[size=16]ئونای ئێمری ڕاهێنەری ڤالێنسیا باوەڕی بە تیمەکەی هەیە کە بتوانێت شکست بە بەرشلۆنە بهێنێت.
بە بردنەوە ١-٠ لە سپۆرتینگ گیخۆن لەم هەفتەیەدا، ڕاهێنەرە تەمەن ٣٩ ساڵانەکە هیوادارە یاریزانەکانی بتوانن باشتر پێگەکەیان قایم بکەن کاتێک پێشوازیی لە یانە کاتەلانییەکە دەکەن.
“یەکەم شت کە پێویستە ئێمە بیکەن ئەوەیە باوەڕ بە تواناکانی خۆمان بکەین. دووە شت ئەوەیە وا بیر بکەینەوە کە توانای بردنەوەی یارییەکەمان هەیە،” ئێمری دەربارەی یارییەکە وای بە وێبگەی فەرمیی یانەکەی گوت.

“ئێمە بە باوەڕێکی پتەوەوە ئەو یارییە ئەنجام دەدەین و دەبێت لە خۆمان ڕاببینین کە توانای سەرکەوتنمان هەیە، بەڵام دەتوانین ئەوەش بە کرداریی بەجێ بهێنین. دەتوانین ئەنجامی بدەین، ئێمە متمانەمان بەخۆمان هەیە و ئێستاش کاتی ئەوە هاتووە دەریبخەین.”
دواتر دەربارەی بەرشلۆنە گوتی:” مێسی باشترین یاریزانە لە جیهاندا و بەرشلۆنەش باشترین یانەیە لە جیهاندا.”

“گواردیۆلا بەشێوەیەکی زۆر نایاب پێشڕەویی تیمەکەی کردووە، بەڵام ئێمە دەبێت بۆ کەلێنەکانی ئەوان بگەڕێین، وە دەیاندۆزینەوە، چونکە ئەوان کەلێنی کەم لە پێکهاتە و فەلسەفەی یارییکردنیاندا هەیە. ئێمە دەبێت بەجۆرێک یاریی بکەین کە کەلێن و ناتەواییەکانی ئەوان دەربکەون، ئەوەش ڕێگە بۆ یاریزانەکانمان خۆش دەکات باشتر بجەنگن لە نێو یاریگادا.

یاریگا[/size]