بابه‌ت: عه‌شق و دووری
وا نه‌زانی دابڕانێ خۆشه ویستی له ناو ده‌با
چاره‌نووسی نادیار بێ وه‌ک خاشاکی ده‌ست ڕه‌شه‌با
وا تێ نه‌گه‌ی هه‌موو ئه‌وین له ناو جانیای سه‌فه‌ر دا بێ
بۆ هه‌ر هه‌وارێ ڕۆشتی بیخه‌ی ته شان له‌گه‌ڵتا بێ
عه‌شق له دڵ هه‌ڵ قوڵابێ به‌م دونیایه له بن نایه
به فرمێسک گۆش کرا بێ پڕ له هه‌ناسه‌ی هیواهه
هه‌رچه‌ند دوور بێ بێ هه‌واڵبێ عه‌شقی له لاشیرین تره
گڕی سۆزی دانا مرکێ سات له دوای سات به گوڕتره
چاوی پڕ حه‌سره‌تو ئه‌شکی هه‌ر له ڕێگایه بێته‌وه
ڕووحی ئه‌وین قه‌ت نامرێ به نیگایێ ده‌ژیێته‌وه
هه‌موو ئه‌و بابه‌ت و زانیـاریه وه‌رزشیـانه‌ی كه له لایـان رۆژنـامه‌نوسی وه‌رزشی سـانی نـاصیح بڵاو ده‌كرێته‌وه ، مـافی پارێزراوه ، بۆیه ئه‌گه‌ر تۆش بڵاوت كرده‌وه ئـامـاژه به‌سه‌رچـاوه و نـاوی نوسه‌ره‌كه بكه .
