بابه‌ت: نه‌مردم من ئه‌گه‌ر ئه‌مجاره بێ تۆ
[size=16]نه‌مردم من ئه‌گه‌ر ئه‌مجاره بێ تۆ
نه‌چم شه‌رتبێ هه‌تا ئه‌م خواره بێ تۆ
ده‌رونم خاڵیه وه‌ك نه‌ی ده‌ناڵێ
هه‌وارێكی چ پڕ هاواره بێ تۆ
بینام كوێره هه‌ڵنایێ به‌ڕووی كه‌س
موژه‌م یه‌ك یه‌ك ئه‌ڵێی بزماره بێ تۆ
هه‌موو ئه‌عزاری ناڵینم ده‌ناڵێ
سه‌راپام میسلی مۆسیقاره بێ تۆ
قه‌سه‌م به‌و شه‌ربه‌تی دیداری پاكه‌ت
شه‌رابم عه‌ینی ژه‌هری ماره بی تۆ
له‌كن تۆ خاروخه‌س گولزاره بێ من
له كن من خه‌رمه‌نی گوڵ، خاره بێ تۆ
له‌كن من با وجودی ناس و ئه‌جناس
كه‌سی تێدا نیه ئه‌م شاره بێ تۆ
هه‌تا تۆم ئاشنابووی، ئاشنا بوون
ئه‌مێستا موو به موو ئه‌غیاره بێ تۆ
هه‌موو ڕۆژێ له تاو هیجرانی ئه‌مساڵ
ته‌مه‌نای مردنی پێراره بێ تۆ
له حه‌سره‌ت سه‌روی قه‌دت چاوی "نالی"
دوو جۆگه به‌ڵكو دوو ڕووباره بێ تۆ[/size]
نــــــــــــــــالی
سپێدەیەکی پڕ گۆرانییە
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
