[size=16]ده‌ستت خۆش بێ برام
هۆنراوه‌کانی کاک عمران زۆر جوان
ده‌ستی به‌رێزتان خۆش بێ بۆ بلاو کردنه‌وه‌ی

دیلی ئه‌وین

مانگم کردۆتــه‌ ئــاوێنه‌ لێــی ده‌ڕوانــم هــه‌موو شـــه‌وێ
به‌ ئومێدم ته‌نها جارێ ڕوخســـاری تۆ تیــا ده‌ر کــــه‌وێ
به‌ڵام زوو مانگ ئاوا ده‌بێ و دیسان شه‌به‌ق هه‌ڵ دێته‌وه‌
تۆ هـــه‌ر نایــه‌ی کۆرپه‌ی دڵــم له‌ باوه‌شتا ژیر بێته‌وه‌
نه‌نیگایه‌کـــم پــێ مـــاوه‌ به‌دوای تۆدا هـــه‌نگاو بنێـــم
نه‌ ئه‌جنۆم هێزی پێماوه‌ تاکو لــــه‌ده‌ستی خـــه‌م هه‌ڵێم
تۆ به‌جۆرێ دیلت کردووم له‌ سه‌ر ڕووی ئه‌م زه‌مێنه‌دا
نه‌ ئــه‌وه‌تـــا خــه‌م بمــکوژێ نـــه‌ده‌ستیشم بـه‌ تـۆ بگا

ئه‌م شه‌وو

ئــــه‌م شــه‌وو دڵم وه‌کو باران شـــه‌ونمی بـــۆ ده‌بــارێنی
مــن تێ ناگه‌م هــــه‌تاکوو کـــه‌ی دوایی نایه‌ چاوه‌ڕوانــی
هـــه‌موو شه‌وێ گڕی دووریت ده‌ســوتێنێ هـه‌موو گیانـم
دڵم بــــه‌کوڵ بـــۆ تۆ ده‌گری و بـــێ ئــــاگایه‌ چاوه‌کانــم
وه‌کو ده‌روێش له‌ خۆم ده‌ده‌م ئه‌دوێم لـــه‌گه‌ڵ نیوه‌ی شه‌وا
تۆیش بێ ئاگا له‌ حاڵی من ئێستا وای لـــــه‌ قوڵـــی خه‌وا
خـــه‌یاڵ ده‌که‌م هـــاوسه‌ره‌که‌ت ئێستا ده‌بـــــێ به‌قوربانت
له‌ ژێر ماچا سوور بۆته‌وه‌ سه‌ر ڕووی هـــــــه‌ردوو گۆناکانت
تۆش تووند بـــاوه‌شت لێداوه‌ نووساندووته‌ بـــه‌ خــۆته‌وه‌
منیش فرمێسک لــــه‌ سه‌ر گۆنام دڵۆپ دڵۆپ شۆڕ بۆته‌وه‌
ده‌خته‌ ڕوحـــم دێته‌ ده‌رێ و جـــه‌رگ و دڵـــم لێک بێته‌وه‌
حه‌ز ده‌که‌م هــه‌ر ئـــه‌م شه‌و بمرم سبه‌ینێ ڕۆژ نه‌بێته‌وه‌

سوجده‌یه‌ک بۆ خۆشه‌ویستی

یه‌ک ڕکات نوێژی فه‌رزم پێ ناکرێ بۆ خوایه‌ک کـه‌وا دروستی کردووم
ئه‌وه‌نده‌ سوجده‌م بۆ تۆ بردووه‌ تـــه‌نها به‌ جـــــه‌سته‌م دیاره‌ کـه‌ زندووم
تۆش واهه‌ست ناکه‌ی مرۆفێک هه‌یه‌ له‌ نێو شعرێکا خـــۆی ئــه‌سوتێنێ
هه‌تاکو شعرێک بۆ تــۆ ده‌نووسێ پــه‌نجه‌ی وه‌کو مـــۆم داده‌گــــرسێنێ
قه‌ت وا هه‌ست نــه‌کــه‌ی چه‌رخی زه‌مانه‌ ڕه‌نگ و سیماتـم لێ ده‌شێوێنێ
تا عمران مابێ لـــه‌ نێو پــه‌رتووکـــی هـــه‌موو شعــرێکا ناوت ده‌‌هێنێ
هه‌ر لـــه‌ کیژۆڵه‌ی ســـه‌رده‌می ئێستا هــه‌تا ده‌گاتـــه‌ حـــه‌زره‌تی ئاده‌م
هه‌ر هه‌مووم به‌نێ ئه‌و کاته‌ش ده‌ڵێم یه‌ک تاڵ له‌ زووڵفت به‌ دوونیا ناده‌م

خه‌م

ئــــه‌م مشه‌و خـــــه‌مێک ئه‌م دوێنێ چاوه‌کانم پڕ گریانه‌
ئــه‌و دڵه‌ی عه‌شقی تۆی تیابوو ئێستا پڕ له‌ خه‌م و ژانه‌
هــــه‌ڵـــه‌ی مـن بوو ئازیزه‌که‌م دڵم بۆت کرد به‌ هێلانه‌
بۆیــه‌ ئێستابه‌ جێم دێلێ حـــاشــا ده‌که‌ی لـــه‌و ڕۆژانه‌
ئـــــه‌م مـــشه‌وو گـــریان گـــریانیشم بـــــێ هـــوده‌یه‌
تۆ بۆ ده‌بێ دڵـــت ڕه‌ق بـــێ بــــه‌زه‌یت بــــه‌منانــه‌یه‌
هـــه‌نــــاسه‌که‌م بـۆ پێشوازیت پێلوی چـــاوم له‌ ڕێتایه‌
به‌ڵام ئه‌فسووس خۆشه‌ویستم عه‌شق لای تۆبێ به‌هایه‌
ئــه‌مشه‌و بـــڕیار ئـه‌ده‌م نه‌نووم ده‌رگای دڵم واڵا ئه‌که‌م
رۆحم ده‌که‌مه‌ به‌مۆمـێ بۆت فه‌رشـی دڵم بۆت ڕائه‌خه‌م
چـــاوه‌ڕوانــــم دڵت نـــه‌رم بـــێ تۆبێته‌وه‌ هـه‌ناسه‌که‌م
ئه‌وسامنیش وه‌کو دیاری چه‌پکه‌ گۆڵت پێشکه‌ش ده‌که‌م[/size]

[size=16]سلاو کاک سه‌رهه‌نگ ..
ده‌ستت خۆش بی برام بۆ ئه‌و روون کردنه‌وه‌یه‌
منیش ده‌لێم ووشه‌ی سوجده‌ ته‌نها بۆ خوا ده‌گۆترێ نابێ بۆ که‌سێکی تر به‌کاری بێنین ، کاک عمرانی شاعیر لیره‌ باس له‌دلی خۆی ده‌کا که‌ چه‌نده‌ ئه‌و که‌سه‌ی خۆش ده‌وێت که‌ باسی ده‌کات له‌ شیعره‌کانی ، ئه‌گه‌ر به‌وودی بچینه‌ ناو دلی شاعیر مه‌به‌ستی سوجده‌ بردن نییه‌ مه‌به‌ستی ئه‌وه‌یه‌ حه‌زی کرد گه‌وره‌ترین سۆزی خۆشه‌ویستی خۆی ده‌رببرێ جا نازانێ چ ووشه‌یه‌ک به‌کار بێنێ بۆیه‌ ووشه‌ی سوجده‌ی به‌کار هێناوه‌ بۆ عه‌شقه‌که‌ی ، که‌ گه‌وره‌ترین ووشه‌یه‌ به‌بروای هه‌موو که‌س ..
به‌س هه‌ر نابێ به‌کاربێ چونکه‌ هه‌ندێ که‌سان هه‌ن به‌هه‌له‌ له‌مه‌ تێده‌گه‌ن ... سوپاس ..[/size]

[size=16]کاک سه‌رهه‌نگ تۆش که‌مێک په‌یامه‌که‌ی من به‌جوانی بخوێنه‌وه‌ بزانه‌ چیم گۆتییه‌ ئه‌وه‌تا بابۆتی دوباره ده‌که‌مه‌وه‌‌ بۆ ئه‌وه‌ی تۆش باش له‌م حالی بی منیش ده‌لێم ووشه‌ی سوجده‌ ته‌نها بۆ خوا ده‌گۆترێ ‌[/size]

[size=16]زۆر جار هه‌یه‌ شاعر شتێک ده‌نوسێ ئه‌وه‌ی ده‌یخوێنێته‌وه‌ به‌جۆرێکی تر تێیده‌گا ئه‌گه‌ر بێتوو له‌ خودی خۆی بپرسین کاکه‌ ئه‌و ووشانه‌ی که‌ تۆ به‌کارت هێناوه‌ که‌مێک هه‌له‌ن به‌لام ئه‌و به‌جۆرێکی تر بۆمان باس ده‌کات گومانه‌که‌مان له‌لا نامێنێ ..
برام کاک سه‌رهه‌نگ تۆش ده‌ستی شیعرت هه‌یه‌ زۆر جار شیعرت نوسیوته‌ که‌چی خوێنه‌ر لێ حالی نه‌بووه‌  یان به‌جۆرێکی تر له‌ماناکه‌ی گه‌یشتووه‌ ، هیودارم تۆش په‌یامه‌که‌ی من به‌جوانی بخوێنیه‌وه‌ ئینجا ره‌خنه‌ له‌ قسه‌کانم بگری .. سوپاس ..[/size]