بابه‌ت: له سوریا منداڵێك به‌چوارقاچه‌وه له دایك ده‌بێت
[size=16]له چه‌ند رۆژی رابردوودا له روداوێكی ده‌گمه‌ن‌و سه‌رنج راكێشكدا، له نه‌خۆشخانه‌یه‌كی شاری حه‌له‌ب له سوریا ژنێك منداڵیكی بوو كه چوار قاچی هه‌یه.
منداڵه‌كه ناوی (خلیل)ه، باوكیشی له لێدوانێكدا وتی: شه‌وی هه‌ینی رابردوو به‌ر له‌وه‌ی دایكی منداڵه‌كه بگوازنه‌وه بۆ نه‌خۆشخانه‌ی منداڵانی حكومیی له حه‌له‌ب ئاگاداری ئه‌وه‌بووین كه منداڵه شێواوه‌و چوار قاچی هه‌یه، زۆر به‌ئارامیش چاوه‌رانی له دایكبوونی بووین، پزیشكه‌كانیش پیان وتین باری ته‌ندروستی منداڵه‌كه باشه، به‌ڵام پێویستی به‌چه‌ند نه‌شته‌رگه‌رییه‌كه تا ئه‌ندامه زیاده‌كانی ڵی لابده‌ین.
د. ئه‌حمه‌د شێخ به‌رێوه‌به‌ری نه‌خۆشخانه‌ی له دایكبوون له حه‌له‌ب، وتی: حاڵه‌تی ئه‌و منداڵه نیشانه‌ی دووانه‌یه‌كی نا ته‌واوه‌و یه‌كێكه له گرفته‌كانی دوانه‌ی پێكه‌وه نوساو كه ته‌نها به‌شی خواره‌وه‌ی ته‌واوه‌و له حه‌وزه‌وه به‌یه‌كه‌وه به‌ستراوه‌ته‌وه، رونیشیكرده‌وه یه‌كێكه له حاڵه‌ته ده‌گمه‌نه‌كان كه له جیهاندا هه‌یه، ئه‌وه‌ش ده‌گه‌رێته‌وه بۆ بوونی گرفت له جینات له كاتی پرۆسه‌ی شكانی هێلكه، به‌و هۆیه‌شه‌وه دوانه‌ی رێژه‌یه‌كی به‌یه‌كه‌وه نوساو دروست ده‌بێت، بۆیه پێویسته لێك جیابكرێنه‌وه.
به‌رێوه‌به‌ره‌كه زیاتر وتی: ئێستا به‌شێوه‌یه‌كی ته‌واوه‌تی لێكۆلێنه‌وه له‌باری ته‌ندروستی منداڵه‌كه ده‌كه‌ین، بۆ زانینی شوێنی پیكه‌وه‌نوسانیان‌و ده‌رخستنی ئه‌ندامی زیاده‌ی تر له جه‌سته‌ی جمكه‌كه.
له‌لایه‌كی دیكه‌وه (منیر عه‌روق) سه‌رۆكی به‌شی نه‌شته‌رگه‌ری له نه‌خۆشخانه‌ی منداڵان وتی: به‌پێی ئه‌و پشكنینه‌ی ئێمه كردومانه ده‌ركه‌وتووه له چوار شوێنی به‌شی خواره‌وه حه‌وزی منداڵه‌كه به‌یه‌كه‌وه‌نوسان هه‌یه، هه‌روه‌ها به‌پێی پشكنیێكی ورد ده‌ركه‌تووه كه منداڵه‌كه كچه.
زیاتر وتی: دوای ته‌واوبوون له پرۆسه‌ی روپێوكردنی تیشكگرتنی ته‌واوی نه‌خۆشه‌كه، به‌هاریكاری زانكۆی حه‌له‌ب نه‌شته‌رگه‌ری جیاكردنه‌وه بۆ منداڵه‌كه ده‌كه‌ین‌و به‌دواشیدا ئه‌ندامی زاووزێشی جاك ده‌كرێته‌وه.
سه‌باره‌ت به‌هۆكاره‌كانی سه‌رهه‌ڵدانی ئه‌و حاڵه‌ته‌ش د. عه‌روق وتی: هۆكاری جیاواز هه‌یه، له حاڵه‌تێكه‌وه بۆ حاڵه‌تێكی دیكه ده‌گۆرێت، به‌ڵام به‌گشتی په‌یوه‌ندی هه‌یه به‌هۆكاری بۆماوه‌یی، هه‌ندێجار (تیشك-هۆرمۆن) ده‌بێته هۆی روودانی كه‌موكوری جینی له‌كاتی لێكجیاكردنه‌وه‌كه، ئه‌وه‌ش ئه‌م جۆره حاڵه‌ته‌ی لێ ده‌كه‌وێته‌وه، به‌ڵام له‌گه‌ل ئه‌وه‌شدا زۆر زۆر ده‌گمه‌نه.
ئه‌و كچه منداڵه كه ناونراوه (خلیل) دووه‌م منداڵی ئه‌و خێزانه‌یه‌و دایك‌و باوكی خزمایه‌تییه‌كی نزیكیان له‌گه‌ڵ یه‌كتر هه‌یه، به‌ڵام باوكی منداڵه‌كه ره‌تیده‌كاته‌وه كه هۆكاری ئه‌و حاڵه‌ته په‌یوه‌ندی به‌نزیكی خزمایه‌تی له‌گه‌ڵ خێزانه‌كه‌ی هه‌بێت‌و وتی ئه‌وه بۆچونی دكتۆره‌كانه.[/size]
kurdsat.tv
