بابه‌ت: په‌تاته‌ى سوره‌وكراو هێمنى‌و ئارامیى ده‌روون زیادده‌كات
[size=16]به‌پێى توێژینه‌وه‌یه‌ك، په‌تاته‌ى سوره‌وكراو یارمه‌تیده‌رێكى باشه بۆ باشكردنى بارى ده‌روونیى‌و دروستكردنى خۆشى‌و به‌خته‌وه‌ریی له ناخى مرۆڤدا، سه‌ره‌ڕاى ئه‌وه‌ى وا ده‌كات زیاتر ئاره‌زووى هێمنى‌و ئارامیى بكه‌ین.
توێژه‌ره بریتانیه‌كانى ئه‌و توێژینه‌وه‌یه ئه‌وه‌یان ده‌رخستووه، مه‌سه‌له‌كه په‌یوه‌سته بە رێژه‌ى ئه‌و كاربۆهیدراته‌ى له خواردنى په‌تاته‌ى سوره‌وكراودا هه‌یه، یان له‌وانه‌یه هۆكاره‌كه‌ى ئه‌وه بێت كه بۆنه‌كه‌ى یاده‌وه‌رییه‌كانى مرۆڤ به‌ره‌و ساته خۆشه‌كانى ده‌باتەوە له‌گه‌ڵ خۆشه‌ویستان‌و كه‌سه نزیكه‌كان.
له لایه‌ن خۆشیه‌وه،"مایك گرین" پزیشك له زانكۆى "ئاستون" ئاشكرایكردووه، به‌پێى ئه‌نجامه‌كانى شیكردنه‌وه‌ى ده‌روونیى، ئه‌وه‌ى هۆكاره بۆ هێمنى‌و ئارامیى بارى ده‌روونیى؛ دواى خواردنى په‌تاته‌ى سوره‌وكراو، ئه‌و پێكهاته خۆراكیانه‌یه كه له خواردنه‌كه‌دا هه‌یه كه دوورنیه كاریگه‌ریى بایولۆجى هه‌بێت بۆ سه‌ر پێكهاته‌ى كیمیایى مێشك، یان له‌وانه‌یه هۆكارى ئه‌و خۆشى به‌خشینه دواى خواردنى په‌تاى سوره‌وكراو، بۆن‌و به‌رامە‌و ئه‌و چێژه خۆشه بێت كه له خواردنه‌كه خۆیدا هه‌یه.[/size]
kurdsat
