بابه‌ت: ساڵێک له نیگه‌رانی (به‌رزان هه‌ستیار)
چه‌ند کورته شیعرێک له قه‌سیده‌ی " ساڵێک له نیگه‌رانی" ــی به‌رزان هه‌ستیار
بێ ئه‌قڵ ئه‌و که‌سه‌یه ..
زویر ئه‌بێت که پێی بڵێن شێت،
زانا ئه‌وه‌یه،
له‌به‌ر بارانی شێتییدا رائه‌کشێ و
خۆی ناخاته به‌ر هه‌تاوی ئیفلیجی..
ئاقڵه ده‌به‌نگه‌کان.
****
ئــای چه‌ند قه‌ره‌باڵغه ئه‌م چۆڵه‌وانیه !
****
هه‌تا بتوانم ئه‌دره‌سه‌که‌م ئه‌گۆڕم و
خۆم له مردن ئه‌شارمه‌وه،
به‌خاتری خۆم نا ،
له‌به‌ر چاوی ره‌شی ته‌نیایی
نه‌ک له بێکه‌سیدا په‌نا بۆ خۆ کوشتن به‌رێ !!!
****
ڕه‌نگه مردنیش هه‌ر نوستنێک بێت ،
به‌ڵام که‌س به‌یانی زوو هه‌ڵمان ناسێنێت...
بۆ کڕینی نانی گه‌رم
بۆ قوتابخانه
بۆ کار
چ خه‌وێکی به‌د فه‌ساڵه !!
****
ئه‌ی دڵ نه‌وه‌ستیت
مردن به‌دواته‌وه‌یه !
****
ئینسان به‌رگه‌ی گوللـه ناگرێت
ئیدی نازانم ..
چۆن سنگ ئه‌نێت به عه‌شقه‌وه
****
نیگه‌رانی
نه‌هامه‌تی
نه‌فره‌ت
ئه‌و سێ دره‌خته‌به‌رداره‌ن
نۆ به‌ره‌ی میوه‌کانیان به‌ر من ئه‌که‌وێت .
ئەو بولبولانەشم زیندانی ئەکرد
کە بەئارەزووی دڵی تۆ ناخوێنن..
YASSIN OMER
[/size][/center]
