بابه‌ت: سه‌دوهه‌ژده رۆژ بێ دڵ ژیا
دزانا سیمۆنز "، ئه‌و كچه گه‌نجه بوو، كه ماوه‌ی 118رۆژ به بێ دڵ ژیانی به سه‌ر برد.
دوای چه‌ندین مانگ چاوه‌رِوانی، كاتێك كه دڵێكی تازه په‌یدا بوو بۆ ئه‌وه‌ی پزیشكه‌كان بتوانن له شوێنی دڵه نه‌خۆشه‌كه‌ی " دزانا سیمونز "ی دانێن، ئه‌مه پزیشكه‌كان و "سیمۆنز"ی زۆر دڵخۆش كرد، به‌لاَم ئه‌و دڵخۆشیه ماوه‌یه‌كی زۆری نه‌خایه‌ند، چونكه ته‌نها ماوه‌یه‌كی كه‌م دوای چاندن، دڵی نوێ گرفتی بۆ دروست بوو.
له‌و كاته‌دا پزیشكه‌كان هیچ دڵێكی تریان له به‌رده‌ست نه‌بوو له شوێنی دڵه تازه‌كه‌ی دایبنێن، ناچاربوون دڵه تازه‌كه‌یان له جه‌سته‌ی " دزانا سیمونز"كرده‌وه، تا كاتی دۆزینه‌وه‌ی دڵێكی تر دوو په‌مپی ده‌سكردیان له جیاتی دڵ بۆ دانا، تاكو ئه‌ركی خوێن گه‌یاندن له له‌شیدا ئه‌نجام بدات.
"دزانا سیمونز "ماوه‌ی 4 مانگ توانی به هۆی ئه‌و په‌مپه درێژه به ژیان بدات، تاكو له ئه‌نجامدا پزیشكه‌كان توانیان دڵێكی نوێی بۆ بچێنن كه به خۆشیه‌وه ئه‌مجاره‌یان دڵه تازه‌كه وه‌ك كاتژمێر كار ده‌كات.
