[size=16] ئه‌ی بارانی به‌خته‌وه‌ریم به‌خوڕ داكه‌ بابتبینم
كزه‌ و كسپه‌ی ئێوارانم ، به‌تاو وه‌ره‌ بابتبینم
هێن له‌مێژه‌ له‌یه‌ك دورین وه‌خته‌ دڵم ببێ به‌ئاو
بۆمن سه‌خته‌ ئه‌م غوربه‌ته‌ وه‌كو ماسی له‌ئاو بڕاو
منێك جاران به‌یانیه‌ك ، له‌سێبه‌رتا نه‌بوومایه‌
وه‌كو هێرۆی نزاری شین ، پێكه‌نینم نه‌گرتایه‌
ده‌بوو وه‌كو به‌فر به‌دیار خونچه‌وه‌ من چرۆ بگرم
له‌تاو پایز وه‌كو پشكۆ سه‌حه‌ر تا شه‌و ئێشك بگرم
ئیدی ئێسته‌ چۆن نابرژێم ئه‌م فیرقه‌ته‌ چۆن نامكوژێ
وه‌كو گێلاس له‌كۆشی ژین ، ئه‌م ئازاره‌ چۆن نامڕێژێ
من ڕۆشنایی كانیه‌كم ، عیشق نه‌بێ قه‌وزه‌ ده‌مخوا
ڕه‌ز و ترێ ی وڵاتێكم ، عیشق نه‌بێ ئاگر ده‌مخوا

ئیسماعیل خورماڵی
[/size]