بابه‌ت: له یاریه‌كى دۆستانه‌دا هه‌ولێر گۆڵبارانى نه‌فتى كرد
له درێژه‌ى ئه‌و كه‌مپه مه‌شق و راهێنانه‌ى كه یانه‌ى نه‌فت ماوه‌ى چه‌ند رۆژێكه له شارى هه‌ولێرى ئه‌نجامى ده‌دات به‌مه‌به‌ستى خۆ ئاماده‌كردن بۆ یاریه‌كانى قۆناغى دووه‌مى خولى نوخبه‌ى عێراقی،یاریه‌كى دۆستانه‌ى خۆئاماده‌كارى له‌گه‌ڵ یانه‌ى هه‌ولێر ئه‌نجامدا.
تیایدا یانه‌ى هه‌ولێر توانى به ئه‌نجامێكى گه‌وره و به 5-1 گۆڵ له یانه‌ى نه‌فت بباته‌وه،گۆڵه‌كانى یانه‌ى هه‌ولێر مسته‌فا ئه‌حمه‌د و ئه‌وس ئیبراهیم 2 گۆڵ و نه‌زاد شێرزاد و كینان نیعمه تۆماریان كرد.
جێ باسه یاریه‌كانى قۆناغى دووه‌مى خولى نوخبه‌ى عێراقی رۆژى 3ى مانگى نیسانى داهاتوو ده‌ست پێده‌كاته‌وه و یانه‌ى هه‌ولێریش به 45 خاڵ بووه پاڵه‌وانى قۆناغى یه‌كه‌م
