ڕامیرێز – وا دیارە هاڵک دێتە چێڵسی

یاریزانی هێڵی ناوەڕاستی یانەی چێڵسی ڕامیرێز پێشوازی لەو ڕاپۆرتانە کرد کە باس لە گواستنەوەی هێڕشبەری یانەی پۆرتۆ هاڵک دەکەن بۆ تیمەکەی.

پێشبینی دەکرێت یاریزانی تەمەن ٢٥ ساڵان ببێتە دووەم گرێبەستی بلوز لە بازاڕی گواستنەوەکانی ئەم هاوینە ئەمەش لە دوای کڕینی یاریزان ئیدێن هازاردـی یاریزانی یانەی لێل بە بڕی ٣٩ ملیۆن یۆڕۆ.

هەردوو یاریزان ڕامیرێز و دێڤد لویز وا لە هاڵک دەکەن کە هەست بە ماڵەوە بکات لە ستامفۆرد برێج چونکە هەر سێکیان یاریزانی هەڵبژاردەی بەڕازیلین،لە لێدوانێکی ڕامیرێز ووتی :

من لێرەوە بە دوای ئەو هەواڵانە کەوتووم کە باس لە گواستنەوەی هاڵک دەکەن بۆ چێڵسی،وا دیارە پەیوەندیمان پێوە دەکات،لەگەڵ ئەو یاریم کردووە لە هەڵبژاردەی بەڕازیلی،هەروەها لە ڕابردوو دژی یەک یاریمان کردووە کاتێک یاریزانی یانەی بێنفیکا بووم،ئەگەر بێتە بلوز ئەوا هیچ کێشەی نابێت لە خۆ گونجاندن چونکە من و لویز وای لێدەکەین کە هەست بکات لە ماڵەوەیە.