێنه‌ران ناچارده‌بن ئه‌كته‌رێكی گه‌نجی دیكه هه‌ڵبژێرن.
سه‌رچاوه نزیكه‌كان له كۆمپانیای برایانی وارنێرز باس له‌وه ده‌كه‌ن كه ئه‌م كۆمپانیایه دوو چیرۆكی جیاوازی هه‌یه بۆ فیلمه‌كه و تائێستا بڕیاریان نه‌داوه كامیان بۆ وێگرتن هه‌ڵبژێرن.
به‌من بڵێ پێش له‌دایك بوونت له‌كوێ بوی , تا پێت
بڵێم دوای مردنت له‌كوێ ده‌بیت....!
"شۆپنهاوەر"[/size]
