بابه‌ت: چی هەیە ؟
[center][size=16]چی هەیە ؟
چی وشەیەك هێند ناسكە من بۆت بكەم بەهۆنراوە
چی وشەیەك شایستەتە پێی وەسف كەم ئەو دوچاوە
چی لە دڵی ساویلكەتا جێگیر ئەبێ تاپێت بڵێم
چی شێعرێك لەلای تۆجوانە تابەسترانێ بۆت بڵێم
چی ئاڵو خاوێن و جوانە شێوەی وەكو كوڵمەكانت
چی سور و تێر و پڕ ئاوە وەكو لێوە جوانەكانت
چی هەیە هێندە پاراو بێ وەكو زوڵفی نازەیننم
چی هەیە هێند دڵفڕێن بێ وەكو سیمات كە ئەیبینم
چی هەیە بەوێنەت جوانبێ گەردنی سپی و ناسكی
چی هەیە هێندە ناسك بێ وەك مەچەك و قۆڵ وباسكی
چی لە جوانیدا وەك تۆیە چی یە وەك تۆ دڵ خۆش بكا
چی هەیە وەك تۆ بێ ڕەحم و جارێ لوتفێ بەمن نەكا
چی هەیە هێند بێ قەرار بێ چەشنی دڵم لەتاو دوری
چی باخێ وەك باخی هیوام گەڵاو گوڵی گشت هەڵوەری
سامان سه‌نگاوی
2010[/size][/center]
خۆشه‌ویشتیت ڕێگه نادا دوری سۆزت که‌مکاته‌وه
بێ له‌تۆ که‌سێ ناتوانێ ده‌رگای دڵم بکاته‌وه ..... سامان سه‌نگاوی
بێ له‌تۆ که‌سێ ناتوانێ ده‌رگای دڵم بکاته‌وه ..... سامان سه‌نگاوی
