بابه‌ت: هونراوه يه كى كوميدى
[size=16]
شیعر دۆت کۆم
چاوت وه‌ك مۆنیته‌رى فلات گه‌شه
ئیمه‌یڵم بۆ ده‌نێرى پڕه له هه‌ڕه‌شه
كیبۆردێكم، به په‌نجه‌ى تۆ نه‌بێت تایپ ناكه‌م
عاشقێكم، گه‌ر نه‌تبینم ڕیفرێش ناكه‌م
شه‌وان ئه‌وه‌نده بیرت ده‌كه‌م تا پرۆسێسه‌رى خه‌یاڵم جام ده‌بێ
شه‌وان دڵم ده‌بێته فۆڵده‌رێك و پڕ له ئایكۆنى خه‌فه‌ت ده‌بێ
ئه‌درێسى هه‌موو سایتێك ناوى تۆم بیر ده‌خاته‌وه
چونكه ناوى تۆیه دڵم دیفراگمێنت ده‌كاته‌وه
زمانم میدیاپله‌یه‌رێكه و سه‌مفۆنیاى عیشقت بۆ ده‌چڕێ
ئه‌م هارده‌ى دڵم خه‌مه‌كانى تۆش سه‌یڤ ده‌كا و هه‌ڵیانده‌گرێ
كاتێ شه‌وان له‌نیگاى تۆ دڵم بێبه‌ش ده‌بێ
باكگراوندى ژیانم تارێك و لێڵ و ڕه‌ش ده‌بێ
حه‌ز ده‌كه‌م تۆ نیشتمان و خۆشه‌ویستم بى
ڕامى یه‌ك گێگاى نێو مه‌زه‌ربۆردى هه‌ستم بی
به‌ڵام ڤایرۆسى ئه‌م حه‌زه شێته‌ى من
له ئه‌نتیڤایرۆسى ڕقى تۆ تێپه‌ڕ نابێ
عیشقیشت مۆنیته‌رێكه و
به هه‌زاران فلته‌ریش تاریك نابێ
من له‌باكگراوندى جوانى تۆ تێناگه‌م
حه‌زده‌كه‌م دایمه هه‌ر سه‌یریان بكه‌م
سینگت پادێكه و دوو ماوسى له‌سه‌ره
حه‌زده‌كه‌م هه‌ر كلیكیان له‌سه‌ر بكه‌م
چاوى تۆ باشترین سێرچه و من شادى تیا ده‌دۆزمه‌وه
وه‌ره له سیدى ڕۆحم خۆت بخه نێو ویندۆزمه‌وه
كیبۆردى ژیانم ته‌نها پێنج پیت ده‌نووسێ
ئه‌ویش یوزه‌رنه‌یمى تۆیه
فۆتۆشوپى خه‌یاڵیشم ته‌نیا وێنه‌یه‌ك ده‌كێشێ
ئه‌ویش له‌یه‌ر و ستایڵى چاوى تۆیه
تۆ كاشمیمۆرى پرۆسێسه‌رى ڕۆحى منى
بۆیه هه‌موو كات له لای من ئۆتۆ ڕه‌نی
ناوى تۆ هه‌موو كات لاى من سیرێلنه‌مبه‌ره
نیگایشت جوانترین سكرینسه‌یڤه‌ره
رامـــــــــــــان[/size]
