بابه‌ت: شەپۆلێکی خۆڵبارین کوردستان گرتۆته‌وه
بەپێی هەواڵەکان، ئەو شەپۆلەی خۆڵبارین ئاستی بینین و رێژەی هاتووچۆی شەقامەکانی کەم کردووەتەوە. هەروەها ژمارەیەک هاووڵاتی تووشبوو بە نەخۆشییەکانی (رەبو) دوچاری تەنگەنەفەسی هاتن و روویان لە نەخۆشخانە و بنکە تەندروستییەکان کرد.
سەرچاوەکانی کەشناسی ئاماژە بەوە دەکەن کە ئەگەری ئەوە هەیە ئەو شەپۆلە تا سبەینی 23.2.2010 بەردەوام بێت، بۆیە لەو رووەوە وەزارەتی تەندروستیی هەرێمی کوردستان رێنماییەکی بڵاو کردەوە کە ئەمەش دەقەکەیەتی:
هاووڵاتیانى به‌ڕێز له هه‌رێمى کوردستان، له‌پێناو خۆپاراستن له له کاریگه‌رییه نه‌ریێه‌کانى خۆڵباران له کاتى که‌شى تۆزو خۆڵدا، ره‌چاوى ئه‌م خاڵانه‌ى خواره‌وه بکه‌ن، به تایبه‌تى ئه‌و که‌سانه‌ى نه‌خۆشى یان هه‌سته‌وه‌رى کۆئه‌ندامى هه‌ناسه‌یان هه‌یه وه‌ك هه‌ناسه ته‌نگى:
1. ئه‌گه‌ر پێویست نه‌بوو له‌ماڵه‌وه مه‌چۆره ده‌ره‌وه.
2. له‌ماڵه‌وه‌و له شوێنى کاردا ده‌رگاو په‌نجه‌ره‌کان دابخه.
3. له‌کاتى چوونه ده‌ره‌وه ده‌مامک به‌کار بهێنه بۆ داپۆشینى ده‌م و لووتت.
4. ئه‌گه‌ر هه‌ستت به هه‌ناسه ته‌نگى کرد سه‌ردانى نه‌خۆشخانه‌ى فریاکه‌وتن بکه.
