بابه‌ت: مارێك له تاو برسێتی كلكی خۆی خوارد
به گوێره‌ی راپۆرتی رۆژنامه‌کانی بریتانیا له رووداوێکی بێ وێنه‌دا مارێک له تاوی برسێتی کلکی خۆی خوارد. (رینۆلند) خاوه‌نی ئه‌و ماره‌یه له لێدوانێکی له‌گه‌ڵ رۆژنامه‌کانی بریتانیا رایگه‌یاند: رۆژی رابردوو و له رووداوێکی بێ وێنه‌دا و جێی سه‌رسوورمان بینیم که ماره‌که‌م کلکی خۆی به ده‌مه‌وه‌یه‌و خه‌ریکی خواردنيه تی. (رینۆلند) له درێژه‌ی قسه‌کانیدا گوتی: به بینینی ئه‌و رووداوه په‌یوه‌ندیم به به‌رپرسانی فریاکه‌وتن گرت، ماره‌که‌میان گه‌یانده ناوه‌ندی پاراستنی ئاژه‌ڵ له (فی گیت) تاکو کلکی له ده‌می بێنه‌ده‌ره‌وه. له راپۆرتی رۆژنامه‌کانی بریتانی داهاتووه، ئه‌و ماره له تاوی برسێتی کلکی خۆی خوارد، چونکه پێیوا بووه که راوی كردووه. پزیشکانی به‌یته‌ری (ئاژه‌ڵی) ناوه‌نديی نه‌خۆشخانه‌ی ئاژه‌ڵان له (فی گیت) له رێگای نه‌شته‌رگه‌ری توانیان کلکی ماره که له ده‌می رزگار بکه‌ن. هه‌ڵبه‌ت پزیشکان له‌سه‌ر ئه‌و بڕوایه‌ن ئه‌گه‌ر له کاتی خۆیدا ماره‌که‌یان نه‌گه‌یاندبا نه‌خۆشخانه، ماره‌که کلکی خۆی قووت ده‌داو له ئاکامدا كۆتایی به ژیانی ده‌هات. جێی ئاماژه‌یه ئه‌و ماره له جۆری شای مارانی کشوه‌ری ئاسیایه. به‌ڵام زیاتر وه‌ک ئاژه‌ڵی ماڵی ده‌فرۆشرێت و ماری ژه‌هراوی نین، به‌ڵام له‌به‌ر ئه‌وه‌ی توانای راو و کوشتنی ماری ژه‌هراویان هه‌یه زۆر به‌ناوبانگن
سەرچاوەی بابەت بنوسە بـه ريز.... بەرێوبەرایەتی
