بابه‌ت: <<<< ژێــــــــــــــــی ڕۆحــــــمان >>>>
[size=16]چه‌نێ دڵ خۆشم ئازیزم
که تۆی به سۆز
به ناخ و دڵ ئه‌مدوێنی
وا هه‌ست ئه‌که‌م
ده‌نگت ئاوازێ مۆسیقایه
کلیلی نۆته‌کا‌نیشی
کلیلی قفڵی دڵمه
بۆیه گیانه
هه‌وڵ مه‌ده
گوێ ڕادێری
تا هه‌موو رازێکی دڵم
له زمانی داغ کراوم
به ده‌ست بێنی
ئازيز تۆ ته‌نها گوێ بگره
به‌و کلیله ده‌رگای دڵم بکه‌ره‌‌وه
تا ترپه‌ی دڵه شه‌یداكه‌م
به خۆشترین ئاوازی مۆسیقای شادی
بۆت بێته گۆ
ئاده ى وه‌ره
با پشووێ درێژ بده‌ین
به زمانمان
با ته‌نها ترپه‌کانی دڵ
بۆ چه‌ند ساتێ
به زمانی گوڵ
بۆ ژێی ڕۆحمان
بێنه زمان
سه‌مفۆنیایێ دابهێنن
به ناوی عیشقی سه‌رمه‌دی
که ببێته ڕێنموو‌یی
بۆعاشقه شه‌رمنه‌کان
یا بۆ زمان سوتاوه‌کان
به داغی ووشه‌ی ترسناک
ووشه‌ی نه‌نگه
ووشه‌ی نابێ
که به‌ربه‌سته
بۆ گه‌یاندنی په‌یامی
هه‌موو عیشقێ ..
سۆز
[/size]
