بابه‌ت: تێبنی له‌سه‌ر شیعره‌كانی دوا ئه‌لبومی زه‌كه‌ریا عه‌بدوڵا!
تێبنی له‌سه‌ر شیعره‌كانی دوا ئه‌لبومی زه‌كه‌ریا عه‌بدوڵا!
- ئه‌گه‌رچی من زۆر به‌كه‌می گوێ له گۆرانی ده‌گرم، به‌ڵام وتوومه گۆرانییه‌كانی زه‌كه‌ریا تا ئه‌لبومی "تیلی ناز" به نه‌مری ماونه‌ته‌وه، هۆكاری ئه‌مه‌ش هه‌ڵبژاردنی شیعری جوان و كارێكی باش بۆی، له ڕووی دابه‌شكردنی مۆسیقا و دانانی ئاواز. ئه‌وه‌ی تێبنیم كردووه ئه‌وه‌یه كه ئه‌م ئه‌لبومه نوێیه‌ی به‌ناوی "لاپه‌ڕه‌ی سپی" ئه‌گه‌رچی ده‌ڵێن به‌رهه‌می دوو ساڵ شه‌ونخونییه، به‌ڵام هێشتا به‌و ڕاده‌یه نیه كه ئه‌م به‌رهه‌مه‌ی بگاته باڵای ئه‌لبومه‌كانی پێشووی!، ئێستاش كه گوێم له (تۆ هاتنی ئه‌ی نازه‌نین، ڕۆژگاری به‌ختم، بۆچی به ته‌نیا لێره جێتهێشتم... هتد) ده‌بێته‌وه واده‌زانم چهند ڕۆژێكه كه‌وتۆته بازاڕه‌وه. جا نازانم لاوازی چهند تراكێكی ئه‌م ئه‌لبومه‌ی ئێستای له ڕووی ئاواز و شیعره‌كانه‌وه بۆچی ده‌گه‌ڕێته‌وه!، ئایا نه‌بوونی كات بۆ تۆماركردنه‌‌كه له‌لایه‌ن زه‌كه‌ریا خۆی، یان په‌له كردن، یان ئاوا بوونی خۆری تواناكانی خۆی و هاوكاره‌كانی!
- چهند تێبینیه‌ك له‌سه‌ر شیعره به‌كارهاتووه‌كان:
* له تراكى 12, خوله‌كی 2:37 گوێ بیستی ئه‌م دێره بووم: "له دنیا ته‌نیا تۆم خۆشده‌ویستی".
- ئه‌وه‌ی شاره‌زایی له چۆنیه‌تی شیعر هه‌بێ و نه‌بێ ئه‌و دێره‌ی پێ ڕه‌وا نیه، "تۆم خۆشده‌ویستی" ته‌واو هه‌ڵه‌یه، جا نازانم بنوسی ئه‌م دێره چۆن هه‌ڵوه‌سته‌ی له‌سه‌ر ئه‌وه نه‌كردووه؟!.
* تراكی 11، خوله‌كی 4:17، گوێم له هه‌ڵه‌یه‌كی تر بوو:
"وه‌ره ببینه ده‌ردم بزانه،
دڵ بێ تۆ بێ لانه،
سه‌یری حاڵم كه
چهند په‌رێشانه پایزه خه‌زانه ئیتر با به‌س بێ ئه‌م ژانه. ."
- لێره من باسی ئه‌وه ناكه‌م كه دێره‌كان چه‌نده ساده‌و لاوازن، ئه‌وه‌ی من مه‌به‌ستمه له‌گه‌ڵ خراپ داڕشتنه‌كه‌ش هه‌ڵه‌ی تر به‌دی ده‌كرێ، هونه‌رمه‌ند له زمانی شاعیره‌وه ده‌ڵێ: "دڵ بێ تۆ بێ لانه"، دیسانه‌وه هه‌مووان ده‌زانن ئه‌م دێره دوو ووشه‌ی كه‌مه، ئه‌ویش "یه"ــیه، به زیاد كردنی ئه‌م دوو ووشه‌یه ده‌بێته "دڵ بێ تۆ بێ لانه‌یه". هۆی ئه‌م هه‌ڵه نوسینه‌ش ته‌نیا له پێناوی ڕێكخستنی سه‌روا بووه.
* تراكی 9، خوله‌كی 1:25، "شه‌وی بێ تۆیی تاریكه و بێ چرایه".
- ئه‌رێ "تاریكه و به چرایه" هه‌یه؟ كه نوسرا تاریكه پێویستی به‌وه نه‌ده‌كرد بنوسرێ بێ چرایه.
* تراكی 8، خوله‌كی 1:00، له‌م دیرانه وورد بوومه‌وه:
تۆ ته‌نیا ئاواتمی من بێ تۆ ژینم ناوێ،
ئاخر تۆ ده‌زانی دڵم كه‌وتۆته داوێ،
لێم گه‌ڕێ تێربم له تۆ، دڵ بكا ئۆخه‌ی تاوێ،
تخوا كه‌ی به‌زه‌یت دێ به ئیشقی دڵ سوتاوێ،
ئه‌م دڵه شێته‌م بگره‌و له ده‌ریای ئیشقت باوێ"
- له دێری دووه‌مدا شاعیر نووسیویه‌تی: "ئاخر تۆ ده‌زانی دڵم كه‌وتۆته داوێ"، به نوسینی "كه‌وتۆته داوێ" ڕوو كردنه له كه‌سی سێیه‌م له كاتێكدا بنوسی شیعره‌كه ڕووی ڕازی كردنی له كه‌سی دووه‌مه!، ده‌بوو وه‌ها بێت: "ئاخر تۆ ده‌زانی دڵم كه‌وتۆته داوت"
له‌دێری پێنجه‌م نوسراوه: "له ده‌ریای ئیشقت باوێ"، ئه‌مه‌ش هه‌ڵه‌یه‌كی تره، به نووسینی "له" له جیاتی "بۆ" دێره‌كه شێواوه، جگه له‌وه‌ش "ی" ئامرازی په‌یوه‌ندی كه فه‌ڕزه به "ئیشقت" بنوسێ نه‌نوسراوه. ڕاسته‌كه‌ی ده‌بوو بنوسرێ:
"ئه‌م دڵه شێته‌م بگره‌و بۆ ده‌ریای ئیشقتی باوێ"
* ئه‌وه به ئه‌قڵی كێ مه‌ی ده‌رمانی دڵانه؟
- تراكی 7 ئه‌گه‌رچی ناوه‌ڕكی شیعره‌كه‌م به‌دڵ نیه چونكه بانگه‌شه‌یه بۆ چوونه مه‌یخانه‌وه! له‌كاتێكدا زۆربه‌ی ووڵاته غه‌یره ئیسلامییه‌كانیش له هه‌وڵی ئه‌وه‌ن هه‌رچۆنێك بێت خه‌ڵكان له مه‌یخانه‌كان دووربخه‌نه‌وه. جگه له‌وه‌ش شیعره‌كه له هه‌ر سێ كۆپڵه‌كه ته‌نیا فرمانی تێ كردن ده‌كات، واته سه‌ره‌تایه‌كی بێ ناوه‌ڕۆك و كۆتایی!، هیچ گۆڕانكارییه‌كیش له ویستی كۆپڵه‌كان نیه جگه له گۆڕینی ووشه‌كان، جا له‌ویا ئه‌م دێره‌م به‌رگوێ كه‌وت "مه‌ی ده‌رمانی دڵانه"، بنوسی ئه‌م دێره ئه‌گه‌ر مه‌به‌ستی هه‌ر شتێ بێت هه‌ڵه‌یه و بیركردنه‌وه‌یه‌كی چه‌وتی هه‌یه.
هه‌ر له هه‌مان تراكدا كه 7ــه، له خوله‌كی 53 بۆ 1:01، له‌جیاتی ئه‌وه‌ی هونه‌رمه‌ند بڵێ "كه ڕوحم غه‌رقی خه‌مێكه"، به له‌رانه‌وه‌یه‌كی ناشاز ده‌ڵێ: (كه ڕوحممممممممقی غه‌مێكه!!!). ئه‌م ده‌ربڕینه‌ش گوێگر توشی شۆك ده‌كا به‌وه‌ی له هه‌موو زمانی كوردیدا "ڕوحمقی" نیه!.
هه‌ر له هه‌مان تراكدا و له خوله‌كی 2:45 هونه‌رمه‌ند زه‌كه‌ریا له جیاتی ئه‌وه‌ی بڵێ "تێكه دڵم پڕ له ژانه"، وتویه‌تی (تێكه دێدم پڕ له ژانه)!!!، جا نازانم بۆ به‌م دێره‌دا نه‌چۆته‌وه و چاكی نه‌كردۆته‌وه، خۆی ئه‌م هه‌ڵه‌یه‌ش ناخه‌مه پاڵ ئه‌ندامانی هه‌ڵسوڕێنه‌ری ستۆدیۆ چونكه ئه‌وان له زمانه‌كه ناگه‌ن و توركن، لێ ئه‌وه خه‌می زه‌كه‌ریا خۆی بووه كه به شێوازی ده‌ربڕین بچێته‌وه و ئه‌و هه‌ڵه زه‌قانه چاك بكات.
* له تراكی 2، شاعیر نووسیویه‌تی: "یه‌كه‌م جار ماچێ، جا لێو لێوانێ!".
- به‌هه‌ڵه‌دا نه‌چووم لێو لێوانێش هه‌ر ماچه. .
سه‌رهه‌نگ موحسین.
وته‌واوه وه له ڕێزمانیشدا ته‌واوه.
