هۆنراوه‌ی كڵاو : نوێترین هۆنراوه‌ی گۆران کاملیی مێوزیک ژه‌ن

کڵاوی تۆ جاریکی تر تازه‌ بۆ سه‌ری من نابێ
له‌ سه‌رمی نێی وه‌کو جاران پێت وابێ ئاشکرا نابێ
دڵ گۆڕین و بێ وه‌فایی و ناپاکی ‌هه‌تا سه‌ر نابێ
سه‌رو مێشکی من گه‌وره‌یه‌ له‌ کڵاوی تۆدا وون نابێ

چه‌نده‌ها درۆت بۆ درووم پڕ به‌ به‌ر ده‌تکرده‌ به‌رم
بێ ئه‌وه‌ی خۆم پێ بزانم قسه‌ی تۆ بوو له‌سه‌رسه‌رم
زۆر به‌ ڕاستگۆو ژیرمه‌ زانیت گوێ ڕایه‌ڵت بووم وه‌ک مناڵ
هۆشێک بێنه‌ به‌به‌ر خۆتا خۆشم وویستی هه‌ی بێ شه‌رم

باوه‌ڕ  ناکه‌م بۆ له‌ مه‌ودوا قه‌باره‌ی سه‌رم بزانی
بۆم بدووری کڵاوی تر له‌سه‌رم نێی به‌ ئاسانی
خۆت زیز مه‌که‌و دڵگیر مه‌به‌ هه‌ر قه‌شه‌نگ و هه‌ر(جوان)ی
به‌ڵام لای من نا،لای ئه‌وه‌ی قه‌باره‌ی سه‌ری ده‌زانی

زۆر خۆشم وویستی هه‌وڵم دا بتبوورم و دڵم جاک بێ
به‌ڵام سه‌یرم کرد وه‌ک خۆتی و درۆکانت ته‌واو نابێ
ده‌رزی و ده‌زووت کۆکه‌ره‌وه و بڕۆ گه‌ردنت ئازا بێ‌
نه‌ کڵاوی تۆو نه‌ سه‌ری من تازه‌ بۆ یه‌کتری نابێ