بابه‌ت: ئة نفلؤزاى بزنيش سة رى هة لدا
چه‌ند سه‌رچاوه‌یه‌كی رِۆژنامه‌وانی باسیان له بلاَوبونه‌وه‌ی ئه‌نفلۆزای (بزن) ناسراو به ڤایرۆسی (كیو) كردوه له به‌لجیكاو هۆڵه‌ندا و كه‌نه‌دا و چه‌ند ولاَتێكی عه‌ره‌بی و، ئاماژه‌یان كردوه كۆمه‌ڵێك هاولاَتی ئه‌م وولاَتانه توشی ئه‌م نه‌خۆسیه بوون.
له‌و باره‌شه‌وه ئاژانسی هه‌واڵی به‌لجیكی رِایگه‌یاندوه: ئه‌و هاولاَتیانه‌ی تا ئێستا ناو یان تۆمار كراوه‌و توشی ئه‌م نه‌خۆشیبون له هۆڵه‌ندا 11 كه‌س ، له به‌لجیكا 19 كه‌س ، 21 كه‌سیش له ئه‌مریكا، 4 كه‌سیش له كه‌نه‌دا.
به مه‌به‌ستی رِێگرتن له بلاَوبونه‌وه‌ی ئه‌م ڤایرۆسه‌ش، حكومه‌تی به‌لجیكی به سه‌رۆكایه‌تی كریس بیته‌رز كه له‌هه‌مان كاتیشدا وه‌زیری كشتوكاڵه كۆبوه‌نه‌وه‌یه‌كی كتوپرِیان گرێداوه‌و، له لای خۆشیانه‌وه حكومه‌تی هۆڵندی برِیاری داوه هه‌موو بزنه ئاوسه‌كان سه‌رببرَیت، وه‌ك هۆكارێكی سه‌ره‌تایی بۆ رِێگرتن له بلاَوبونه‌وه‌ی ئه‌م ڤایرۆسه.
رِۆژنامه‌ی شروقی جه‌زائیریش بلاَوی كردوه‌ته‌وه كه چه‌ند حاڵه‌تێكی توشبون به‌م نه‌خۆشیه له وولاَتانی كه‌نداو تۆمار كراوه، ژماره‌ی حاڵه‌تانی توشبونیش به‌م شێوه‌یه‌یه، سعویه 7 حاڵه‌ت و، به‌حره‌ین 3 حاڵه‌ت و، قه‌ته‌ر 6 حاڵه‌ت، ئیمارِاتی عه‌ره‌بی 16 حاڵه‌ت، میسر 8 حاڵه‌ت، عومان 2 حاڵه‌ت، 32 حاڵه‌تیش له وولاَته عه‌ره‌بیه‌كانی تر، هه‌تا ئیستاش هیچ سه‌رچاوه‌یه‌كی فه‌رمی ئه‌م زانیارنه‌ی دووپات نه‌كردۆته‌وه.
به‌پێی رِۆژنامه‌كه: ئه‌وه‌ی كه بوه‌ته هۆی گومان بلاَوبوه‌نه‌ی ئه‌م ڤایرۆسه‌یه له كاتێكدا ئێستا هاولاَتی جیهان به ده‌ست په‌تای ئه‌نفلۆزای به‌رازه‌وه ده‌ناڵێنن وه‌ك خێوێك به‌رۆكیان به‌رنادات، ئه‌بێت ئه‌و لایه‌نانه كێبن كه ئه‌م ڤایرۆسه‌یان بلاَوكردۆته‌و له كاتێكدا خودی ئه‌نفلۆزای به‌رازیش گومان هه‌یه له رِێگای لایه‌نه‌ێكه‌وه بلاوکرابێته‌وه.
