كابرایه‌ك داوایه‌كی پێشكه‌ش به‌كۆمپانیای مایكرۆسۆفت كرد بۆ دامه‌زراندنی به‌فه‌راش له‌كۆمپانیاكه‌دا.دوای چاوپێكه‌وتن و هه‌لسه‌نگاندن و تاقیكردنه‌وه‌ی به‌پاكردنه‌وه‌ی زه‌وی ئۆفیسی كۆمپانیا,به‌رێوه‌به‌ری كۆمپانیا ره‌زامه‌ندی خۆی له‌سه‌ر دامه‌زراندنی ده‌ربری وپێی راگه‌یاند كه‌خشته‌ی كارو به‌رواری ده‌ست به‌كاربوونی له‌رێگای ئیمیله‌وه‌ بۆ ده‌نێریت...
كابراش له‌وه‌لامدا گوتی:به‌لام قوربان من نه‌كۆمپیوته‌رم هه‌یه‌ نه‌ئیمێل!
به‌رێوه‌به‌ر به‌سه‌ سورمانه‌وه‌ پێی گوت:ئه‌وه‌ی ئیمێلی نه‌بێت,ئه‌وا ئه‌سله‌ن بوونی نیه‌,ئه‌وه‌ش كه‌بوونی نه‌بێت مافی كاركردنی نییه‌!
كابراش به‌دڵشكاویو بێ‌ هیواییه‌وه‌ هاته‌ ده‌ره‌وه‌!زۆر بیری كرده‌وه‌ كه‌ده‌توانێت چی بیكات؟ له‌كاتێكدا كه‌جگه‌ له‌(10)دۆلار هیچیتر شك نابات!دوای بیركردنه‌وه‌یه‌كی قوڵ ڕووی كرده‌ بازاری سه‌وزه‌ فرۆشان و سندوقێك ته‌ماته‌ی كریو ده‌ستی كرد به‌ته‌ماته‌ فرۆشتن له‌گه‌ره‌كه‌كاندا.
له‌هه‌مان رۆژدا ئه‌م كاره‌ی سێ‌ جار دووباره‌ كرده‌وه‌و توانی سه‌رمایه‌كه‌ی چه‌ند قات زیاد بكات و ئێواره‌ كه‌گه‌رایه‌وه‌ ماڵه‌وه‌ له‌بری(10)دۆلار (60)دۆلاری له‌باخه‌لدا بوو!!
كابرا دركی به‌وه‌كرد كه‌ده‌توانێت به‌م شێوه‌یه‌ بژی,له‌به‌رئه‌وه‌ بریاریدا رۆژانه‌ ئه‌م كاره‌ ئه‌نجام بدات,بۆ ئه‌م مه‌به‌سته‌ش به‌یانیان زوو له‌ماڵ ده‌چووه‌ ده‌ره‌وه‌و شه‌وان ده‌گه‌رایه‌وه‌.
قازانجی ئه‌م كابرایه‌ هه‌ررووی له‌زیاد بوون ده‌كرد,دواتر هه‌ڵسا به‌كرینی عاره‌بانه‌یه‌ك و دواتر ئۆتۆمبێلێكی بار هه‌ڵگرو پاشان بوو به‌خاوه‌نی كۆمه‌لێك(شاحنه‌) بۆ گه‌یاندنی داواكاری هه‌میشه‌ كریاره‌كانی,پاش پێنچ ساڵ ئه‌م كابرایه‌ بوو به‌گه‌وره‌ترین هاورده‌كارانی خۆراك له‌ئه‌مه‌ریكادا!!
ئه‌م كابرایه‌ بۆ مسۆگه‌ركردنی دوا رۆژی خێزانه‌كه‌ی ویستی بۆلیسه‌یه‌كی ته‌ئمین بكرێت و بۆ ئه‌م مه‌به‌سته‌ په‌یوه‌ندی كرد به‌گه‌وره‌ترین كۆمپانیاكانی ته‌ئمینه‌وه‌.
دوای ئه‌وه‌ی یه‌كێك له‌و كۆمپانیانه‌ی هه‌ڵبژارد,كارمه‌ندی ئه‌و كۆمپانیایه‌ كاتێك فۆرمه‌كه‌ی بۆ پركرده‌وه‌ داوای لێكرد كه‌ئیمیله‌كه‌ی بداتێ‌!كابراش له‌وه‌لامدا پێی گوت:ببوره‌ ئیمه‌یلم نییه‌!!
كارمه‌نده‌كه‌ش به‌سه‌ر سوڕمانه‌وه‌ پێی گوت: تا ئێستا ئیمه‌یڵت نیه‌ و خاوه‌نی ئه‌م هه‌موو سه‌روه‌ت و سامانه‌یت وئه‌م ئیمپراتۆره‌ گه‌وره‌یه‌ت بنیاتناوه‌؟
جا ئاخۆ ئه‌گه‌ر ئیمیلت هه‌بووایه‌ ئه‌مرۆ ده‌بوایه‌ له‌كوێ‌ بوویتایه‌؟
كابراش دوای بیركردنه‌وه‌یه‌كی كورت پێی گوت:ئه‌گه‌ر ئیمێلم هه‌بووایه‌ ئێستا فه‌راش ده‌بووم له‌كۆمپانیای مایكرۆسۆفت!!
كه‌واته‌ چاره‌نووسی تۆ به‌یه‌ك كاره‌وه‌ په‌یوه‌ست نیه‌!!مه‌رج نیه‌ ئه‌گه‌ر له‌ده‌رگایه‌كتدا و بۆت نه‌كرایه‌وه‌,ئیتر ده‌سته‌و ئه‌ژنۆ دابنیشیو هیچ هه‌ولێك نه‌ده‌یت.
ئه‌گه‌ر سه‌دان جار هه‌وڵه‌كانت شكستیان هێنا بێ‌ هیوا مه‌به‌,ئه‌وه‌ی له‌سه‌ر تۆیه‌ كۆلنه‌دانه‌و سه‌ركه‌وتنیش موڵكی كۆلنه‌ده‌رانه‌.
گۆڤاری بریار...مه‌ریوان بێدار