بابه‌ت: ********هــــه‌نسكى ماڵ ئـــــاوایى *********
[size=16]ئه‌بێ ئه‌م شه‌و ئاسمان چی بیستبێ.
بۆ وا به خووڕ دائه‌بارێن..
بڵێت له‌م دیو هاوڕێى ڕه‌شا ئه‌ستێره‌یه‌ك ماڵئاوایى نه‌كردبێت .!
ئه‌بێ ئه‌مشه‌و شیعر چى بیستبێت .
بۆ وه‌ك پایزگه‌ڵای قژی ئه ڕنێته‌وه ..
بڵێت زریان شاعیرێكى به‌زنجه‌وه ڕانه‌دابێت ..!
ئه‌مشه‌و هه‌ر فیراقه ئه‌بێته تێشوى ڕێگه‌ى غوربه‌ت و دوا ئارامگه‌ى ڕوح بێ لانه‌یى ..
هه‌ر هه‌نسكێكه ڕه‌نگه‌كانى هێنده تێكه‌ڵاو كردوون..
نه قاقاى پێكه‌نینه به‌چه خاوه‌كان و ..
نه نوزه نوزی فرمێسكه‌كانیان لیك جودا ده‌كه‌مه‌وه ..
له‌م وه‌رزه پڕ له حوزنه‌دا ..
له سه‌ره‌تای ڕه‌وی مه‌ڵه بریسكه‌داره‌كاندا..
كۆمه‌ڵه ماڵێكی تر باخچه‌ی روحم جێدێڵن ..
له شه‌وه بێ نیگاكانی دیه‌مدا ..
هه‌زاران وشه به‌سه‌رمدا هاوار ئه‌كات و ئه‌پرسێت .!
نه وشه‌یه‌ك شك ئه‌به‌م بۆ وه‌ڵام ..
نه مه‌رگ پێم پێ ئه‌بات ..
نه سێبه‌ری كلۆری پیره دارێك قوتم ئه‌دات .! ده‌وه‌نیش بۆنم ناكات ..
نه ته‌یره‌كانی ئه‌م دوو به‌هه‌شته‌ش ئه‌م دۆزێته‌وه ..
جگه له خۆزگه‌ی په‌نجه‌كانی خۆم هیچی تر به‌دی ناكه‌م..!
گه‌ر به‌رائه‌ت كه‌مێك ئاشنایه‌تی نوسین بوایه ..
گه‌ر وجود هیچ مانایه‌كی نه‌ما ..
گه‌ر ژوانی ئه‌زیزانم سه‌رابێك بێت ..
تا گه‌ر تائه‌به‌د جگه‌ره‌ى چاوه ڕوانی داگیرسێنین..!
سیمایه‌ك نیگاكان خه‌ونه نارنجیه‌كان ساته‌كانی زیز بوون..
وه‌ك منداڵێكی وڕك گرتوو سه‌ر په‌نجه‌كانی خۆیان ئه‌گه‌زن..!
من ئه‌و هه‌رزه‌كاره ته‌مه‌ن ماش و برنجه ئه‌به‌م ..
كه ساتێكی خۆشییه‌كی هه‌ناسه‌یه‌كی دیدارێكی خه‌ونێكی وه‌نه‌وشه‌ییم له ژیاندا تۆمار نه‌كرد ..!
هه‌موو یاده‌كانی منداڵیم وه‌كو ئێستام ..له گۆڕێكی بێ كه‌ڵدا ئه‌بینم ..!
كه‌وا بێ ماڵئاوا ئه‌ی مرۆڤه په‌پوله‌ی به‌هه‌شتی ئه‌م دوو ده‌ڤه‌ره ..
ماڵئاوا ئه‌ی ڕه‌مزی به‌رائه‌ت و رێز و سۆز و وه‌فا ..!
دڵنیاتان ئه‌كه‌م له دوای ماڵئاواییم له پاڵ دیواری یادتاندا بارگه‌م ئه‌خه‌م ..
چونكه یادی ئێوه ئه‌و لێزمه بارانه‌ی كه ڕوحمی له په‌ڵه‌كانی خه‌م و تاوان پاك ئه‌كاته‌وه..!!
یاده‌كانی ئێوه‌ش قه‌شه‌نگترده‌بن له‌و په‌پوله مۆر و سورانه‌ی نه‌گه‌یشتونه دوامه‌به‌ست و له بێ هیواییدا سوتان ..!
هیواخوازم به دڵتان بێت:)
ناوی شاعیرنازانم له به رئه وه ی دوێنێ هاورێ یه که م ناردبوی بۆ ئیمێڵه که م:(
[/size]
