[size=19]هه‌ڵگرتنی ده‌نگێك به‌ره‌و ووڵات

  دیسان به‌ ده‌نگت...

  بۆن و هه‌ناسه‌ی ووڵات ده‌كه‌م
  بۆنی زه‌رده‌ی ئێواره...‌

  ماچی ده‌می تراویلكه‌ی هاوین ده‌كه‌م
  بۆنی مێخه‌كی سینه‌ی سوری سه‌یوان

  شێخ مارف و شه‌هیدان ده‌كه‌م
  بیری گۆڕی جوانه‌مه‌رگ

  هه‌نسك و گریانی دایكم ده‌كه‌م
  به‌ لێزمه‌ بیرت ده‌كه‌م...

  ده‌گریم تا له‌ ئارامی ئه‌و ده‌نگه‌دا ئارام بگرم
  سڵاوێك بۆ گوڵ

  سڵاوێك بۆ خه‌م... سڵاوێك بۆ دوور
  سڵاوێك بۆ سلێمانی...
  بۆنی گه‌ڵای پرته‌قاڵی ووڵات

  پردێله‌كه‌ی یارم ده‌كه‌م
  هۆ ده‌نگی ئه‌شك و ئه‌وین

  هۆ تیری دڵداری هۆ ده‌نگی مه‌لوول 
  بۆنی گوڵه‌ گێلاخه‌ی...

  بن به‌ردی كازێوه‌ی شه‌ونمی ته‌ڕ ده‌كه‌م
  سه‌یری پێكه‌نینی گڵه‌ زه‌رده‌

  داهێنانی پرچی ئاڵی گۆیژه‌ ده‌كه‌م
  سه‌یری یاری نه‌سیم و گه‌ردن یاقوت

  یاری سه‌ربانی جاران ده‌كه‌م
  ده‌م جوڵێنێ ئه‌و ده‌نگه‌ بێ هاوتایه‌

  بۆ ووڵاته‌ بێ كه‌سه‌كه‌م
  ده‌زانن بۆ؟   
  من خاوه‌نی خاكو خۆڵی ووڵاتێكی زۆر بێ سۆزم
  ئه‌ی ده‌نگی مه‌لوول 
  بۆیه‌ ده‌ڵێم...

  له‌ خوا ته‌نها ترو، له‌ شه‌یتان نه‌فره‌ت بار ترین
  ئه‌ی ئاوازی خه‌م هۆ ئاوازی ده‌نگ
  سلاوێك بۆ تۆ...
  باڵای ده‌نگت هه‌ڵی گرتم

  تا له‌ ده‌روازه‌ی هێمن و وه‌لی دا فڕێی دام
  منیش بوومه‌ پیفوی پڵیته‌ی چرای سوتاو

  تا له‌ ده‌ستی پیره‌ژنێكدا...
  به‌ خه‌م دامگیرسێنێته‌وه‌
  به‌ ده‌نگی تۆ دیسان بوومه‌

خه‌یاڵی یاهووی ده‌روێش
  كرامه‌ زنجیره‌ی یادگاری سۆفی

  بووم به‌  عاشقی ڕێگای عه‌ده‌م
  بووم به‌ خه‌یاڵ

  بووم به‌ ‌ سه‌مفۆنیای گریانی دایكی باران
  بووم به‌  ده‌لاقه‌ی په‌نجه‌ره‌ی ماڵه‌ هه‌ژاران
  بووم به‌ فرمێسك

  نا...

  به‌ هه‌نسك

  نا...

  به‌ گریان
  نا...

  من كۆت و زنجیر كرام
  چوار مێخه‌م له‌ خاچ درا
  به‌ خاچه‌وه‌ هه‌ڵی گرتم مه‌لی ئاواز
  تا دیلانێی قاچه‌كانیا

  بم  باته‌ سه‌ر زه‌رده‌ی ئێواره‌ی ووڵاتم
  ووڵاتی بێكه‌سم...
  خۆ گوێت لێیه‌ له‌ شعره‌ بێکه‌سه‌که‌م
  له‌ كۆتای بێكه‌سیماندا به‌ شنه‌ی شه‌ماڵی به‌هار
  ئه‌م شعره‌م ده‌نێرمه‌وه‌ لات
  ده‌یكه‌مه‌ كه‌مه‌ربه‌ندی پشتت
  ئه‌ی ووڵاتی مه‌لوول
  هۆ ووڵاتی بێده‌نگ

                                  ماکوان[/size]

ريكاى راستى